Sigingo 29:30 - Mbeti ti Nzapa - Tënë so amu fini

³⁰ Mbeni molenge ti Aaron so ayeke mu ande kua na peko ti babâ ti lo ayeke yu abongo ni na ya ti lango mbarambara, na ndembe so lo yeke li na ya ti da ti bongo so Nzapa na azo ti lo ayeke wara tere daa titene lo sara kua ti mbi na ndo so ayeke nde si ayeke nzoni kue.

Sigingo 29:30 ပူးပေါင်းရင်းမြစ်များ

Tongo nda ti aye 8:10

Lo kiri lo ku lango mbarambara, lo mu mbipa ni si lo bi lo na gigi.

Tongo nda ti aye 8:12

Lo kiri lo ku lango mbarambara, lo mu mbipa ni si lo bi lo na gigi. Mbipa ni ahon si lo kiri na tere ti Noe mbeni pepe.

Sigingo 12:15

KOTA GBIA akiri atene na Moïse na Aaron: “Na ya ti lango mbarambara, fade ala yeke te mapa so a sara na mama ni pepe. Gi na kozo lango ni, ala zi mama ti mapa na ya ti ada ti ala. Ti londo na kozo lango ni ti si na mbarambara lango ni, zo so ate mapa so a sara na mama ni, fade a yeke tumba lo na popo ti azo ti Israel.

Sigingo 29:29

“Na peko ti kuâ ti Aaron, abongo ti lo ti wayango-sandaga ayeke ga ti amolenge ti lo. Ala yeke yu ni na lango so a yeke tuku mafuta na li ti ala si ala yeke to nda ti sara kua na mbi.

Sigingo 29:31

“Use koli-taba so a ya na sandaga ti fa atene, Aaron na amolenge ti lo ali na kua ti awayango-sandaga awe, fade ala yeke to kasa ti nyama ni na mbeni ndo so ayeke nde si ayeke nzoni kue.

Sigingo 29:35

“Fade mo yeke sara na Aaron na amolenge ti lo alingbi gi na yanga so mbi mu na mo. Ala yeke mu lango mbarambara ti sara matanga ti lingo ti ala na kua ni.

Ezekiel 43:26

Na ya ti lango mbarambara, fade a sukula *sioni ti gbalaka ni si a zia ni nde ti sara na kua.

Awayango-sandaga 13:5

Na lango mbarambara ni, wayango-sandaga ayeke kiri ti baa tere ti zo ni. Tongana wayango-sandaga abaa so ye so asigigi na tere ti zo ni angba gi tongaso, amu tere ti lo kue pepe, wayango-sandaga ni ayeke kiri ti zia lo na mbeni ndo nde ti duti gi lo oko na ya ti lango mbarambara.

Awayango-sandaga 16:32

“Wayango-sandaga so a tuku mafuta na li ti lo si a zia kua ti kota wayango-sandaga na maboko ti lo na peko ti babâ ti lo, lo laa lo yeke sara titene Nzapa azi siokpari na li ti azo. Lo yeke yu abongo so a sara na len, abongo so a zia ni nde ndali ti Nzapa.

Awayango-sandaga 9:1

Na lango miombe ni, Moïse airi Aaron na amolenge ti lo nga na akangba ti Israel.

Awayango-sandaga 9:8

Aaron aga nduru na tere ti gbalaka si lo fâ go ti kete bagara so lo mu na sandaga ndali ti zingo siokpari na li ti lo wani.

Wungo ti azo 20:28

Moïse azi bongo ti Aaron na tere ti lo si lo yu na Elazar. Aaron akui gi na li ti hoto ni so. Na pekoni, Moïse na Elazar alondo na li ti hoto ni si ala zu.

Ahebro 7:26

Mara ti kota wayango-sandaga so alingbi fade na e laa. Lo yeke nde si lo yeke nzoni kue, tënë ayeke na li ti lo oko pepe, lo sara siokpari oko pepe; lo kangbi na azo ti siokpari, Nzapa amu lo si azia lo na yayu kâ na ndö ti aye kue.