Sigingo 30:30 - Mbeti ti Nzapa - Tënë so amu fini

³⁰ Mo yeke tuku mafuta so na li ti Aaron na amolenge ti lo si mo yeke zia ala nde titene ala sara kua na mbi tongana awayango-sandaga.

Sigingo 30:30 ပူးပေါင်းရင်းမြစ်များ

Abia (Psaumes) 133:2

Ye ni ayeke tongana mafuta so afun yombo so a tuku na li ti Aaron si ayeke yuru ti gue na kua ti yanga ti lo, ti gue na go ti bongo ti lo.

Sigingo 28:3

Ndali ni, fade mo yeke tene tënë na azo so kue ayeke sara ye na kode, ala so mbi mu na ala kota ndara ti fu abongo ti Aaron. Lo yeke yu abongo ni na ndembe so a yeke zia lo nde ti sara kua ti wayango-sandaga nga na ngoi so lo yeke sara kua ni.

Sigingo 28:41

“Ti mo Moïse, mo yeke yu abongo ni so na Aaron, ita ti mo nga na amolenge ti lo. Mo yeke tuku mafuta na li ti ala si mo yeke zia ala ti sara kua na mbi. Na lege so laa mo yeke zia ala nde titene ala sara kua na mbi tongana awayango-sandaga.

Sigingo 30:29

Mo yeke zia aye so nde si ala yeke ga aye so ayeke nde si ayeke nzoni kue ahon atanga ni. Zo so kue wala ye so kue ayeke ndu ni ayeke wara ye ti peko ni.

Sigingo 30:31

“Fade mo yeke tene na azo ti Israel: ‘So ayeke mafuta ti tukungo na li ti azo nga na tere ti aye ti zia ala nde. Mafuta so ayeke ngba ti sara na kua ti mbi ngu na ngu.

Sigingo 40:15

Mo yeke tuku mafuta na li ti ala tongana ti so mo sara na babâ ti ala titene ala sara kua na mbi tongana awayango-sandaga. Tongaso, mafuta so mo tuku na li ti ala so ayeke mu lege na ala ti sara kua ti wayango-sandaga ngu na ngu, kpu na kpu.”

Awayango-sandaga 10:3

Moïse atene na Aaron: “KOTA GBIA atene lani tongaso: ‘Azo so ayeke ga nduru na mbi, mbi ye si ala hinga atene, mbi yeke nde si mbi yeke nzoni kue; mbi ye si ala gonda mbi na le ti azo kue.’ ” Aaron aduti gi kpoo, lo zi yanga oko pepe.

Awayango-sandaga 8:12

Lo tuku nga mafuta ni na li ti Aaron ti zia lo nde ndali ti Nzapa.

Awayango-sandaga 8:30

Moïse amu mafuta ti tukungo na li ti zo ti zia lo nde nga na mene so ayeke na ndö ti gbalaka, lo fi na tere ti Aaron nga na tere ti abongo ti lo. Lo fi nga na tere ti amolenge ti Aaron nga na tere ti abongo ti ala. Lege so Moïse azia Aaron na abongo ti lo nde ndali ti Nzapa laa; lege so lo zia nga amolenge ti Aaron na abongo ti ala nde ndali ti Nzapa laa.

Wungo ti azo 3:3

A tuku mafuta na li ti ala ti zia ala nde titene ala sara kua ti wayango-sandaga.