Sigingo 29:39 - Mbeti ti Nzapa - Tënë so amu fini

³⁹ Ala yeke ya kozo taba ni na ndaperere si ala yeke ya use taba ni na lakui.

Sigingo 29:39 ပူးပေါင်းရင်းမြစ်များ

1 Agbia 18:29

So bekombite ahon awe, ala to nda ti sara ye tongana azo so mbeni yingo agbu ala. Ala sara ye ni ngbii asi na ngbonga ti mungo sandaga. Me ala ma mbeni go oko pepe, zo akiri tënë na ala pepe, ye oko asara nga pepe.

2 Agbia 16:15

Na pekoni, gbia Ahaz amu yanga na wayango-sandaga Uria, atene: “Ti fadeso, fade mo yeke ya na ndö ti kota gbalaka ni sandaga ti ndaperere so a yeke gbi ni kue na wâ nga na sandaga ti farini ti lakui. Mo yeke ya nga na ndö ni sandaga ti gbia so a yeke gbi ni kue na wâ na sandaga ti lo ti farini nga na sandaga ti azo ti kodro kue: sandaga ti ala so a yeke gbi ni kue na wâ, sandaga ti ala ti farini na ti samba. Fade mo yeke tuku na ndö ti gbalaka ni mene ti anyama so a mu ala na sandaga. Ti gbalaka so a sara na bengba wen so, fade mbi yeke baa lege ni.”

2 Agbia 3:20

Na ndaperere, na ngoi ti mungo *sandaga, ngu alondo na mbage ti Edom ayeke sua si amu ya ti kodro ni kue.

2 Mbai 13:11

Lakue na ndaperere nga na lakui, ala yeke ya na KOTA GBIA *asandaga so a yeke gbi ni kue na wâ, ala yeke zö na lo dukani so fion ni anzere na lo, ala yeke zia mapa so a mu na Nzapa na ndö ti meza so ayeke *nzoni si lakue na lakui, ala yeke za wâ na ya ti alamba so ayeke na ndö ti gere so a sara na lôro. Ti e, e yeke sara kua na KOTA GBIA, Nzapa ti e. Me ti ala, ala zia lo awe.

2 Mbai 2:3

Mbi ye ti sara da ndali ti KOTA GBIA, Nzapa ti mbi, ti zia ni nde ndali ti lo. Na ya ti da ni, fade a yeke zö na dawa ti lo dukani so fion ni afun nzoni, a yeke leke mapa si a yeke zia na dawa ti lo lakue lakue, a yeke mu na lo *asandaga so a yeke gbi ni kue na wâ, na ndaperere nga na lakui, a yeke mu nga na lo asandaga ti *lango ti wungo tere, ti alango ti fini nze na ti alango ti amatanga ti KOTA GBIA Nzapa ti e; ye so a diko ndali ti azo ti Israel kpu na kpu laa.

Esdras 9:4

Mbi ngba tongaso ngbii asi na ngbonga so a yeke mu *sandaga ti lakui. Azo mingi asara mbeto ti fango ngbanga ti Nzapa ti Israel ndali ti sioni ye mingi so azo so a gbu ala si ala kiri so asara; azo ni kue abongbi na tere ti mbi.

Abia (Psaumes) 141:2

Ayeke nzoni sambela ti mbi aga tongana dukani so guru ni ayeke ma na nduzu na dawa ti mo; maboko ti mbi so mbi yoro na nduzu aga tongana *sandaga ti lakui.

Abia (Psaumes) 5:3

Gbia ti mbi, Nzapa ti mbi, zia mê ti mo kpoo, mo ma iringo ndo ti mbi; mo laa mbi yeke sambela mo.

Sigingo 12:6

Ala yeke bata nyama ni ngbii asi na lango baleoko na osio ti nze ni. Na lakui ti lango ni so, bongbi ti azo ti Israel kue ayeke fâ go ti nyama ni.

Sigingo 29:40

Ti kozo taba ni, ala yeke mu kilo ota ti farini, ala tuku litere oko na ndambo ti mafuta ti nzoni ni daa, ala gbu ya ni. Na pekoni, ala ga na litere oko na ndambo ti vin.

Daniel 9:21

So mbi ngba ti sambela, Gabriel, koli so mbi baa lo na ya ti kozo ye tongana bango-li so, ahuru hio na le ti nduzu si asi nduru na tere ti mbi. Lo si na tere ti mbi na ndembe so a yeke mu *sandaga ti peko ti bekombite.

Nzoni Tënë so Luc asu na mbeti 1:10

Na ndembe so a yeke zö ka dukani, azo kue ayeke ngba na gigi si ayeke sambela.

Awatokua 26:7

Amara baleoko na use ti e azia be ti ala ti ku ti baa ye so Nzapa amu zendo ni, nilaa ala yeke sara kua ti Nzapa bi na lâ, ala woko na kua ni pepe. Mbi nga, gbia, mbi yeke ku ti baa ye ni so. Ye so azuife aga na mbi na gbe ti azo ti fango ngbanga ndali ni laa!