Sigingo 29:9 - Mbeti ti Nzapa - Tënë so amu fini

⁹ Mo yeke kanga kamba na ndö ti bongo ti Aaron na amolenge ti lo. Mo yeke zia kpoto na li ti ala ti fa atene, kua ti wayango-sandaga aga ti ala kpu na kpu. “Lege so mo yeke zia Aaron na amolenge ti lo ti to nda ti kua ti ala laa.

Sigingo 29:9 ပူးပေါင်းရင်းမြစ်များ

Sigingo 27:21

Fade Aaron na amolenge ti lo ti koli ayeke zia gere ti alamba ni na ya ti da ti bongo so Nzapa na azo ti lo ayeke wara tere daa. Ala yeke zia ni na dawa ti ridoo so ahonde sanduku ti mbuki. Fade alamba ni ayeke za na dawa ti mbi, KOTA GBIA na lakui ngbii asi na ndaperere. Ndia so ayeke ngba ngu na ngu ndali ti *ahale ti ala ti angoi kue.”

Sigingo 28:1

“Moïse, na popo ti azo ti Israel, mo mu ita ti mo Aaron na tere ti mo, lo na amolenge ti lo Nadab, Abihu, Elazar na Itamar titene ala sara kua na mbi tongana awayango-sandaga.

Sigingo 32:29

Tongaso Moïse atene na azo ti mara ti Lévi: “Laso a zia ala nde ndali ti kua ti KOTA GBIA awe. Biani, ataa amolenge ti ala ti koli wala a-ita ti ala, ala fâ ala. Ayeke nzoni KOTA GBIA asara tufa na ndö ti ala laso.”

Sigingo 40:15

Mo yeke tuku mafuta na li ti ala tongana ti so mo sara na babâ ti ala titene ala sara kua na mbi tongana awayango-sandaga. Tongaso, mafuta so mo tuku na li ti ala so ayeke mu lege na ala ti sara kua ti wayango-sandaga ngu na ngu, kpu na kpu.”

Awayango-sandaga 8:1

KOTA GBIA atene na Moïse:

Awayango-sandaga 8:13

Na pekoni, Moïse aga na amolenge ti Aaron; lo yu na ala akota bongo, lo kanga kamba na ndö ti abongo ni, lo zia kpoto na li ti ala alingbi na yanga so KOTA GBIA amu.

Awayango-sandaga 8:33

Na ya ti lango mbarambara, fade ala yeke ngba na yanga ti da ti bongo ni ngbii lango so a yeke zia kua ti wayango-sandaga na maboko ti ala ahunzi si. Biani, a yeke mu lango mbarambara ndali ti matanga ti ziango ala na kua ni.

Wungo ti azo 16:10

Kore, mo na a-ita ti mo, azo ti mara ti Lévi kue, KOTA GBIA azia lege na ala titene ala ga nduru na lo. Na ndö ni kue, ala kiri ayeke hunda kua ti wayango-sandaga!

Wungo ti azo 16:35

KOTA GBIA atokua mbeni wâ si agbi azo ngbangbo use na baleoku so ayeke zö dukani ti ala.

Wungo ti azo 18:7

Me mo, Aaron na amolenge ti mo, ala yeke sara kua ti ala ti wayango-sandaga na ndo so gbalaka ayeke daa nga na ndo so ayeke nde si ayeke nzoni kue ahon atanga ni; so ti tene na peko ti ridoo so akangbi ya ti da ni so. Mbi laa mbi mu na ala kua ni. Tongana mbeni senge zo aga nduru na ndo ni, fade a yeke fâ lo.”

Wungo ti azo 25:13

Mbuki ni ayeke ndali ti lo na *ahale ti lo, ayeke mu lege na ala ti sara kua ti wayango-sandaga kpu na kpu. Mbi sara mbuki, ngbanga ti so tënë ti aye ti mbi Nzapa, agbu be ti lo mingi si lo sara nga ye so azi siokpari na li ti azo ti Israel awe.”

Wungo ti azo 3:10

Mo zia Aaron na amolenge ti lo titene ala sara kua ti ala ti wayango-sandaga. Tongana mbeni zo nde aga nduru na tere ti kua ni, fade a yeke fâ lo.”

Ndia ti fani use ni 18:5

Biani, KOTA GBIA Nzapa ti ala asoro Lévi, lo na *ahale ti lo na popo ti amara ti Israel kue titene ala sara kua na iri ti KOTA GBIA lakue.

Ahebro 5:10

Nzapa azia lo kota wayango-sandaga tongana ti Melkisedeke.

Awafango-ngbanga 17:5

Andaa Mika ayeke fade na mbeni ndo ti vorongo nzapa na da ti lo. Lo leke mbeni yanda ti da na aye nde nde ti vorongo na nzapa. Na pekoni, lo mu mbeni molenge ti lo ti koli si lo zia lo wayango-sandaga ti lo.

1 Samuel 2:30

Ndani laa, tënë so KOTA GBIA, Nzapa ti Israel atene ayeke so: Taa-tënë, mbi tene ando na azo ti sewa ti mo nga na azo ti kete mara ti mo, mbi tene: Ala laa ayeke sara ande kua na mbi kpu na kpu, me fadeso, mbi ke awe! Mbi yeke ne azo so ane mbi. Me azo so ake mbi si abaa mbi tongana buba zo, fade a yeke baa ala tongana buba zo. So tënë ti yanga ti mbi KOTA GBIA laa.