Sigingo 29:20 - Mbeti ti Nzapa - Tënë so amu fini

²⁰ Mo yeke fâ go ti taba ni, mo mu mene ni, mo zia na tere ti mê ti Aaron ti mbage ti koli; mo zia nga na tere ti mê ti amolenge ti lo, na ndö ti kota li ti maboko ti ala ti mbage ti koli nga na ndö ti kota li ti gere ti ala ti mbage ti koli. Na pekoni, mo yeke fi mene ni na tere ti gbalaka ni, angoro ni kue.

Sigingo 29:20 ပူးပေါင်းရင်းမြစ်များ

Sigingo 29:19

“Na pekoni, fade mo yeke mu use koli-taba ni. Aaron na amolenge ti lo ayeke zia maboko ti ala na li ti taba ni.

Sigingo 29:21

Mo yeke mu mene ni kete so ayeke na ndö ti gbalaka, mo yeke mu nga mafuta ti tukungo na li ti zo, mo fi na tere ti Aaron nga na tere ti abongo ti lo; mo fi nga na tere ti amolenge ti lo nga na tere ti abongo ti ala. Tongaso, Aaron na amolenge ti lo, na abongo ti ala ayeke ga ye so a zia nde ndali ti Nzapa.

Ésaïe 50:5

Kota Gbia NZAPA azi mê ti mbi, mbi sara ngangu li pepe, mbi kiri na peko pepe.

Ésaïe 52:15

Me fadeso, li ti azo ti mara mingi akpe ndali ti lo, tënë ahunzi na yanga ti agbia. Biani, ye so a tene ando tënë ni na ala pepe, ni laa ala yeke baa ni; ye so ala ma ando tënë ni pepe, ni laa ala yeke baa ni.”

Awayango-sandaga 14:14

Wayango-sandaga ayeke mu mene ti nyama ni, lo zia na tere ti mê ti zo ni ti mbage ti koli; lo zia nga na ndö ti kota li ti maboko ti zo ni ti mbage ti koli nga na ndö ti kota li ti gere ti lo ti mbage ti koli.

Awayango-sandaga 14:16

lo yeke yoro kozo li ti maboko ti lo ti mbage ti koli na ya ti mafuta so ayeke na ya ti maboko ti lo ti mbage ti wali so si lo yeke fi ni fani mbarambara na dawa ti KOTA GBIA.

Awayango-sandaga 14:17

Na pekoni, tanga ti mafuta so angba na ya ti maboko ti wayango-sandaga so, lo yeke zia mbeni na tere ti mê ti zo so aga titene *a sukula asioni ti lo; lo yeke zia nga mbeni na ndö ti kota li ti maboko ti zo ni ti mbage ti koli, nga na ndö ti kota li ti gere ti lo ti mbage ti koli. Lo yeke zia mafuta ni na ndö ti mene so zo ni amu na sandaga ti lekengo tënë so.

Awayango-sandaga 14:25

Lo yeke fâ go ti kete taba ni. Na pekoni, lo yeke mu mene ni, lo zia na tere ti mê ti zo ni ti mbage ti koli; lo zia na ndö ti kota li ti maboko ti lo ti maboko ti koli nga na ndö ti kota li ti gere ti lo ti mbage ti koli.

Awayango-sandaga 14:28

Wayango-sandaga ayeke zia mafuta ni na tere ti mê ti zo ni ti mbage ti koli; lo yeke zia ni na ndö ti kota li ti maboko ti zo ni ti mbage ti koli na ndö ti kota li ti gere ti lo ti mbage ti koli. Lo yeke zia ni na ndo so lo zia fade mene ti kete taba ni daa so.

Awayango-sandaga 14:7

Lo yeke fi mene ni fani mbarambara na tere ti zo so aga titene a sukula lo ndali ti kobela ti lo. Lo yeke fa atene, zo ni aga *nzoni awe. Na pekoni, lo yeke zi ndeke so angba na fini so ti huru ti hon na ngonda.

Awayango-sandaga 16:19

Lo yeke yoro li ti maboko ti lo na ya ti mene ni si lo yeke fi ni na tere ti gbalaka ni fani mbarambara; lo yeke sara tongaso ti zi *sioni na tere ti gbalaka ni si lo yeke zia ni nde ndali ti Nzapa.

Awayango-sandaga 8:23

Moïse afâ go ti taba ni, lo mu mene ni si lo zia na tere ti mê ti Aaron ti mbage ti koli; lo zia ni na ndö ti kota li ti maboko ti lo ti mbage ti koli nga na ndö ti kota li ti gere ti lo ti mbage ti koli.

Awayango-sandaga 8:24

Lo ga na amolenge ti Aaron; lo mu mene ni, lo zia na tere ti mê ti ala ti mbage ti koli; lo zia ni na ndö ti kota li ti maboko ti ala ti mbage ti koli nga na ndö ti kota li ti gere ti ala ti mbage ti koli. Na pekoni, Moïse afi tanga ti mene ni na tere ti gbalaka ni, angoro ni kue.

Marc 7:33

Tongaso Jésus amu lo gi lo oko, ague na lo yongoro na tere ti azo. Lo yoro ali ti maboko ti lo na ya ti mê ti koli ni, lo tuku ngu ti yanga ti lo si lo ndu na menga ti koli ni.

Ahebro 10:22

Tongaso, e ga nduru na Nzapa na be ti e oko nga na be so asi singo na mabe, be so e hinga, e tene, a *sukula asioni kue daa awe na tere so a sukula ni awe na mbeni nzoni ngu.

Ahebro 12:24

Ala ga nduru na Jésus awe, lo so lo leke tënë ti fini *mbuki; ala ga nduru awe na mene ti Jésus so atuku ndali ti azo si ayeke tene nzoni tënë ahon mene ti Abel.

1 Pierre 1:2

Nzapa Babâ asoro ala tongana ti so lo leke na be ti lo kozoni; lo sara si ala ga azo so ayeke nde si ayeke nzoni kue na lege ti Yingo ti lo, tongaso si ala ma yanga ti Jésus Christ, tongaso nga si lo *sukula asioni ti ala na mene ti lo. Ayeke nzoni Nzapa asara nzoni be mingi na ala si lo mu na ala siriri ahon ndoni!