Sigingo 29:17 - Mbeti ti Nzapa - Tënë so amu fini

¹⁷ Mo yeke doroko nyama ni; mo yeke sukula akamba ti ya ti nyama ni na agere ni si mo yeke zia ni na ndö ti akasa ni nga na ndö ti li ti nyama ni.

Sigingo 29:17 ပူးပေါင်းရင်းမြစ်များ

Sigingo 12:9

Ala yeke te kasa ni na fini ni pepe, wala ala to ni tongo pepe. Me ala yeke zö nyama ni zongo, ala yeke te li ni, na agere ni nga na ya ni kue.

Sigingo 29:16

Mo yeke fâ go ti taba ni, mo mu mene ni, mo fi na tere ti gbalaka ni, angoro ni kue.

Sigingo 29:18

Mo yeke gbi koli-taba ni kue na wâ na ndö ti gbalaka. So ayeke *sandaga so a gbi ni kue na wâ ndali ti mbi KOTA GBIA, sandaga so a gbi ni kue na wâ si fion ni anzere na mbi KOTA GBIA.

Jérémie 4:14

“Jérusalem, tongana mo ye titene a soo mo, ayeke nzoni mo *sukula sioni na be ti mo. Sioni tënë ayeke ngba ande na be ti mo ngbii asi lawa?

Awayango-sandaga 1:13

Zo ni ayeke sukula ya ti nyama ni na agere ni. Na pekoni, wayango-sandaga ayeke ya ni na KOTA GBIA si lo yeke gbi ni kue na ndö ti gbalaka. So ayeke sandaga so a gbi ni kue na wâ titene fion ni anzere na KOTA GBIA.

Awayango-sandaga 1:9

Zo ni ayeke sukula akamba ti ya ti nyama ni na agere ti nyama ni. Na pekoni, wayango-sandaga ayeke zö aye ni kue na ndö ti gbalaka. So ayeke sandaga so a gbi ni kue na wâ titene fion ni anzere na KOTA GBIA.

Awayango-sandaga 8:21

Lo sukula akamba ti ya ti nyama ni na agere ni; lo zö nyama ni kue na ndö ti gbalaka ti mu na sandaga so a yeke gbi ni kue na wâ, alingbi na yanga so KOTA GBIA amu na Moïse; so ayeke sandaga so fion ni anzere na KOTA GBIA.

Awayango-sandaga 9:14

Lo sukula ya ti nyama ni nga na agere ni, lo bongbi ni na sandaga so a yeke gbi ni kue na wâ si lo zö ni na ndö ti gbalaka.

Matthieu 23:26

Mo farizien, so mo yeke waziba so! Sukula ya ti kopo ti mo kozoni si fade peko ni nga avuru!