Sigingo 29:44 - Mbeti ti Nzapa - Tënë so amu fini

⁴⁴ Da ti bongo so mbi na azo ti mbi e yeke wara tere daa, na gbalaka ni, fade mbi yeke zia ni nde ndali ti mbi. Mbi yeke zia Aaron na amolenge ti lo nde titene ala sara kua ti mbi ti wayango-sandaga.

Sigingo 29:44 ပူးပေါင်းရင်းမြစ်များ

1 Agbia 9:3

KOTA GBIA atene na lo: “Mbi ma sambela ti mo na vorongo tere ti mo awe. Kota da so mo sara so, mbi zia ni nde ndali ti mbi titene mbi duti daa kpu na kpu na popo ti ala. Fade le ti mbi na nzoni be ti mbi ayeke ngba daa lakue.

Sigingo 29:43

“Mbi yeke wara azo ti Israel na ndo so; gonda ti mbi ayeke sara si ndo ni ayeke duti nde si aduti nzoni kue.

Sigingo 29:45

Fade mbi yeke duti na popo ti azo ti Israel si mbi yeke duti Nzapa ti ala.

Awayango-sandaga 21:15

Tongaso si na ya ti sewa ti lo, amolenge ti lo alingbi ti ga *sioni pepe. Biani, mbi laa mbi yeke KOTA GBIA so mbi yeke sara titene lo duti nde si lo duti nzoni kue.”

Awayango-sandaga 22:16

Tongana ala ngba ti duti *sioni si ala te asandaga so a zia nde ndali ti Nzapa, ala sara si ngbanga ati na li ti azo ti Israel ndali ti mbeni sioni so alingbi ti leke tënë ni. Biani, mbi laa mbi yeke KOTA GBIA so mbi yeke sara titene azo ni aduti nde si aduti nzoni kue.”

Awayango-sandaga 22:9

“Alingbi awayango-sandaga asara ye alingbi na atënë ti yanga ti mbi. Tongaso si ngbanga ati na li ti ala pepe ndali ti tënë ti kobe. Tongana ala sara si kobe ni aga sioni, fade ala yeke kui. Mbi laa mbi yeke KOTA GBIA so mbi sara titene ala duti nde si ala duti nzoni kue.

Jean 10:36

Me ti mbi, Babâ ti mbi azia mbi nde si lo tokua mbi na ndö ti dunia so. Ngbanga ti nyen laa ala tene: ‘Mo yeke zonga Nzapa!’ Ngbanga ti so mbi tene: ‘Mbi yeke Molenge ti Nzapa’ so?