Sigingo 29:41 - Mbeti ti Nzapa - Tënë so amu fini

⁴¹ Ti use taba ni, ala yeke ya lo na lakui. Ala yeke ya gi mara ti sandaga tongana ti so ala sara na ndaperere so, nga na mara ti sandaga ti samba so ala sara so. So ayeke sandaga so fion ni anzere na mbi KOTA GBIA, sandaga so a gbi ni kue na wâ ndali ti mbi.

Sigingo 29:41 ပူးပေါင်းရင်းမြစ်များ

1 Agbia 18:29

So bekombite ahon awe, ala to nda ti sara ye tongana azo so mbeni yingo agbu ala. Ala sara ye ni ngbii asi na ngbonga ti mungo sandaga. Me ala ma mbeni go oko pepe, zo akiri tënë na ala pepe, ye oko asara nga pepe.

1 Agbia 18:36

Na ngbonga ti mungo sandaga ti peko ti bekombite, wayanga-Nzapa Élie aga nduru na tere ti gbalaka ni si lo tene: “KOTA GBIA, Nzapa ti Abraham, ti Isaac na ti Jacob, ayeke nzoni mo fa na azo laso, mo tene, mo laa mo yeke Nzapa na sese ti Israel. Mbi yeke zo ti kua ti mo si mbi sara aye so kue gi na lege ti tënë ti mo.

2 Agbia 16:15

Na pekoni, gbia Ahaz amu yanga na wayango-sandaga Uria, atene: “Ti fadeso, fade mo yeke ya na ndö ti kota gbalaka ni sandaga ti ndaperere so a yeke gbi ni kue na wâ nga na sandaga ti farini ti lakui. Mo yeke ya nga na ndö ni sandaga ti gbia so a yeke gbi ni kue na wâ na sandaga ti lo ti farini nga na sandaga ti azo ti kodro kue: sandaga ti ala so a yeke gbi ni kue na wâ, sandaga ti ala ti farini na ti samba. Fade mo yeke tuku na ndö ti gbalaka ni mene ti anyama so a mu ala na sandaga. Ti gbalaka so a sara na bengba wen so, fade mbi yeke baa lege ni.”

2 Mbai 2:3

Mbi ye ti sara da ndali ti KOTA GBIA, Nzapa ti mbi, ti zia ni nde ndali ti lo. Na ya ti da ni, fade a yeke zö na dawa ti lo dukani so fion ni afun nzoni, a yeke leke mapa si a yeke zia na dawa ti lo lakue lakue, a yeke mu na lo *asandaga so a yeke gbi ni kue na wâ, na ndaperere nga na lakui, a yeke mu nga na lo asandaga ti *lango ti wungo tere, ti alango ti fini nze na ti alango ti amatanga ti KOTA GBIA Nzapa ti e; ye so a diko ndali ti azo ti Israel kpu na kpu laa.

Abia (Psaumes) 141:2

Ayeke nzoni sambela ti mbi aga tongana dukani so guru ni ayeke ma na nduzu na dawa ti mo; maboko ti mbi so mbi yoro na nduzu aga tongana *sandaga ti lakui.

Sigingo 12:6

Ala yeke bata nyama ni ngbii asi na lango baleoko na osio ti nze ni. Na lakui ti lango ni so, bongbi ti azo ti Israel kue ayeke fâ go ti nyama ni.

Sigingo 29:40

Ti kozo taba ni, ala yeke mu kilo ota ti farini, ala tuku litere oko na ndambo ti mafuta ti nzoni ni daa, ala gbu ya ni. Na pekoni, ala ga na litere oko na ndambo ti vin.

Sigingo 29:42

So ayeke sandaga so a yeke gbi ni kue na wâ si ala yeke ya ni na dawa ti mbi ngu na ngu, kpu na kpu na yanga ti da ti bongo so mbi KOTA GBIA, mbi na azo ti mbi e yeke tere daa. Na ndo so laa mbi yeke wara ala daa ti tene tënë na mo.

Daniel 9:21

So mbi ngba ti sambela, Gabriel, koli so mbi baa lo na ya ti kozo ye tongana bango-li so, ahuru hio na le ti nduzu si asi nduru na tere ti mbi. Lo si na tere ti mbi na ndembe so a yeke mu *sandaga ti peko ti bekombite.