Sigingo 30:31 - Mbeti ti Nzapa - Tënë so amu fini

³¹ “Fade mo yeke tene na azo ti Israel: ‘So ayeke mafuta ti tukungo na li ti azo nga na tere ti aye ti zia ala nde. Mafuta so ayeke ngba ti sara na kua ti mbi ngu na ngu.

Sigingo 30:31 ပူးပေါင်းရင်းမြစ်များ

Abia (Psaumes) 89:20

Mbeni lâ, na ya ti mbeni ye tongana bango-li, mo tene tënë na azo ti mo so angba na lege ti mo, mo tene: “Mbi mu maboko na mbeni kpengba koli oko na popo ti azo ti mbi, mbi zia mbeni maseka-koli na li ti azo ti mbi.

Sigingo 29:21

Mo yeke mu mene ni kete so ayeke na ndö ti gbalaka, mo yeke mu nga mafuta ti tukungo na li ti zo, mo fi na tere ti Aaron nga na tere ti abongo ti lo; mo fi nga na tere ti amolenge ti lo nga na tere ti abongo ti ala. Tongaso, Aaron na amolenge ti lo, na abongo ti ala ayeke ga ye so a zia nde ndali ti Nzapa.

Sigingo 30:30

Mo yeke tuku mafuta so na li ti Aaron na amolenge ti lo si mo yeke zia ala nde titene ala sara kua na mbi tongana awayango-sandaga.

Sigingo 30:32

Alingbi zo asara mafuta so na tere ti lo pepe. Alingbi zo atara ti sara mara ni nga pepe. Biani, a zia mafuta so nde awe; alingbi ala baa ni tongana ye so a zia ni nde.

Sigingo 37:29

Lo sara mafuta so a yeke tuku na li ti zo ti zia lo nde nga na yombo ti nzoni ni so a yeke zö na wâ. Zo ti sarango yombo laa asara ni.

Awayango-sandaga 21:10

“Ti kota wayango-sandaga, lo yeke na li ti awayango-sandaga; a tuku mafuta na li ti lo ti zia lo nde ndali ti mbi na lango so a zia kua ti wayango-sandaga na maboko ti lo si a yu na lo abongo ti awayango-sandaga. Ndani laa, alingbi lo zi ya ti kua ti lo kirikiri pepe wala lo suru bongo na tere ti lo pepe ti fa atene, lo yeke na mua.

Awayango-sandaga 8:12

Lo tuku nga mafuta ni na li ti Aaron ti zia lo nde ndali ti Nzapa.