Sigingo 3:20 - Mbeti ti Nzapa - Tënë so amu fini

²⁰ Tongaso, mbi yeke yoro maboko ti mbi ti pika sese ti Ezipte na lege ti aye ti kpene nde nde. Na pekoni, gbia ni ayeke zia lege na ala titene ala gue.

Sigingo 3:20 ပူးပေါင်းရင်းမြစ်များ

Tongo nda ti aye 15:14

Fade mbi yeke fâ ngbanga na li ti azo ti mara so ayeke sara ahale ti mo na ngbaa so; na pekoni, ahale ti mo ayeke sigigi na gbe ti ngbaa ni na aye mingi na maboko ti ala.

Néhémie 9:10

Mo sara aye ti dongo be na aye ti kpene na tere ti Faraon na azo ti kua ti lo, nga na tere ti azo ti kodro ti lo kue, ngbanga ti so mo hinga lege ti sarango ye ti ala so ala sara na baba na tere ti akotara ti e. Mo sara si iri ti mo awu si angba ti wu laso.

Abia (Psaumes) 105:27

Na popo ti azo ti Ezipte, ala sara aye ti dongo be na iri ti Nzapa; na kodro ti Kam, ala sara aye ti kpene.

Abia (Psaumes) 105:38

Be ti azo ti Ezipte anzere mingi ndali ti hongo ti ala, ngbanga ti so mbeto ti ala asara azo ti Ezipte.

Abia (Psaumes) 106:22

lo sara aye ti kpene na kodro ti Kam, nga na aye ti ziango mbeto na be ti zo na tere ti kota ngu-ingo ti Asosongo.

Sigingo 11:1

KOTA GBIA atene na Moïse: “Mbi yeke tokua tanga ti kpale oko na ndö ti Faraon nga na ndö ti azo ti Ezipte. Na pekoni, lo yeke zia lege na ala ti gue, lo yeke tumba nga ala na ndo so biani biani.

Sigingo 12:39

Farini so ala gbu ya ni si ala mu na Ezipte aga na ni so, ala sara na mapa so mama ni ayeke daa pepe. Biani, na ndembe so a tumba ala na Ezipte, ala wara lege ti ku titene farini ni asuku pepe; ala wara nga lege ti mu kobe ti tengo ni na lege pepe.

Sigingo 13:3

Moïse atene na azo ni, atene: “Lango so lani ala sigigi na sese ti Ezipte, ndo so ala yeke angbaa daa so, ala dabe ti ala na ni! Biani, na lege ti ngangu ti maboko ti KOTA GBIA, lo zi ala, lo sigigi na ala na ya ti kodro ni. Mapa so a sara na mama ni, fade ala te ni pepe.

Sigingo 13:9

Na lege ti ngangu ti maboko ti KOTA GBIA laa, lo zi ala na Ezipte, lo sigigi na ala. Fade matanga so ayeke ga ye ti dango be ti ala, legeoko tongana mbeni nzoroko na tere ti maboko ti ala nga na ndö ti le ti ala. Matanga ni ayeke dabe ti ala so, ala lingbi ti fa *Ndia ti KOTA GBIA na azo.

Sigingo 15:11

KOTA GBIA, na popo ti anzapa, lo so wa laa ayeke tongana mo? Zo wa laa alingbi na gonda, lo yeke nde si lo yeke nzoni kue tongana mo? Zo wa laa alingbi ti sara akota ye tongana mo? Zo wa laa alingbi ti sara aye ti kpene tongana mo?

Sigingo 15:6

KOTA GBIA, maboko ti mo ti koli afa kota ngangu ti mo! KOTA GBIA, maboko ti mo ti koli anika awato!

Sigingo 4:21

KOTA GBIA atene na Moïse: “Na kiringo ti mo na Ezipte, mbi mu na mo ngangu ti sara aye ti dongo be. Fade mo yeke sara ni na dawa ti Faraon. Me ti mbi, mbi yeke sara titene be ti lo akpengba si lo yeke ke ti zia lege na azo ti Israel ti gue.

Sigingo 6:1

KOTA GBIA atene na Moïse: “Fafadeso, mo yeke baa ye so mbi yeke sara na Faraon. Na lege ti ngangu ti maboko ti mbi, mbi yeke sara si lo zia lege na azo ti Israel ti gue. Na lege ti ngangu ti mbi, mbi yeke sara si lo tumba ala na ya ti kodro ti lo!”

Sigingo 6:6

Ndani laa, fade mo yeke tene na azo ti Israel, mo tene: ‘Mbi laa mbi yeke KOTA GBIA. Mbi yeke zi ala na gbe ti akua ti ngbaa ti Ezipte; mbi yeke zi ala na gbe ti ngbaa so azo ti Ezipte azia ala daa. Mbi yeke yoro maboko ti mbi si mbi yeke fâ ngbanga ti ngangu na ndö ti azo ti Ezipte si mbi yeke zi ala, azo ti Israel.

Sigingo 9:15

Tongana mbi yoro fade maboko ti mbi ti bi sioni kobela ti bubango kodro na tere ti mo nga na tere ti azo ti mo, ka ala hunzi na ndö ti sese so biani awe.

Ésaïe 19:22

Tongaso, KOTA GBIA ayeke pika azo ti Ezipte. Lo yeke pika ala, me lo yeke kai kobela ti ala: fade ala yeke kiri na KOTA GBIA, lo yeke ma ala si lo yeke kai kobela ti ala.

Ésaïe 26:11

KOTA GBIA, mo yo maboko ti mo na nduzu ti pika ala, me ala baa ni pepe. Fade ala yeke baa so mo yeke na nzara mingi ti sara na azo ti mo, tongaso kamene ayeke gbu le ti ala. Wâ so a leke ndali ti awato ti mo ayeke gbi azo ni.

Ezekiel 20:33

Fini ti mbi! So tënë ti yanga ti mbi, Kota Gbia NZAPA laa: mbi yeke ga na tere ti ala na lege ti ngangu ti maboko ti mbi, maboko ti mbi so mbi yoro, na lege ti ngonzo ti mbi ti wâ so mbi yeke tuku na ndö ti ala; lege so mbi yeke le-gbia na ndö ti ala laa.

Mishe 7:15

Sara titene e baa aye ti kpene ti mo tongana ti so mo sara ando na ndembe ti sigingo ti e na kodro ti Ezipte.

Awatokua 7:36

Moïse laa amu azo ni na Ezipte, lo sigigi na ala. Lo sara aye ti kpene na aye ti dongo be na Ezipte, na kota Ngu-bengba nga na ya ti benyama so ala sara ngu baleosio daa.

Ndia ti fani use ni 4:34

Mbeni nzapa nde atara laoko ti gue ti zi azo ti lo na gbe ti mbeni mara nde awe? Oko pepe, me KOTA GBIA Nzapa ti ala, azo ti Israel, ague, azi ala na sese ti Ezipte; ala wani abaa na le ti ala. Lo zi ala na lege ti ngangu ti maboko ti lo nga na lege ti maboko ti lo so lo yoro; na lege ti akota pasi, aye ti kpene na aye ti dongo be, akota ye ti ngangu nga na aye so ayeke zia mbeto na be ti zo.

Ndia ti fani use ni 6:22

KOTA GBIA asara akota ye ti kpene na aye ti dongo be si e baa ni na le ti e: lo bi kota mawa na tere ti azo ti Ezipte, gbia Faraon nga na azo ti da ti lo kue.

Awafango-ngbanga 6:8

KOTA GBIA atokua na ala mbeni wayanga-Nzapa; lo tene na ala: “Tënë so KOTA GBIA, Nzapa ti Israel atene ayeke so: ‘Mbi laa mbi sara si ala sigigi na sese ti Ezipte, mbi laa mbi zi ala na ndo so ala yeke lani angbaa daa.

Awafango-ngbanga 8:16

Tongaso, Gédéon amu akamba ti ki nga na akeke ti ki ti benyama si lo pika na akangba ti Sukot ti fa hingango ndo na ala.