Sigingo 29:31 - Mbeti ti Nzapa - Tënë so amu fini

³¹ “Use koli-taba so a ya na sandaga ti fa atene, Aaron na amolenge ti lo ali na kua ti awayango-sandaga awe, fade ala yeke to kasa ti nyama ni na mbeni ndo so ayeke nde si ayeke nzoni kue.

Sigingo 29:31 ပူးပေါင်းရင်းမြစ်များ

Sigingo 29:30

Mbeni molenge ti Aaron so ayeke mu ande kua na peko ti babâ ti lo ayeke yu abongo ni na ya ti lango mbarambara, na ndembe so lo yeke li na ya ti da ti bongo so Nzapa na azo ti lo ayeke wara tere daa titene lo sara kua ti mbi na ndo so ayeke nde si ayeke nzoni kue.

Sigingo 29:32

Fade Aaron na amolenge ti lo ayeke te kasa ni na mapa so ayeke na ya ti sakpa; ala yeke te ni na yanga ti da ti bongo so Nzapa na azo ti lo ayeke wara tere daa.

Ezekiel 42:13

Koli ni atene na mbi: “Akubu ti mbage ti Banga na ala ti mbage ti Mbongo so abaa le na ya ti gbagba ni, a zia ni nde ndali ti Nzapa. Awayango-sandaga so alingbi ti luti na dawa ti KOTA GBIA, na ndo so laa ala lingbi ti te akobe so ayeke nde si ayeke nzoni kue ahon atanga ni; na ndo so laa ala yeke zia aye so ayeke nde si ayeke nzoni kue ahon atanga ni, so ti tene asandaga so ala mu ndali ti siokpari nga na asandaga ti lekengo tënë. Biani, ndo ni ayeke nde si ayeke nzoni kue.

Awayango-sandaga 8:22

Na pekoni, Moïse aga na use koli-taba ni; koli-taba so afa atene, Aaron na amolenge ti lo ali na kua ti ala ti awayango-sandaga awe. Ala zia maboko ti ala na li ti koli-taba ni.

Awayango-sandaga 8:31

Moïse atene na Aaron na amolenge ti lo: “Ala to kasa ti nyama ni na yanga ti da ti bongo so KOTA GBIA na azo ti lo ayeke wara tere daa. Gi na ndo so, fade ala yeke te ni na mapa so a sara ndali ti matanga ni, alingbi na yanga so mbi KOTA GBIA, mbi mu na ala.

1 Samuel 2:13

Ala yeke awayango-sandaga; me ye so ala yeke sara na azo ti kodro ayeke so: tongana mbeni zo amu *sandaga na KOTA GBIA, zo ti kua ti wayango-sandaga ayeke ga na ngoi so a yeke to kasa ni. Lo gbu mbeni furshete so yanga ni ayeke ota na maboko ti lo.

1 Samuel 2:15

Mbeni ye ni so ala sara ayeke so: tongana mbeni zo amu sandaga si a de ti gbi mafuta ni pepe, zo ti kua ti wayango-sandaga asi. Lo yeke tene na zo so ayeke mu sandaga ni so, lo tene: “Mu ti wayango-sandaga kasa ni na mbi titene a gbi na lo. Lo ye si mo tokua na lo kasa so a to ni tongo pepe, me lo ye gi kasa so angba na fini ni.”