Sigingo 29:3 - Mbeti ti Nzapa - Tënë so amu fini

³ Fade mo yeke zia aye ni kue na ya ti mbeni sakpa si mo mu sakpa ni, na koli-bagara ni nga na akoli-taba ni use kue, mo ga na ni na dawa ti mbi.

Sigingo 29:3 ပူးပေါင်းရင်းမြစ်များ

Sigingo 29:2

mo yeke mu farini ti *ble, mo sara na mapa so a sara na mama ni pepe, na agatoo so a sara na mafuta si mama ni ayeke daa pepe nga na makara so a sara na mama ni pepe si a kpaka mafuta na tere ni.

Sigingo 29:4

“Fade mo yeke mu Aaron na amolenge ti lo, mo ga na ala na yanga ti da ti bongo so Nzapa na azo ti lo ayeke wara tere daa si mo yeke sukula ala na ngu.

Awayango-sandaga 8:2

“Mu Aaron na amolenge ti lo, na abongo so a zia nde ndali ti Nzapa, na mafuta ti tukungo na li ti zo ti zia lo nde, na koli-bagara so a yeke mu na *sandaga ndali ti zingo siokpari na li ti zo, na akoli-taba use nga na sakpa ti mapa so a sara na mama ni pepe.

Awayango-sandaga 8:26

Na ya ti sakpa ti mapa so a sara na mama ni pepe si ayeke na dawa ti KOTA GBIA, lo mu gatoo oko so a sara na mama ni pepe, na mbeni gatoo so a sara na mafuta nga na makara oko; lo zia ni na ndö ti akasa so mafuta ayeke daa mingi nga na ndö ti gere ti nyama ni ti mbage ti koli.

Awayango-sandaga 8:31

Moïse atene na Aaron na amolenge ti lo: “Ala to kasa ti nyama ni na yanga ti da ti bongo so KOTA GBIA na azo ti lo ayeke wara tere daa. Gi na ndo so, fade ala yeke te ni na mapa so a sara ndali ti matanga ni, alingbi na yanga so mbi KOTA GBIA, mbi mu na ala.

Wungo ti azo 6:17

Ti koli-taba ni, lo yeke mu na sandaga ti beoko na KOTA GBIA; lo yeke bongbi ni na sakpa ti mapa so a sara na mama ni pepe. Na ndoni, lo yeke mu sandaga ti farini nga na sandaga ti samba.