Sigingo 29:37 - Mbeti ti Nzapa - Tënë so amu fini

³⁷ Fade ala yeke mu lango mbarambara ti sara na matanga so. Na pekoni, ala yeke zia gbalaka ni nde ndali ti mbi. Tongaso gbalaka ni ayeke ga mbeni ye so ayeke nde si ayeke nzoni kue ahon atanga ni. Zo so kue wala ye so kue ayeke ndu gbalaka ni ayeke wara ye ti peko ni.”

Sigingo 29:37 ပူးပေါင်းရင်းမြစ်များ

2 Mbai 7:9

Na lango miombe ni, ala sara mbeni kota bongbi. Ala sara matanga ti zia gbalaka nde ndali ti Nzapa na ya ti lango mbarambara; na pekoni, ala kiri asara matanga ti Akpangba ni na ya ti lango mbarambara.

Sigingo 40:10

Mo yeke tuku nga mafuta ni na ndö ti gbalaka so a yeke ya asandaga na ndö ni nga na agbakuru ni kue. Mo yeke zia gbalaka ni nde ndali ti mbi titene aga gi ye ti sarango na kua ti mbi.

Ezekiel 43:20

Mo yeke mu mene ti koli-bagara ni, mo zia na tere ti adidi osio ti gbalaka ni, na tere ti andangoro osio ti use etaze ni nga na tere ti kete dere so angoro use etaze ni. Tongaso, mo yeke sukula *sioni ti gbalaka ni si mo yeke zia ni nde.

Ezekiel 43:25

Na ya ti lango mbarambara, na lango oko oko, mo yeke mu koli-ngasa na sandaga ndali ti siokpari; mo yeke mu nga na popo ti anyama koli-bagara na koli-taba so mbeni mbage ti tere ti lo abuba pepe ti mu na sandaga.

Daniel 9:24

A diko ngoi mbarambara fani balembarambara ndali ti azo ti mo nga ndali ti gbata ti mo so ayeke nde si ayeke nzoni kue. A diko ngoi ni titene sioni sarango ye na siokpari akai, titene a zi siokpari na li ti azo si mbirimbiri ti Nzapa angba lakue lakue, titene aye so zo abaa na ya ti mbeni ye tongana bango-li na tenengo peko ti tënë ti yanga ti Nzapa aga taa-tënë, titene kota da ti Nzapa so ayeke nde si ayeke nzoni kue, azo akiri azia ni nde ndali ti lo.

Awayango-sandaga 16:16

Lo yeke sara titene a zi *sioni na tere ti ndo so ayeke nde si ayeke nzoni kue ahon atanga ni. Biani, ndali ti kengo yanga ti azo ti Israel na sioni sarango ye ti ala laa da ni aga *sioni. Lo yeke sara gi oko ye so na ya ti da ti bongo so KOTA GBIA na azo ti lo ayeke wara tere daa, ngbanga ti so da ni ayeke na popo ti azo so aga *sioni awe.

Awayango-sandaga 6:11

Fade gi *ahale ti Aaron ti koli laa ayeke te kobe ni so. Biani, mbage ti sandaga so a yeke gbi ni kue na wâ na KOTA GBIA, ni laa ayeke ga ti ala kpu na kpu. Tanga ti azo so kue andu sandaga so, a yeke zia ala nde si ala yeke ga nzoni kue.”

Awayango-sandaga 8:11

Lo fi mafuta ni na tere ti gbalaka fani mbarambara. Na pekoni, lo tuku mafuta ni na ndö ti gbalaka ni na agbakuru ni kue; na tere ti kota sembe na gere ni ti zia ni nde ndali ti Nzapa.

Aggée 2:12

Mbeni zo akanga na yanga ti bongo ti lo mbeni kasa ti nyama so a mu ni na *sandaga na Nzapa. Na pekoni, yanga ti bongo ni so andu mapa, wala akugbe ti kasa, wala vin, wala mafuta, wala mbeni mara ti kobe nde, a zia akobe ni so nde ndali ti Nzapa awe?” Awayango-sandaga akiri tënë, atene: “Ên-en!”

Matthieu 23:17

Abuba zo, ala awaziba so! Na popo ti lôro na kota da ti Nzapa, nyen laa ayeke kota, nyen? Lôro wala kota da ti Nzapa so asara si lôro ni aga ye ti Nzapa so?

Matthieu 23:19

Ala awaziba so! Na popo ti sandaga na gbalaka so ayeke sara titene sandaga ni aga ye ti Nzapa so, nyen laa ayeke kota, nyen?