Sigingo 30:15 - Mbeti ti Nzapa - Tënë so amu fini

¹⁵ Zo ti mosoro na wayere ayeke futa gi oko wungo ti nginza ni: le ti nginza so alingbi na grame oku; ala yeke mu ahon so pepe, ala yeke mu nga na gbe ni pepe. Zo oko oko ayeke futa wungo ti nginza so na mbi KOTA GBIA ti bata fini ti lo.

Sigingo 30:15 ပူးပေါင်းရင်းမြစ်များ

2 Samuel 21:3

David ahunda ala, atene: “Nyen laa mbi lingbi ti sara ndali ti ala, nyen? Mbi lingbi ti sara nyen ti leke na sioni so azo asara na ala, tongaso si ala wara lege ti sara tufa na ndö ti azo ti KOTA GBIA?”

Mbeti ti Job 34:19

Nzapa laa ayeke mu mbage ti amakonzi pepe, lo yeke yamba zo ti mosoro nzoni ahon wayere pepe, ngbanga ti so lo laa lo sara ala use kue.

Sigingo 30:12

“Na ndembe so mo yeke diko wungo ti azo ti Israel, fade zo oko oko ayeke futa mbeni ye na mbi KOTA GBIA ti bata fini ti lo. Tongaso, fade mbeni kpale oko ayeke si na ala pepe na ndembe ti dikongo wungo ti azo ni.

Sigingo 30:14

Akoli ti Israel so kue ngu ti ala alingbi ngu baleuse na ala so ngu ti ala ahon baleuse si a diko wungo ti ala awe, fade ala yeke futa nginza ni na mbi KOTA GBIA.

Sigingo 30:16

Tongana mo ro nginza ni kue na maboko ti azo ti Israel awe, fade mo yeke mu ni ti sara na akete kete kua na tere ti da ti bongo so mbi KOTA GBIA, mbi na azo ti mbi e yeke wara tere daa. Tongaso, mbi yeke dabe ti mbi na azo ti Israel si mbi yeke bata fini ti ala.”

Sigingo 38:26

Nengo ti nginza ni alingbi grame oku ndali ti koli oko oko; wungo ti akoli so a diko ala ayeke 603 550; so ti tene ala so ngu ti ala alingbi ngu baleuse na ala so ngu ti ala ahon baleuse. A haka nginza ni na kilo so a yeke haka ka na ye na ndo so a zia nde ndali ti Nzapa.

Amato 22:2

Ye so abongbi zo ti mosoro na wayere ayeke so: KOTA GBIA laa asara ala use kue.

Ezekiel 45:16

“Fade azo ti kodro kue ayeke mu na makonzi ti Israel aye so ala zi na popo ti aye ti ala.

Awayango-sandaga 17:11

Biani, fini ti ye so kue Nzapa asara ayeke na ya ti mene. KOTA GBIA laa amu na ala mene titene ala sara na kua na ndö ti gbalaka ti zi na siokpari na li ti ala. Biani, Nzapa ayeke zi siokpari na li ti azo na lege ti mene, ngbanga ti so fini ayeke na ya ni.

Wungo ti azo 31:50

E oko oko kue, e wara aye ti pendere ti lôro tongana: aye ti go, aye ti maboko, aye ti mê, abage na akete palata. Nilaa e ga na ni ti mu na *KOTA GBIA titene lo zi siokpari na li ti e.”

Efeze 6:9

Ala awa ti angbaa, ala sara nga tongaso na angbaa ti ala; ala zia ti suku na ala. Ayeke nzoni ala hinga atene, ala na angbaa ti ala kue, ala yeke amolenge ti Kota Gbia so ayeke na yayu; lo yeke mu mbage ti mbeni zo pepe.

Kolose 3:25

Zo so asara ye ti sioni, fade lo yeke wara futa ti peko ti sioni ti lo, ngbanga ti so Nzapa ayeke mu mbage ti mbeni zo pepe.