Sigingo 31:15 - Mbeti ti Nzapa - Tënë so amu fini

¹⁵ Fade ala yeke sara kua ti ala na ya ti lango omene, me lango mbarambara ni ayeke lango ti wungo tere, lango ti wungo tere so a zia nde ndali ti mbi KOTA GBIA. Zo so a yeke sara kua na lango ti wungo tere, fade a yeke fâ lo.

Sigingo 31:15 ပူးပေါင်းရင်းမြစ်များ

Tongo nda ti aye 2:2

Na lango mbarambara ni, Nzapa ahunzi kua ti lo. Na lango mbarambara ni, Nzapa awu tere ti lo na peko ti kua so kue lo sara.

Sigingo 16:23

Moïse atene na ala: “Yanga so KOTA GBIA amu laa: Kekereke ayeke *lango ti wungo tere, lango ti wungo tere so a zia ni nde ndali ti KOTA GBIA. Ye so ala ye ti zö, ala zö ni; ye so ala ye ti to, ala to ni. Tanga ti kobe ni, ala bata ndali ti kekereke na ndaperere.”

Sigingo 16:26

Biani, fade ala yeke ro kobe ni na ya ti lango omene; me lango mbarambara ni ayeke lango ti wungo tere. Fade kobe ayeke daa pepe.”

Sigingo 23:12

“Na ya ti lango omene, fade ala yeke sara akua ti ala. Me na lango mbarambara ni, ala wu tere ti ala; tongaso si bagara ti ala na lele ti ala alingbi ti wu tere ti ala; tongaso si angbaa nga na awande so ayeke na ndo ti ala alingbi ti wu pupu.

Sigingo 31:14

Tongaso, alingbi ala bata lango ti wungo tere ni. Ti ala, lango ni so ayeke mbeni lango so a zia nde. Zo so ayeke sara si lango ni so aga sioni si lo sara kua na lango ni so, fade a yeke tumba lo na ya ti bongbi ti azo si a yeke fâ lo.

Sigingo 31:16

Fade azo ti Israel ayeke bata lango ti wungo so ngu na ngu. So ayeke *mbuki so ayeke ngba kpu na kpu.

Sigingo 31:17

Lango ti wungo tere ayeke mbeni ye ti dango be na popo ti mbi na azo ti Israel kpu na kpu. Biani, mbi sara yayu na sese na ya ti lango omene. Me na lango mbarambara ni, mbi sara kua pepe, mbi wu tere ti mbi.’ ”

Sigingo 34:21

“Fade ala yeke sara kua na ya ti lango omene, me na lango mbarambara ni, ala yeke wu tere ti ala. Ataa ayeke ngoi ti fango yaka wala ngoi ti fango ale ti kobe, ala yeke sara kua pepe.

Sigingo 35:2

‘Fade azo ayeke sara kua ti ala na ya ti lango omene, me lango mbarambara ni ayeke *lango ti wungo tere, lango so ala yeke zia nde ndali ti KOTA GBIA. Zo so ayeke sara kua na lango ni so, fade a yeke fâ lo.

Sigingo 35:3

Na ndo so kue ala lango daa, alingbi ala tingo wâ na lango ti wungo tere pepe.’ ”

Ezekiel 46:1

Tënë so Kota Gbia NZAPA atene ayeke so: “Yanga ti gbagba ti ya ni ayeke ngba na kangango ni na ya ti lango omene so azo ayeke sara kua; me a yeke zi ni na *lango ti wungo tere nga na lango ti matanga ti fini nze.

Awayango-sandaga 16:29

“So ayeke mbeni ndia so ayeke ngba kpu na kpu ndali ti ala: na lango baleoko ti nze mbarambara ni, fade ala yeke ke kobe ti sambela, ala yeke sara kua oko pepe, ataa ala azo ti Israel, ataa awande so aduti na popo ti ala.

Awayango-sandaga 23:3

“Na ya ti yenga oko, ala yeke sara kua na ya ti lango omene; me lango mbarambara ni ayeke *lango ti wungo tere; na lango ni so, ala yeke sara kua oko pepe, lango so ala yeke bongbi ti voro mbi. So ayeke lango ti wungo tere: na ndo so kue ala yeke duti daa, ala bata lango ni so ndali ti mbi KOTA GBIA.

Awayango-sandaga 23:32

Fade lango ni so ayeke duti *lango ti wungo tere ndali ti ala, ala yeke ke kobe. Na lango gumbaya ti nze ni na lakui, ngbii asi kekereke na lakui, ala yeke bata lango ti wungo tere ni.”

Nzoni Tënë so Luc asu na mbeti 13:14

Makonzi ti da ti sambelango Nzapa ni asara ngonzo, ngbanga ti so Jésus akai kobela na lango ti wungo tere. Tongaso lo tene na gba ti azo so, lo tene: “Alango ti sarango na kua ayeke omene. Tongaso ala ga na ya ti alango ni so si a kai akobela ti ala, me na lango ti wungo tere pepe!”

Nzoni Tënë so Luc asu na mbeti 23:56

Na pekoni, ala kiri na ya ti gbata ni si ala leke ayombo na aye so azo ayeke zia na tere ti kuâ. Na lango ti wungo tere, ala duti ti wu tere ti ala tongana ti so atënë ti ndia afa.

Ndia ti fani use ni 5:12

“Alingbi mo bata *lango ti wungo tere nde ndali ti mbi, alingbi na yanga so KOTA GBIA Nzapa ti mo amu na mo.

Ahebro 4:9

So aye ti tene, mbeni lango ti wungo tere angba ndali ti azo ti Nzapa, tongana ti lango mbarambara ni.