Sigingo 29:40 - Mbeti ti Nzapa - Tënë so amu fini

⁴⁰ Ti kozo taba ni, ala yeke mu kilo ota ti farini, ala tuku litere oko na ndambo ti mafuta ti nzoni ni daa, ala gbu ya ni. Na pekoni, ala ga na litere oko na ndambo ti vin.

Sigingo 29:40 ပူးပေါင်းရင်းမြစ်များ

Tongo nda ti aye 35:14

Jacob aleke mbeni têne aluti na nduzu na ndo so Nzapa atene tënë na lo daa so. Lo mu *sandaga ti samba na ndö ti têne ni si lo tuku nga mafuta na ndö ni.

2 Agbia 3:20

Na ndaperere, na ngoi ti mungo *sandaga, ngu alondo na mbage ti Edom ayeke sua si amu ya ti kodro ni kue.

Sigingo 16:36

Kobe ti mane ndali ti zo oko oko alingbi na kete ta oko so a iri ni “omer”. Omer baleoko alingbi na sembe oko so a iri ni “efa”.

Sigingo 29:39

Ala yeke ya kozo taba ni na ndaperere si ala yeke ya use taba ni na lakui.

Sigingo 29:41

Ti use taba ni, ala yeke ya lo na lakui. Ala yeke ya gi mara ti sandaga tongana ti so ala sara na ndaperere so, nga na mara ti sandaga ti samba so ala sara so. So ayeke sandaga so fion ni anzere na mbi KOTA GBIA, sandaga so a gbi ni kue na wâ ndali ti mbi.

Sigingo 30:24

na kilo oku ti kase, alingbi na kilo so a yeke haka ka na ye na ndo so a zia ni nde ndali ti Nzapa. Mo yeke mu nga litere omene ti mafuta ti olive.

Ésaïe 57:6

Israel, atêne so tere ni aga pendere ndali ti ngu so ayeke sua na tere ni, atêne ni laa aga ye ti mo, ni laa aga ye so a mu na mo! Mo yeke mu sandaga ti samba na ala, mo yeke ya nga asandaga na ala. *KOTA GBIA ahunda ndo, atene: “Aye tongaso alingbi ti de be ti mbi?”

Ezekiel 20:28

Mbi sara si ala li na kodro so mbi yoro lani maboko ti mbi na nduzu, mbi deba yanga ti mbi ti mu na ala. Na ya ti kodro ni, le ti ala agi ndo so akete hoto kue ayeke daa nga na akeke so gba ti akugbe ayeke daa. Kâ laa, ala mu asandaga ti ala, ala mu amatabisi ti ala ti gingo na yanga ti mbi, ala mu asandaga so fion ni afun nzoni nga na sandaga ti samba.

Ezekiel 4:11

Mo yeke haka ngu hakango si mo nyon ni: litere ti ngu oko na ya ti lango oko.

Ezekiel 45:17

Kua ti makonzi ni ayeke titene lo mu sandaga so a yeke gbi ni kue na wâ, asandaga ti ale ti kobe nga na sandaga ti samba na ngoi ti amatanga; na lango ti matanga ti fini nze, na *lango ti wungo tere nga na amatanga kue ti azo ti Israel. Fade makonzi ayeke mu sandaga titene Nzapa azi sioni na li ti azo, asandaga nde nde, sandaga so a yeke gbi ni kue na wâ nga na asandaga ti beoko titene Nzapa azi sioni na li ti azo ti Israel.”

Ezekiel 45:24

Lo yeke mu kilo ti ble baleota na litere ti mafuta omene ndali ti koli-bagara oko oko nga ndali ti koli-taba oko oko.

Ezekiel 46:11

“Alango ti matanga nga na alango ti kota matanga, fade makonzi ayeke mu kilo baleota ti *ble ndali ti koli-bagara oko, kilo baleota ti ble ndali ti koli-taba oko. Ti akete taba, makonzi ayeke mu kilo ti ble alingbi na ye so lo yeke na ni. Lo yeke mu litere omene ti mafuta ndali ti kilo baleota ti ble.

Ezekiel 46:14

Lakue na ndaperere, a yeke mu nga na KOTA GBIA kilo oku ti farini nga na litere use ti mafuta titene a tuku na ya ti farini ni. Andia ti mungo sandaga na KOTA GBIA so ayeke ngba lakue lakue, kpu na kpu.

Ezekiel 46:5

Lo yeke mu kilo baleota ti *ble ndali ti koli-taba ni; ndali ti akete taba ni, lo yeke mu kilo ti ble alingbi na ye so lo yeke na ni. Lo yeke mu litere omene ti mafuta ndali ti kilo baleota ti ble.

Ezekiel 46:7

Lo yeke mu kilo baleota ti ble ndali ti koli-bagara nga ndali ti koli-taba ni. Ti akete taba, lo yeke mu kilo ti ble alingbi na ye so lo yeke na ni. Lo yeke mu omene litere ti mafuta ndali ti kilo baleota ti ble.

Osée 9:4

Kâ, fade ala yeke tuku vin kete na sese ti mu na *sandaga na KOTA GBIA pepe; sandaga ti ala ni ayeke nzere na be ti lo pepe. Kobe ti ala ayeke duti tongana kobe so azo ayeke te na ngoi ti ye ti vundu; azo so kue ayeke te ni, ala yeke ga *sioni. Kobe ti ala ni ayeke kai nzara ti ala, me ala lingbi ti li na ni na ya ti kota da ti KOTA GBIA pepe.

Joël 1:13

Ala awayango-sandaga, ala yu bongo ti mua, ala toto; ala so ayeke sara kua na tere ti gbalaka, ala dema tere ti ala! Ala azo so ayeke sara kua ti Nzapa ti mbi, ala ga, ala yu bongo ti mua, ala lango na ni na bi kue, ngbanga ti so azo ayeke na sandaga ti *ble na ti samba pepe ti ga na ni na ya ti kota da ti Nzapa.

Joël 1:9

Azo akiri aga na *sandaga ti le ti kobe pepe, wala ala kiri aga na sandaga ti samba na ya ti kota da ti KOTA GBIA pepe. Ndani laa awayango-sandaga so ayeke sara kua ti KOTA GBIA ayeke na mua.

Joël 2:14

E hinga pepe, fade lo yeke zia lege ti sara ye so lo leke na be ti lo ti sara. Fade lo yeke sara tufa na ndö ti ala si ala lingbi ti mu *sandaga ti *ble na ti samba na KOTA GBIA, Nzapa ti ala.

Awayango-sandaga 23:13

Ala yeke mu nga kilo omene ti farini so ala gbu ya ni na mafuta si ala mu na sandaga so a yeke zö ni kue na wâ titene fion ni anzere na mbi KOTA GBIA. Ala yeke mu nga litere oko na ndambo ti vin.

Awayango-sandaga 6:13

“Ti londo na lango so a yeke tuku mafuta na li ti Aaron na amolenge ti lo ti zia ala nde, sandaga so ala yeke mu na KOTA GBIA ayeke tongaso: ala yeke mu na ya ti lango oko oko kilo ota ti farini, ndambo ni na ndaperere, ndambo ni na lakui.

Wungo ti azo 15:24

tongana ala sara sioni ni na mbana ti be ti ala pepe si bongbi ti azo ahinga tënë ni pepe, fade bongbi ti azo ni kue ayeke mu koli-bagara na *sandaga so a yeke gbi ni kue na wâ titene fion ni anzere na KOTA GBIA. Bongbi ti azo ni ayeke mu sandaga ti farini nga na sandaga ti samba; ala yeke mu nga koli-ngasa na sandaga ndali ti zingo siokpari na li ti zo.

Wungo ti azo 15:7

ala yeke mu nga litere use ti vin ndali ti sandaga ti samba. So laa fion ni ayeke nzere na KOTA GBIA.

Wungo ti azo 28:10

So ayeke sandaga so a yeke gbi ni kue na wâ na lango ti wungo tere. Ala yeke zia ni na ndö ti sandaga ti lango oko oko nga na ndö ti sandaga ti samba so ala bongbi na ni.”

Wungo ti azo 28:24

Na ya ti lango mbarambara ti matanga ni, fade ala yeke mu asandaga ti akobe ni so lakue lakue. So ayeke sandaga so a yeke gbi ni kue na wâ si fion ni anzere na KOTA GBIA; ala yeke bongbi ni na sandaga ti samba.

Wungo ti azo 28:5

ala bongbi ni na kilo ota ti farini, ala tuku litere oko na ndambo ti mafuta ti nzoni ni daa, ala gbu ya ni.

Wungo ti azo 29:16

Ala yeke mu nga koli-ngasa oko na sandaga ndali ti siokpari ti ala. Ala yeke zia na ndö ni sandaga so a yeke gbi ni kue na wâ na ya ti lango oko oko nga na sandaga ti farini na sandaga ti samba so ala bongbi na ni.

Wungo ti azo 4:16

Ti Elazar, molenge ti wayango-sandaga Aaron, kua ti lo ayeke ti baa lege ti mafuta ti ziango na ya ti alamba, dukani ti zongo na wâ, sandaga ti ale ti kobe so azo ayeke mu na ya ti lango oko oko nga na mafuta ti tukungo na li ti zo ti zia lo nde. Kua ti lo ayeke nga ti baa ndo na ndö ti da so a zia nde ndali ti Nzapa, na aye ti ya ni kue, aye nde nde ti sarango na kua ti ya ti da ni nga na agbakuru ni kue.”

Ndia ti fani use ni 32:38

Anzapa ti ala so ayeke te lani akasa ti mafuta ti asandaga ti ala, azo ti Israel so ayeke na ndo wa? Anzapa ti ala so ayeke nyon lani asamba so ala tuku ni ti ya na sandaga so. Ala londo fadeso amu maboko na ala ma! Ala ga fadeso ti bata ala ma!

Filipe 2:17

Mabe ti ala asara si ala yeke mu *sandaga na Nzapa. Mbi hinga pepe, tongana a fâ mbi si mene ti mbi atuku, fade ayeke ga tongana sandaga na ndö ti so ala yeke mu. Tongana ye ni ayeke tongaso, be ti mbi ayeke nzere si mbi na ala kue, e yeke na ngia.