Sigingo 29:33 - Mbeti ti Nzapa - Tënë so amu fini

³³ Ye so a mu na sandaga titene mbi Nzapa, mbi zi siokpari na li ti ala si ala li na ya ti kua ti ala so, fade gi ala oko laa ayeke te ni; mbeni zo nde alingbi ti te ni pepe, ngbanga ti so a zia kobe ni so nde ndali ti Nzapa.

Sigingo 29:33 ပူးပေါင်းရင်းမြစ်များ

Abia (Psaumes) 22:26

KOTA GBIA, ndali ti mo, mbi lingbi ti gonda mo, mbi gonda mo na ya ti kota bongbi ti azo ti mo. Ye so mbi deba yanga ti mbi ti sarango ni, mbi yeke sara ni na le ti azo so akpe mbeto ti mo:

Sigingo 29:32

Fade Aaron na amolenge ti lo ayeke te kasa ni na mapa so ayeke na ya ti sakpa; ala yeke te ni na yanga ti da ti bongo so Nzapa na azo ti lo ayeke wara tere daa.

Awayango-sandaga 1:4

Zo ni ayeke zia maboko ti lo na li ti nyama ni. Tongaso KOTA GBIA ayeke yeda na sandaga ti zo ni si lo yeke zi siokpari na li ti lo.

Awayango-sandaga 10:12

Moïse atene na Aaron nga na amolenge ti lo, Elazar na Itamar so angba na fini so, atene: “Ale ti kobe so azo aga na ni ti mu *sandaga so a yeke gbi ni kue na wâ na KOTA GBIA, ala zi ti lo na ya ni. Tanga ni so angba so, ala mu ni asara na mapa so a sara na mama ni pepe, ala te ni na tere ti gbalaka, ngbanga ti so ayeke mbeni kobe so ayeke nde si ayeke nzoni kue ahon atanga ni.

Wungo ti azo 1:51

Tongana ala londo ti gue na mbeni ndo, azo ti mara ti Lévi laa ayeke zi da ni; ndo so ala yeke luti daa ti sara bâbâ ti ala, azo ti mara ti Lévi laa ayeke kiri ti leke da ni. Tongana mbeni zo nde aga nduru na tere ti da ni, fade a yeke fâ lo.

Wungo ti azo 16:5

Na pekoni, lo tene na Kore na azo so amu peko ti lo so, atene: “Kekereke na ndaperere, fade KOTA GBIA ayeke fa zo so ayeke ti lo, zo so lo zia lo nde ndali ti lo, zo so lo yeda na lo ti ga nduru na lo. Zo so KOTA GBIA asoro lo, fade lo yeke zia lege na zo ni ti ga nduru lo.

Wungo ti azo 18:4

Ala yeke mu maboko na mo na kua ti ya ti da ti bongo so mbi na azo ti mbi, e yeke wara tere daa, ala yeke sara akua kue ti ya ti da ni. Mbeni senge zo alingbi ti ga nduru na ala pepe.

Wungo ti azo 18:7

Me mo, Aaron na amolenge ti mo, ala yeke sara kua ti ala ti wayango-sandaga na ndo so gbalaka ayeke daa nga na ndo so ayeke nde si ayeke nzoni kue ahon atanga ni; so ti tene na peko ti ridoo so akangbi ya ti da ni so. Mbi laa mbi mu na ala kua ni. Tongana mbeni senge zo aga nduru na ndo ni, fade a yeke fâ lo.”

Wungo ti azo 3:10

Mo zia Aaron na amolenge ti lo titene ala sara kua ti ala ti wayango-sandaga. Tongana mbeni zo nde aga nduru na tere ti kua ni, fade a yeke fâ lo.”

Wungo ti azo 3:38

Moïse, Aaron na amolenge ti lo asara bâbâ ti ala na dawa ti yanga ti da ti bongo so KOTA GBIA na azo ti lo ayeke wara tere daa, na mbage ti To. Kua ti ala ayeke ti baa ndo na ndö ti da so a zia nde ndali ti KOTA GBIA, ndali ti azo ti Israel. Tongana mbeni zo nde aye fade ti ga nduru na tere ti da ni, ka a yeke fâ lo.

1 Korente 11:24

lo mu singila na Nzapa, lo fâ ya ni si lo tene: “So ayeke tere ti mbi so mbi mu ndali ti ala. Ala sara ye so ti dabe ti ala na mbi.”

1 Korente 11:26

Biani, lakue tongana ala yeke te mapa so si ala yeke nyon kopo so, ala yeke fa tënë ti kuâ ti Kota Gbia ti ku na gango ti lo.