Sigingo 29:45 - Mbeti ti Nzapa - Tënë so amu fini

⁴⁵ Fade mbi yeke duti na popo ti azo ti Israel si mbi yeke duti Nzapa ti ala.

Sigingo 29:45 ပူးပေါင်းရင်းမြစ်များ

Tongo nda ti aye 17:8

Fade mbi yeke mu ndo so kue mo hon daa, so ti tene kodro ti Kanaan, ti mu ni biani biani na mo, na ahale ti mo. Mbi yeke duti Nzapa ti ala.”

1 Agbia 6:13

Fade mbi yeke duti na ya ti kota da so na popo ti azo ti Israel si mbi yeke zia azo ti Israel pepe so ayeke azo ti mbi.”

2 Mbai 6:18

“Me Nzapa alingbi biani ti duti na ndo oko na azo na ndö ti sese so? So yayu so akono ahon ndoni alingbi na konongo ti lo pepe si kota da so mbi sara ayeke kete mingi so!

Abia (Psaumes) 114:2

sese ti Juda aga ndo so a zia ni nde ndali ti Kota Gbia; sese ti Israel aga na gbe ti komandema ti lo.

Abia (Psaumes) 68:18

Apusu ti mbarata ti Nzapa ayeke kutu mingi. Kota Gbia ayeke na popo ti ala, lo yeke na ndo ti lo so ayeke nde si ayeke nzoni kue, tongana ti so lo yeke lani na hoto ti Sinai.

Sigingo 15:17

KOTA GBIA, fadeso mo sara si ala li kâ, mo zia ala na ndö ti hoto so ayeke ti mo; ndo so mo leke ti duti daa laa, ndo ni ayeke nde si ayeke nzoni kue, maboko ti mo wani laa aleke ni.

Sigingo 25:8

Fade azo ti Israel ayeke sara mbeni da so ayeke nde si ayeke nzoni kue ndali ti mbi titene mbi duti na popo ti ala.

Sigingo 29:44

Da ti bongo so mbi na azo ti mbi e yeke wara tere daa, na gbalaka ni, fade mbi yeke zia ni nde ndali ti mbi. Mbi yeke zia Aaron na amolenge ti lo nde titene ala sara kua ti mbi ti wayango-sandaga.

Sigingo 6:7

Mbi yeke sara titene ala, azo ti Israel, ala ga azo ti mbi si mbi yeke duti Nzapa ti ala. Ala yeke hinga atene, mbi laa mbi yeke KOTA GBIA, Nzapa ti ala, lo so lo zi ala na gbe ti angangu kua ti Ezipte.

Jérémie 14:9

Ngbanga ti nyen si mo yeke sara ye tongana koli pepe so? Ngbanga ti nyen si mo yeke sara ye tongana mbeni ngangu koli so alingbi fade ti soo azo, me lo soo ala pepe so? Andaa KOTA GBIA, mo yeke na popo ti e, a zia e nde ndali ti mo awe; mo zia e pepe!”

Ezekiel 34:24

Mbi KOTA GBIA, mbi yeke duti Nzapa ti ala si David, zo ti kua ti mbi ayeke duti makonzi na popo ti ala. Mbi KOTA GBIA, mbi tene tënë awe.

Ezekiel 43:7

Go ni atene na mbi: “*Molenge ti zo, ndo so ge so ayeke ndo ti mbata ti mbi ti gbia, ndo so mbi yeke zia gere ti mbi daa. Mbi yeke duti na ndo so lakue lakue na popo ti azo ti Israel. Iri ti mbi so ayeke nde si ayeke nzoni kue so, fade azo ti mara ti Israel na agbia ti ala ayeke kiri ti buba ni pepe na lege ti sarango ye ti ndumba ti ala wala na lege ti lungo akuâ ti agbia ti ala so akui so.

Ezekiel 43:9

Fadeso, ala zia sarango ye ti ndumba ti ala; ala zia akuâ ti agbia ti ala yongoro na tere ti mbi si mbi yeke duti na popo ti ala lakue lakue.

Daniel 2:11

Ye so mo hunda so ayeke ngangu mingi. Zo oko ti fa tënë ni na gbia ayeke daa pepe. Gi anzapa si alingbi ti fa ni; me ndo ti lango ti ala ayeke na popo ti azo ti sese pepe.”

Awayango-sandaga 26:11

Fade mbi yeke zia da ti mbi na popo ti ala; mbi yeke ke ala pepe.

Awayango-sandaga 26:12

Mbi yeke tambula na popo ti ala; mbi yeke duti Nzapa ti ala si ala yeke duti azo ti mbi.

Aggée 2:5

Na ndembe so ala londo ando na Ezipte ti sigigi, mbi deba yanga ti mbi na ala. Tongaso, Yingo ti mbi ayeke duti na popo ti ala, ala sara mbeto oko pepe!

Zakarii 2:10

So tënë ti yanga ti *KOTA GBIA laa: “Ala londo, ala londo ahon! Ala so mbi kangbi ala na ndangoro osio ti sese kue so, ala londo hio na sese ti Banga, ala hon! So tënë ti yanga ti KOTA GBIA laa.

Zakarii 8:3

Tënë so KOTA GBIA atene ayeke so: Fade mbi yeke kiri ti ga na Sion, mbi yeke kiri ti duti taa na Jérusalem. Fade a yeke mu mbeni iri na Jérusalem, atene: ‘Gbata so abata tënë ti yanga ti Nzapa’ si a yeke mu nga iri na hoto ti KOTA GBIA so ayeke na ndö ti dunia kue, atene: ‘Hoto so ayeke nde si ayeke nzoni kue’.

Wungo ti azo 16:3

Ala kue atomboka na tere ti Moïse na Aaron si ala tene: “Ye ni afun sen awe! Azo ti Israel kue ayeke azo so *KOTA GBIA azia ala nde ndali ti lo; KOTA GBIA ayeke nga na popo ti e kue. Ngbanga ti nyen si ala mu tere ti ala tongana azo so ayeke na ndö ti bongbi ti azo ti KOTA GBIA kue so?”

Wungo ti azo 35:34

Ayeke nzoni ala sara titene kodro so ala yeke duti daa so aga *sioni pepe, kodro so mbi yeke duti daa na popo ti ala. Biani, mbi yeke KOTA GBIA, mbi yeke duti na popo ti azo ti Israel.”

Wungo ti azo 5:3

Ataa koli, ataa wali, fade ala yeke tumba ala kue; ala yeke tumba ala ti sigigi na ya ti bâbâ ni, tongaso si ala sara titene bâbâ ni aga *sioni pepe, na ndo so mbi yeke duti daa na popo ti azo ti Israel.”

Jean 14:17

lo yeke Yingo ti taa-tënë. Azo ti dunia so alingbi ti yamba lo pepe, ngbanga ti so ala baa lo pepe si ala hinga nga lo pepe. Me ti ala, ala hinga lo awe, ngbanga ti so lo yeke na ya ti ala si lo yeke na tere ti ala.

Jean 14:20

Na lango ni so, fade ala yeke hinga atene, mbi na Babâ, e yeke oko, mbi na ala nga, e yeke oko.

Jean 14:23

Jésus akiri tënë na lo, atene: “Zo so aye mbi, fade lo yeke sara ye so mbi tene na lo. Babâ ti mbi ayeke ye lo si mbi na Babâ, e yeke ga ti duti na lo.

2 Korente 6:16

Nyen laa abongbi da ti Nzapa na anzapa nde, nyen? E yeke tongana da ti Nzapa, lo so lo yeke na fini. Nzapa wani atene: “Fade mbi yeke duti na popo ti azo ni si mbi yeke tambula na popo ti ala; mbi yeke duti Nzapa ti ala si ala yeke duti azo ti mbi.”

Efeze 2:22

Na lege ti gango so ala ga oko na lo, a mu ala na atanga ni kue ti sara na da so Yingo ti Nzapa wani ayeke duti daa.

Ndia ti fani use ni 12:11

Tongaso, na ndo so KOTA GBIA Nzapa ti ala asoro titene iri ti lo aduti daa si azo ayeke gue ti voro lo daa laa ala yeke ga na lo aye so mbi mu yanga daa na ala: asandaga ti ala so a yeke gbi ni kue na wâ, asandaga ti ala ti beoko, adime ti ala, amatabisi ti ala na aye so kue ala deba yanga ti ala ti mungo ni na KOTA GBIA.

Ndia ti fani use ni 7:21

Tongaso, alingbi ala do na mbeto na le ti azo ti amara ni so pepe, ngbanga ti so KOTA GBIA Nzapa ti ala ayeke na ala, lo yeke kota si lo yeke sara ye ti ziango mbeto na be ti zo.

Aye so Nzapa afa 21:3

Mbi ma mbeni kota go so alondo na mbage ti mbata ti gbia ni, atene: “Fadeso, da so Nzapa aduti daa asi na popo ti azo awe! Lo yeke sara kodro na ala, ala yeke duti amara ti lo. Lo wani, lo yeke duti na ala, lo yeke duti Nzapa ti ala.