Sigingo 29:22 - Mbeti ti Nzapa - Tënë so amu fini

²² Sandaga ti koli-taba so laa ayeke fa atene, amolenge ti Aaron ali na kua ti awayango-sandaga awe. Mo yeke mu damba ti nyama ni, mafuta so ayeke na tere ti akamba ti ya ti lo, mafuta so ayeke na tere ti be ni, aronyon use na mafuta so ayeke na tere ni nga na gere ti nyama ni ti mbage ti koli.

Sigingo 29:22 ပူးပေါင်းရင်းမြစ်များ

Sigingo 29:13

Mo yeke mu mafuta so kue ayeke na tere ti akamba ti ya ti nyama ni, na mafuta so ayeke na tere ti be ni nga na aronyon use na mafuta so ayeke na tere ni, mo gbi kue na wâ na ndö ti gbalaka ni.

Sigingo 29:21

Mo yeke mu mene ni kete so ayeke na ndö ti gbalaka, mo yeke mu nga mafuta ti tukungo na li ti zo, mo fi na tere ti Aaron nga na tere ti abongo ti lo; mo fi nga na tere ti amolenge ti lo nga na tere ti abongo ti ala. Tongaso, Aaron na amolenge ti lo, na abongo ti ala ayeke ga ye so a zia nde ndali ti Nzapa.

Sigingo 29:23

Na ya ti sakpa ti mapa so a sara na mama ni pepe si a zia na dawa ti mbi KOTA GBIA, mo yeke mu mapa oko, gatoo oko so a sara na mafuta nga na makara oko.

Awayango-sandaga 10:14

Kate ti anyama ni, na gere ni so a zi ni si azo ti Israel aya na nduzu na sandaga ti beoko ti fa atene, a mu na KOTA GBIA so, fade mo na amolenge ti mo ti koli nga na ala ti wali ayeke te ni na mbeni ndo so ayeke *nzoni. Biani, a mu ni titene aga ye ti mo na ti amolenge ti mo.

Awayango-sandaga 14:12

Wayango-sandaga ayeke mu mbeni kete taba ni oko, na ndambo ti litere ti mafuta ti ya na sandaga ti lekengo tënë. Wayango-sandaga ayeke ya aye ni na nduzu ti fa atene, lo mu na KOTA GBIA.

Awayango-sandaga 3:9

Lege so lo yeke mu sandaga ti beoko ti akasa so mafuta ayeke daa mingi ayeke so: damba ni kue so lo yeke zi ni na tere ti abio ti peko ti nyama ni, na mafuta so ayeke na tere ti akamba ti ya ti nyama ni; lo yeke gbi ni kue na wâ ndali ti KOTA GBIA;

Awayango-sandaga 7:3

Wayango-sandaga ayeke mu na KOTA GBIA akasa so mafuta ayeke daa mingi: damba ni, mafuta so ayeke na tere ti akamba ti ya ti nyama ni,

Awayango-sandaga 7:37

So ayeke andia ndali ti sandaga so a yeke gbi ni kue na wâ, sandaga ti ale ti kobe, sandaga ti zingo siokpari na li ti zo, sandaga ti lekengo tënë, sandaga ti ziango kua na maboko ti ala nga na sandaga ti beoko laa.

Awayango-sandaga 9:19

Ala mu nga na lo akasa ti koli-ngasa na ti koli-taba so mafuta ayeke daa mingi, so ti tene damba ni, mafuta so ayeke na tere ti akamba ti ya ti anyama ni, aronyon ni nga na mafuta so ayeke na tere ti be ni.

Awayango-sandaga 9:21

Aaron amu akate ti anyama ni na agere ni ti mbage ti koli, lo ya ni na nduzu ti fa atene, lo mu na KOTA GBIA, alingbi na yanga so Moïse amu.

Wungo ti azo 18:18

Kasa ti anyama so kue ayeke ga ti ala tongana ti so ala yeke wara ka kate na gere ti nyama ti mbage ti maboko ti koli; nyama so a yeke ga na lo ti ya lo na nduzu ndali ti sandaga ti beoko.

1 Samuel 9:24

Zo ti tongo kobe ni aga na ngbongboro gere ti nyama nga na damba ni, lo zia na gbe ti Saul. Samuel atene: “Tanga ti kobe ni laa. Na lango so mbi tisa azo so, mbi bata ni ndali ti mo, mu ni mo te.” Na lango ni so, Saul na Samuel ate kobe.