Sigingo 29:5 - Mbeti ti Nzapa - Tënë so amu fini

⁵ Mo yeke mu abongo ti awayango-sandaga, mo yu na Aaron: yongoro bongo ti gbeni, kaba na gbe ti *efod, efod nga na bozo so ayeke na ndö ti kate. Mo yeke kanga akamba ti efod na ndö ti abongo ni.

Sigingo 29:5 ပူးပေါင်းရင်းမြစ်များ

Sigingo 28:15

“Fade azo ti sarango ye na kode ayeke sara bozo ti fango ngbanga. Ala yeke sara ni tongana ti so a sara na *efod so. Ala yeke sara ni na kamba ti *len so akpengba kpengbango, ala yeke bongbi ni na bongo so nzoroko ni akpa le ti nduzu, bongo so abe bengo, bengba bongo so ayeke za zango. Ala yeke kpo apendere nzoroko na tere ni na kamba so a sara na lôro.

Sigingo 28:31

“Fade ala yeke mu bongo so nzoroko ni kue akpa le ti le ti nduzu, ala fu na kaba ti yu na gbe ti *efod ni.

Sigingo 28:39

“Fade zo ti kpongo bongo na apendere nzoroko ayeke fu na Aaron mbeni kota bongo so a sara na *len, mbeni bongo so a yeke kanga na li tongana kpoto si a sara na len, nga na kamba ti ndö ti bongo so a kpo apendere nzoroko daa.

Awayango-sandaga 10:5

Ala ma yanga ti Moïse si ala gue, amu akuâ ni, abongo ti ala ti kua angba na tere ti ala si ala sigigi na akuâ ni na ya ti bâbâ ni.