Sigingo 29:7 - Mbeti ti Nzapa - Tënë so amu fini

⁷ Mo yeke mu mafuta ti tukungo na li ti zo, mo tuku na li ti lo ti zia lo nde ndali ti mbi.

Sigingo 29:7 ပူးပေါင်းရင်းမြစ်များ

Abia (Psaumes) 133:2

Ye ni ayeke tongana mafuta so afun yombo so a tuku na li ti Aaron si ayeke yuru ti gue na kua ti yanga ti lo, ti gue na go ti bongo ti lo.

Abia (Psaumes) 89:20

Mbeni lâ, na ya ti mbeni ye tongana bango-li, mo tene tënë na azo ti mo so angba na lege ti mo, mo tene: “Mbi mu maboko na mbeni kpengba koli oko na popo ti azo ti mbi, mbi zia mbeni maseka-koli na li ti azo ti mbi.

Sigingo 28:41

“Ti mo Moïse, mo yeke yu abongo ni so na Aaron, ita ti mo nga na amolenge ti lo. Mo yeke tuku mafuta na li ti ala si mo yeke zia ala ti sara kua na mbi. Na lege so laa mo yeke zia ala nde titene ala sara kua na mbi tongana awayango-sandaga.

Sigingo 40:13

Na pekoni, mo yeke yu Aaron na abongo ti lo ti wayango-sandaga, mo yeke tuku mafuta na li ti lo ti zia lo nde titene lo sara kua na mbi tongana wayango-sandaga.

Ésaïe 61:1

Yingo ti Kota Gbia NZAPA ayeke na ndö ti mbi. Biani, *KOTA GBIA atuku mafuta na li ti mbi, lo tokua mbi ti fa nzoni tënë na awayere, ti kanga ka ti be ti azo so be ti ala afâ, ti tene na azo so a gbu ala na ngbaa atene, a zi ala awe, ti tene na azo ti kanga atene, ala yeke sigigi na ya ti kanga!

Awayango-sandaga 10:7

Ti mo Aaron na amolenge ti mo, ala londo na yanga ti da ti bongo so KOTA GBIA na azo ti lo ayeke wara tere daa so pepe. Tongaso pepe, fade ala yeke kui. Biani, a tuku mafuta na li ti ala awe ti zia ala nde ndali ti KOTA GBIA.” Ala sara ye alingbi na tënë so Moïse atene.

Awayango-sandaga 21:10

“Ti kota wayango-sandaga, lo yeke na li ti awayango-sandaga; a tuku mafuta na li ti lo ti zia lo nde ndali ti mbi na lango so a zia kua ti wayango-sandaga na maboko ti lo si a yu na lo abongo ti awayango-sandaga. Ndani laa, alingbi lo zi ya ti kua ti lo kirikiri pepe wala lo suru bongo na tere ti lo pepe ti fa atene, lo yeke na mua.

Awayango-sandaga 21:12

Ndo so a zia ndali ti mbi, alingbi lo sigigi na ya ni pepe; tongaso pepe, ndo ni ayeke ga *sioni. Biani, a tuku mafuta na li ti lo si a zia lo nde ti sara kua ti mbi. Mbi laa mbi yeke KOTA GBIA.

Awayango-sandaga 7:35

So ayeke ye so aga ti Aaron na amolenge ti lo so azo ti Israel azi na ndö ti sandaga so a gbi ni kue na wâ ndali ti KOTA GBIA laa. Ye ni aga ti ala, ti londo na lango so a zia ala ti sara kua ti wayango-sandaga na KOTA GBIA.

Zakarii 4:14

Tongaso lo tene na mbi: “Akeke ti olive ni ayeke akoli so a tuku mafuta na li ti ala si a zia ala nde ndali ti kua ti KOTA GBIA, lo so lo yeke Makonzi ti sese kue.”

Wungo ti azo 35:25

Bongbi ti azo ti Israel ayeke zi zo ti fango mba ti lo na maboko ti zo so alingbi fade ti kiri peko ni na lo. Na pekoni, ala yeke kiri na zo ti fango zo ni na ya ti gbata so lo kpe fade daa ti bata tere ti lo so. “Zo so afâ mba ti lo na mbana pepe so ayeke ngba kâ ngbii kota wayango-sandaga akui, lo so a tuku mafuta so ayeke nde si ayeke nzoni kue na li ti lo ti zia lo nde ndali ti Nzapa.

Jean 3:34

Zo so Nzapa atokua lo, lo yeke tene gi atënë ti Nzapa, ngbanga ti so Nzapa amu Yingo ti lo ahon ndoni na zo ni.

1 Jean 2:27

Me ti ala, a-ita, Yingo so Christ amu na ala angba na ya ti ala. Akpa titene mbeni zo akiri afa ye fango na ala pepe, ngbanga ti so Yingo ni ayeke fa na ala ye kue: ye so lo yeke fa ayeke taa-tënë, lo yeke tene mvene pepe. Ndani laa, ayeke nzoni ala ngba ti duti oko na Christ tongana ti so Yingo afa na ala.