Sigingo 31:13 - Mbeti ti Nzapa - Tënë so amu fini

¹³ “Mu yanga na azo ti Israel, mo tene: ‘Alingbi ala bata *alango ti wungo tere nzoni. Biani, lango ti wungo tere ayeke mbeni ye ti dango be na popo ti mbi na ala ngu na ngu. Ye ni ayeke dabe ti ala atene, mbi laa mbi yeke KOTA GBIA so ayeke sara titene ala ga nde si ala ga nzoni kue.

Sigingo 31:13 ပူးပေါင်းရင်းမြစ်များ

Néhémie 9:14

Mo sara si ala hinga *lango ti wungo tere, lango so a zia ni nde ndali ti mo. Na lege ti Moïse, zo ti kua ti mo, mo mu na ala atënë ti ndia, atënë ti yanga ti mo nga na andia.

Sigingo 31:12

KOTA GBIA atene na Moïse:

Sigingo 31:17

Lango ti wungo tere ayeke mbeni ye ti dango be na popo ti mbi na azo ti Israel kpu na kpu. Biani, mbi sara yayu na sese na ya ti lango omene. Me na lango mbarambara ni, mbi sara kua pepe, mbi wu tere ti mbi.’ ”

Ésaïe 56:2

Ti lo nzoni, zo so asara ye alingbi na tënë so mbi tene, zo so agbu tënë ni ngangu, zo so asara ye alingbi na *lango ti wungo tere, lo sara si lango ni aga sioni pepe si lo kpe lege ti sarango sioni ye.”

Jérémie 17:22

Na lango ti wungo tere, ala mu akungba na da ti ala ti sigigi na ni pepe; ala sara mbeni kua oko pepe. Me ala bata lango ni nde ndali ti mbi tongana ti so mbi mu ando yanga daa na akotara ti ala.

Ezekiel 20:12

Mbi mu nga na ala *lango ti wungo tere ti ga mbeni ye ti fa atene, songo ayeke na popo ti mbi na ala si ala hinga atene, mbi laa mbi yeke KOTA GBIA so mbi zia ala nde ndali ti mbi.

Ezekiel 20:20

Ala zia *lango ti wungo tere nde ndali ti mbi; lango ni afa songo so ayeke na popo ti mbi na ala, tongaso si ala hinga atene, mbi laa mbi yeke KOTA GBIA, Nzapa ti ala.’

Ezekiel 37:28

Na ndembe so mbi yeke zia da ti mbi na popo ti ala kpu na kpu, fade amara nde ayeke hinga atene, mbi laa mbi yeke KOTA GBIA, mbi laa mbi zia Israel nde ndali ti mbi.”

Ezekiel 44:24

Tongana mbeni tënë alondo, ala laa ayeke fâ ngbanga ni; ala yeke fâ ngbanga ni alingbi na andia ti mbi. Ala yeke sara ye alingbi na akpengba tënë ti mbi nga na ambela ti mbi so mbi mu ndali ti amatanga ti mbi. Ala yeke sara titene azo abata *lango ti wungo tere nde ndali ti mbi.

Awayango-sandaga 19:3

“Alingbi zo oko oko akpe mbeto ti babâ ti lo na mama ti lo. Alingbi zo oko oko abata *lango ti wungo tere. Mbi laa mbi yeke KOTA GBIA, Nzapa ti ala.

Awayango-sandaga 19:30

Alingbi ala bata lango ti wungo tere, ala ne ndo so a zia nde ndali ti mbi. Mbi laa mbi yeke KOTA GBIA.

Awayango-sandaga 20:8

“Ala bata andia ti mbi, ala sara ye alingbi na ni. Mbi laa mbi yeke KOTA GBIA so mbi yeke sara titene ala duti nde si ala duti nzoni kue.

Awayango-sandaga 21:8

Alingbi zo ti Israel oko oko abaa wayango-sandaga tongana zo so ayeke nde si ayeke nzoni kue. Biani, ala laa ayeke ya na mbi kobe so ala, azo ti Israel ayeke ga na ni na mbi, Nzapa ti ala. Fade ala yeke baa awayango-sandaga tongana azo so ayeke nde si ayeke nzoni kue, ngbanga ti so mbi KOTA GBIA, mbi yeke nde si mbi yeke nzoni kue. Mbi laa mbi yeke sara titene ala duti nde si ala duti nzoni kue.

Awayango-sandaga 23:3

“Na ya ti yenga oko, ala yeke sara kua na ya ti lango omene; me lango mbarambara ni ayeke *lango ti wungo tere; na lango ni so, ala yeke sara kua oko pepe, lango so ala yeke bongbi ti voro mbi. So ayeke lango ti wungo tere: na ndo so kue ala yeke duti daa, ala bata lango ni so ndali ti mbi KOTA GBIA.

Awayango-sandaga 25:2

Tene na azo ti Israel, mo tene: “Tongana ala si ande na kodro so mbi yeke mu na ala, fade ala yeke zia sese ni awu tere ti lo ndali ti mbeni ngoi. Ala yeke sara so ndali ti mbi KOTA GBIA.

Awayango-sandaga 26:2

“Alingbi ala bata *lango ti wungo tere, ala ne ndo so a zia nde ndali ti mbi. Mbi laa mbi yeke KOTA GBIA.”

Amos 8:5

Ala yeke tene: “Lawa laa matanga ti fini nze ayeke hunzi si e lingbi ti ka kobe ti e so-oo? Lawa laa *lango ti wungo tere ayeke hunzi si e lingbi ti zi yanga ti ada ti kango ale ti kobe ti e so-oo? Fade e yeke pika ngbonda ti sembe ti hakango na ye, e yeke pusu ngere na nduzu, e yeke sanze kilo ti nzi azo na ni.

Matthieu 23:17

Abuba zo, ala awaziba so! Na popo ti lôro na kota da ti Nzapa, nyen laa ayeke kota, nyen? Lôro wala kota da ti Nzapa so asara si lôro ni aga ye ti Nzapa so?

Jean 17:17

Bata ala nde ndali ti mo na lege ti taa-tënë; tënë ti mo ayeke taa-tënë.

Jean 17:19

Ndali ti nzoni ti ala, mbi bata tere ti mbi nde ndali ti mo titene ala nga, ala bata tere ti ala nde ndali ti mo na lege ti taa-tënë.

Ndia ti fani use ni 5:12

“Alingbi mo bata *lango ti wungo tere nde ndali ti mbi, alingbi na yanga so KOTA GBIA Nzapa ti mo amu na mo.

1 Tesalonike 5:23

Ayeke nzoni Nzapa wani so ayeke mu siriri na zo asara si ala ga nde si ala ga nzoni kue. Ayeke nzoni lo bata yingo ti ala, be ti ala nga na tere ti ala nzoni kue si mbeni tënë oko ayeke na li ti ala pepe na lango ti gango ti Kota Gbia ti e Jésus Christ.

Jude 1:1

Mbi Jude, zo ti kua ti Jésus Christ, so mbi yeke nga ita ti Jacques, mbi tokua mbeti so na azo so Nzapa Babâ airi ala, azo so lo ye ala si Jésus Christ ayeke bata ala.