Sigingo 30:34 - Mbeti ti Nzapa - Tënë so amu fini

³⁴ KOTA GBIA akiri atene na Moïse: “Mo mu ayombo so fion ni ayeke fun nzoni: storaks, oniks na galbanum. Mo mu dukani ti nzoni ni so wungo ni alingbi tere, mo bongbi ni na ayombo ni so.

Sigingo 30:34 ပူးပေါင်းရင်းမြစ်များ

Néhémie 13:5

Eliashib amu na Tobia mbeni kota kubu so a yeke bata na ya ni *asandaga ti ale ti kobe, dukani na agbakuru nde nde ti kota da ti Nzapa, na asandaga so a yeke mu na awayango-sandaga, *adime ti ble, ti fini vin na ti mafuta; adime ti aye so a bata ndali ti azo ti mara ti Lévi, azo ti hengo bia na azo ti batango yanga ti gbagba.

Sigingo 25:6

mafuta ti ziango na ya ti alamba, fuku ti yombo ndali ti sarango na mafuta ti tukungo na li ti zo ti zia lo nde nga ndali ti fuku ti yombo ti zongo na wâ,

Sigingo 30:23

“Mo mu apendere yombo: kilo oku ti *mire ti ngu ni, kilo use na ndambo ti sinamome so afun nzoni, kilo use na ndambo ti kanele so afun nzoni

Sigingo 30:33

Zo so atara ti sara mara ti mafuta so si lo zia ni na tere ti mbeni senge zo, fade a yeke tumba lo na ya ti bongbi ti azo.’ ”

Sigingo 30:35

Mbeni zo ti sarango yombo ayeke bongbi ni na ingo ti sara si aga yombo ti nzoni ni so a zia nde ndali ti mbi.

Sigingo 30:7

Lakue na ndaperere, fade Aaron ayeke zö dukani so afun nzoni na ndö ti gbalaka ni, na ndembe so lo yeke gue ti leke alamba ti ndo so ayeke nde si ayeke nzoni kue so.

Sigingo 31:11

mafuta ti tukungo na li ti zo ti zia lo nde, yombo so a yeke zö na ndo so ayeke nde si ayeke nzoni kue. Fade azo ti sarango ye na kode ayeke sara aye ni alingbi gi na yanga so mbi mu na mo.”

Sigingo 35:15

gbalaka so a yeke zö dukani na ndö ni na ayongoro keke ti yongo na ni, na mafuta ti tukungo na li ti zo ti zia lo nde, na yombo so a yeke zö na wâ nga na ridoo ti yanga ti da so Nzapa ayeke duti daa;

Sigingo 37:29

Lo sara mafuta so a yeke tuku na li ti zo ti zia lo nde nga na yombo ti nzoni ni so a yeke zö na wâ. Zo ti sarango yombo laa asara ni.

B. ti abia 3:6

Zo wa laa alondo na benyama si lo yeke ga tongana ngbongboro guru so? Zo wa laa asara na tere ti lo yombo ti *mire, ti dukani nga na ayombo ti azo ti dengo buze ti kodro wande so?

Ésaïe 43:23

Ataba ti mo so a yeke gbi ni kue na wâ na *sandaga so, mo ga na ni na mbi pepe, mo mu ni ti gonda na mbi pepe. Mbi gbu mo na ngangu pepe ti ga ngbaa na mungo na mbi asandaga, wala mbi so li ti mo pepe ti zö na mbi dukani.

Awayango-sandaga 16:12

lo yeke mu kete ta ti zongo na dukani so le ti wâ asi singo na ya ni; le ti wâ ni ayeke na ndö ti gbalaka so ayeke na dawa ti KOTA GBIA; lo yeke mu fuku ti dukani asi ya ti maboko ti lo fani use. Lo yeke gue na aye so kue na peko ti ridoo so akangbi ya ti da ni.

Awayango-sandaga 2:1

“Tongana mbeni zo aye ti mu na *KOTA GBIA *sandaga ti ale ti kobe, alingbi lo mu farini, lo tuku mafuta daa si lo zia nga dukani daa.

Awayango-sandaga 2:15

fade ala yeke tuku mafuta daa si ala yeke zia dukani daa. So ayeke sandaga ti ale ti kobe laa.

Awayango-sandaga 24:7

Mo yeke zia dukani ti nzoni ni na ndö ti gba ti agatoo ni oko oko; fade a yeke zö ni kue na wâ ndali ti mbi titene aga ye ti dango be.

Awayango-sandaga 5:11

“Tongana mbeni zo ayeke na akolokoto use, wala ambipa use so na maboko ti lo pepe, lo lingbi ti ga na kilo ota ti farini na sandaga ndali ti siokpari ti lo. Me alingbi lo tuku mafuta daa wala lo zia dukani daa pepe. Biani, so ayeke sandaga ndali ti zingo siokpari na li ti zo laa.

Wungo ti azo 4:16

Ti Elazar, molenge ti wayango-sandaga Aaron, kua ti lo ayeke ti baa lege ti mafuta ti ziango na ya ti alamba, dukani ti zongo na wâ, sandaga ti ale ti kobe so azo ayeke mu na ya ti lango oko oko nga na mafuta ti tukungo na li ti zo ti zia lo nde. Kua ti lo ayeke nga ti baa ndo na ndö ti da so a zia nde ndali ti Nzapa, na aye ti ya ni kue, aye nde nde ti sarango na kua ti ya ti da ni nga na agbakuru ni kue.”

Wungo ti azo 7:14

Lo mu kopo ti lôro oko so nengo ni ayeke grame 100, dukani asi ya ti kopo ni.

Matthieu 2:11

Ala li na ya ti da ni si ala baa molenge ni na mama ti lo Marie. Ala kuku na sese si ala voro molenge ni. Na pekoni, ala zi ya ti akungba ti ala si ala mu anzoni ye na molenge ni: lôro, dukani na *mire.