Sigingo 30:17 - Mbeti ti Nzapa - Tënë so amu fini

¹⁷ KOTA GBIA atene na Moïse:

Sigingo 30:17 ပူးပေါင်းရင်းမြစ်များ

1 Agbia 7:23

Hiram akporo bengba wen si a sara na ngbongboro sembe. Ti londo na yanga ni ti si na mbeni yanga ni, yongo ni ayeke metere oku. Ti londo na ngbonda ni ti si na yanga ni na nduzu, yongo ni ayeke metere use na ndambo. Tongana a gboto kamba na yanga ni angoro na ni atengbi, alingbi metere baleoko na oku.

1 Agbia 7:38

Hiram asara akota sembe baleoko na bengba wen; a zia ni na ndö ti apusu baleoko. Yongo ti kota sembe oko na nduzu ayeke metere use; sembe oko ayeke mu litere ti ngu 1 600.

2 Mbai 4:6

A sara akota sembe baleoko na bengba wen; a zia oku na mbage ti maboko ti koli ti kota da ti Nzapa, oku na mbage ti maboko ti wali titene a sukula aye daa: na ndo so laa a yeke sukula *asandaga so ayeke gbi ni kue na wâ. Awayango-sandaga ayeke *sukula sioni ti ala na ya ti ngbongboro sembe ni.

Sigingo 30:16

Tongana mo ro nginza ni kue na maboko ti azo ti Israel awe, fade mo yeke mu ni ti sara na akete kete kua na tere ti da ti bongo so mbi KOTA GBIA, mbi na azo ti mbi e yeke wara tere daa. Tongaso, mbi yeke dabe ti mbi na azo ti Israel si mbi yeke bata fini ti ala.”

Sigingo 30:18

“Fade ala yeke mu bengba wen, ala sara na mbeni kota sembe so a yeke sukula maboko na gere daa; ala yeke sara nga gere ti sembe ni na bengba wen. Ala yeke zia kota sembe ni na popo ti da ti bongo so KOTA GBIA na azo ti lo ayeke wara tere daa nga na gbalaka; ala yeke to ngu daa.

Sigingo 38:1

Na pekoni, Besalel asara gbalaka na keke ti akasia ti ya *asandaga na ndö ni. Yongoro ni ayeke metere use na ndambo alingbi tere mbage na mbage kue. Yongo ni na nduzu metere oko na ndambo.

Sigingo 38:8

Na pekoni, lo mu bengba wen, lo sara na mbeni kota sembe; lo sara nga gere ni na bengba wen. Lo mu tatara ti awali so ayeke sara kua na yanga ti da ti bongo so Nzapa na azo ti lo ayeke wara tere daa si lo sara na kota sembe ni.