Sigingo 29:38 - Mbeti ti Nzapa - Tënë so amu fini

³⁸ “Baa, aye so fade ala yeke ya na *sandaga na ndö ti gbalaka ni na ya ti lango oko oko ayeke so: akete taba use ti ngu oko; ala yeke ya ni kpu na kpu.

Sigingo 29:38 ပူးပေါင်းရင်းမြစ်များ

Tongo nda ti aye 22:7

Isaac atene na babâ ti lo Abraham: “Babâ!” Babâ ni ayeda: “Mbi laa, molenge ti mbi!” Isaac ahunda babâ ti lo, atene: “Le ti wâ na keke ti wâ laa. Me taba ti mungo na sandaga so a yeke gbi ni kue na wâ so ayeke na ndo wa?”

1 Mbai 16:40

Lakue na ndaperere nga na lakui, ala laa ayeke mu asandaga so a yeke gbi ni kue na wâ na ndö ti gbalaka ti KOTA GBIA. Ala yeke sara aye kue na lege ti *Ndia so KOTA GBIA afa na azo ti Israel.

2 Mbai 13:11

Lakue na ndaperere nga na lakui, ala yeke ya na KOTA GBIA *asandaga so a yeke gbi ni kue na wâ, ala yeke zö na lo dukani so fion ni anzere na lo, ala yeke zia mapa so a mu na Nzapa na ndö ti meza so ayeke *nzoni si lakue na lakui, ala yeke za wâ na ya ti alamba so ayeke na ndö ti gere so a sara na lôro. Ti e, e yeke sara kua na KOTA GBIA, Nzapa ti e. Me ti ala, ala zia lo awe.

2 Mbai 2:3

Mbi ye ti sara da ndali ti KOTA GBIA, Nzapa ti mbi, ti zia ni nde ndali ti lo. Na ya ti da ni, fade a yeke zö na dawa ti lo dukani so fion ni afun nzoni, a yeke leke mapa si a yeke zia na dawa ti lo lakue lakue, a yeke mu na lo *asandaga so a yeke gbi ni kue na wâ, na ndaperere nga na lakui, a yeke mu nga na lo asandaga ti *lango ti wungo tere, ti alango ti fini nze na ti alango ti amatanga ti KOTA GBIA Nzapa ti e; ye so a diko ndali ti azo ti Israel kpu na kpu laa.

2 Mbai 2:4

Da so mbi ye ti sara so ayeke duti kota da, ngbanga ti so Nzapa ti e ayeke kota ahon anzapa kue.

2 Mbai 29:7

Ataa ayanga ti kubu so azo ayeke hon daa ti li na ya ti kota da ni, ala kanga ni, ala mingo alamba, ala zia ti zö dukani, ti mu *sandaga so a yeke gbi ni kue na wâ ndali ti Nzapa ti Israel, na ndo so ayeke nde si ayeke nzoni kue.

2 Mbai 31:3

Gbia amu mbage ti aye ti lo na sandaga so a yeke gbi ni kue na wâ, so ti tene asandaga ti ndaperere na ti lakui, ti *lango ti wungo tere, ti fini nze na ti ambeni matanga, alingbi na tënë so a su na ya ti mbeti ti *Ndia ti KOTA GBIA.

2 Mbai 8:13

Lo yeke mu asandaga ni na ya ti lango oko oko alingbi na ndia so Moïse afa: na *lango ti wungo tere, na matanga ti fini nze nga na alango ti akota matanga ota so ayeke na ya ti ngu oko: matanga ti Mapa so a sara na mama ni pepe, matanga ti Pantekote na matanga ti Akpangba.

Esdras 3:3

Ataa so mbeto ti azo nde so aduti na ya ti kodro ni asara ala, azo ti Israel akiri aleke gbalaka ni na ndö ti akozo gere ni. Na pekoni ala ya asandaga so a yeke gbi ni kue na wâ na *KOTA GBIA: asandaga ti ndaperere na ti lakui.

Esdras 3:5

Na pekoni, ala ya lakue asandaga so a yeke gbi ni kue na wâ, asandaga ti fini nze, asandaga ndali ti alango ti amatanga so a zia ni nde ndali ti KOTA GBIA nga na asandaga so azo ayeke mu na be ti ala wani na KOTA GBIA.

Sigingo 40:29

Lo zia na yanga ti da ti bongo so Nzapa na azo ti lo ayeke wara tere daa gbalaka so a yeke ya na ndö ni *sandaga so a yeke gbi ni kue na wâ. Lo ya na ndö ni sandaga so a yeke gbi ni kue na wâ na sandaga ti ale ti kobe, alingbi na yanga so KOTA GBIA amu lani na Moïse.

Ezekiel 46:13

“Na ya ti lango oko oko, a yeke mu na KOTA GBIA mbeni kete taba ti ngu oko so mbeni mbage ti tere ti lo abuba pepe ti mu na sandaga so a yeke gbi ni kue na wâ. A yeke mu sandaga ni lakue na ndaperere.

Ezekiel 46:15

Lakue na ndaperere, a yeke mu na KOTA GBIA kete taba, farini nga na mafuta ndali ti sandaga so a yeke gbi ni kue na wâ.”

Daniel 12:11

Ti londo na ngoi so a yeke kanga lege ti mungo asandaga ti lango oko oko na Nzapa nga na ngoi so ala yeke zia na ndö ti gbalaka Sioni-kpale-ti-bubango-ndo-kue, lango saki oko ngbangbo use na balegumbaya ayeke hon.

Daniel 9:21

So mbi ngba ti sambela, Gabriel, koli so mbi baa lo na ya ti kozo ye tongana bango-li so, ahuru hio na le ti nduzu si asi nduru na tere ti mbi. Lo si na tere ti mbi na ndembe so a yeke mu *sandaga ti peko ti bekombite.

Daniel 9:27

Na ya ti tanga ti ngoi ti ngu mbarambara so, makonzi ni ayeke gbu gba ti azo na ngangu titene ala sara ye so ala ye pepe. Na peko ti ngu ota na ndambo, lo yeke sara si asandaga ti nyama na asandaga ti ale ti kobe so azo ayeke mu ka na Nzapa akai. Zo ti bubango ndo so ayeke sara ande aye ti sioni mingi gi na loro, lo yeke sara ni ngbii tënë ti bubango lo so a diko ndali ti lo ati na ndö ti lo.’ ”

Awayango-sandaga 3:5

Na pekoni, amolenge ti Aaron ayeke zö aye ni kue na ndö ti gbalaka legeoko na sandaga so a yeke gbi ni kue na wâ, asandaga so a zia na ndö ti akeke ti wâ. So ayeke sandaga so a gbi ni kue na wâ titene fion ni anzere na KOTA GBIA.

Awayango-sandaga 6:9

Tanga ni so angba so, Aaron na amolenge ti lo alingbi ti te ni; me ala zia mama ti mapa na ya ni pepe. Fade ala te ni na mbeni ndo so ayeke nde si ayeke nzoni kue, so ti tene na ya ti gbagba ti da ti bongo so KOTA GBIA na azo ti lo ayeke wara tere daa.

Awayango-sandaga 9:17

Lo ya sandaga ti ale ti kobe: lo mu mbeni farini asi ya ti maboko ti lo, lo zö ni kue na wâ na ndö ti gbalaka legeoko na sandaga ti ndaperere so a yeke gbi ni kue na wâ.

Wungo ti azo 29:6

Na ndö ti asandaga so kue, ala yeke mu asandaga so a yeke gbi ni kue na wâ na ya ti lango oko oko nga na sandaga so a yeke mu na kozo lango ti nze. Ala yeke bongbi ni na sandaga ti farini nga na ti samba, tongana ti so ala yeke sara ka lakue. So ayeke sandaga so fion ni anzere na KOTA GBIA.”

Jean 1:29

Lango oko na pekoni, Jean abaa Jésus so ayeke ga na mbage ti lo si lo tene: “Baa, Kete Taba ti Nzapa so ayeke zi siokpari na li ti azo ti dunia laa!

Ahebro 7:27

Jésus ayeke tongana tanga ti akota wayango-sandaga pepe: lo baa nzoni na le ti lo pepe ti ya *sandaga na ya ti lango oko oko ndali ti asiokpari ti lo wani kozoni si na pekoni, lo ya sandaga ndali ti asiokpari ti azo. Lo mu ti lo sandaga ni fani oko biani biani na ndembe so lo ka tere ti lo na kuâ.

1 Pierre 1:19

me ye so azi ala ayeke mene ti Christ so ayeke ye ti kota ngere. Christ ayeke tongana molenge ti taba so mbeni mbage ti tere ti lo oko abuba pepe si sioni ye oko ayeke na tere ti lo pepe.