Sigingo 29:14 - Mbeti ti Nzapa - Tënë so amu fini

¹⁴ Me kasa ti koli-bagara ni, poro ti lo na puru ti lo, mo yeke gbi ni yongoro na tere ti bâbâ. So ayeke sandaga ndali ti zingo siokpari na li ti awayango-sandaga laa.

Sigingo 29:14 ပူးပေါင်းရင်းမြစ်များ

2 Mbai 29:24

Awayango-sandaga afâ go ti akoli-ngasa ni, ala tuku mene ni na ndö ti gbalaka ni ti zi siokpari na li ti azo ti Israel kue. Gbia wani laa amu yanga titene a mu amara ti sandaga use so ndali ti zingo siokpari na li ti azo ti Israel kue.

Esdras 8:35

Azo so a gbu ala lani, a gue na ala na kodro wande si ala kiri so, ala mu *asandaga so a yeke gbi ni kue na wâ na Nzapa ti Israel: ala mu na lo akoli-bagara baleoko na use ndali ti azo ti Israel kue, akoli-taba balegumbaya na omene, amolenge ti taba balembarambara na mbarambara. Ala mu nga akoli-ngasa baleoko na use ndali ti zingo siokpari na li ti ala wani. Ala mu anyama so kue na sandaga so a yeke gbi ni kue na wâ ndali ti *KOTA GBIA.

Sigingo 30:10

Fani oko na ya ti ngu oko, fade Aaron ayeke zi siokpari na tere ti gbalaka ni. Lo yeke zia mene na ndö ti adidi ti gbalaka ni; mene ti nyama so a ya na sandaga ti zi siokpari na li ti azo. Na peko ti ngu oko oko, lo yeke kiri ti sara gi mara ti ye so, ngu na ngu. Gbalaka so ayeke duti nde si ayeke duti nzoni kue ahon atanga ni ndali ti mbi KOTA GBIA.”

Ezekiel 43:21

Na pekoni, koli-bagara so a mu na sandaga ndali ti siokpari so, fade mo yeke sara si a gue, agbi ni na mbeni ndo so a leke ndali ni, na gigi ti da so ayeke nde si ayeke nzoni kue.

Awayango-sandaga 16:11

“Aaron ayeke ya koli-bagara ni na sandaga ndali ti siokpari ti lo wani. Lo yeke sara titene a zi siokpari na li ti lo wani nga na li ti asewa ti lo. Na peko ti so lo fâ go ti koli-bagara ni ti mu na sandaga ndali ti zingo siokpari awe,

Awayango-sandaga 16:27

Koli-bagara na koli-ngasa so ala mu na sandaga ndali ti zingo siokpari na li ti ala, ala so a gue na mene ti ala na ndo so ayeke nde si ayeke nzoni kue ahon atanga ni ti sara titene Nzapa asukula *sioni ti ndo ni, ala sigigi na anyama ni na ya ti bâbâ, ala gbi ala kue na poro ti ala, na kasa ti ala nga na puru ti ala.

Awayango-sandaga 16:3

“Titene Aaron ali na ya ti da so ayeke nde si ayeke nzoni kue, alingbi lo mu aye tongaso: koli-bagara oko ndali ti *sandaga ti zingo siokpari na li ti lo nga na koli-taba oko ndali ti sandaga so ayeke gbi ni kue na wâ.

Awayango-sandaga 4:21

Lo yeke gue na koli-bagara ni na peko ti bâbâ si lo yeke gbi ni tongana ti so lo gbi na kozo koli-bagara ni. So ayeke sandaga so bongbi ti azo ti Israel amu ndali ti zingo siokpari na li ti ala laa.”

Awayango-sandaga 4:25

Wayango-sandaga ayeke yoro li ti maboko ti lo na ya ti mene ti koli-ngasa ni si lo yeke zia na tere ti adidi ti gbalaka so a yeke ya na ndö ni sandaga so a yeke gbi ni kue na wâ. Na pekoni, lo yeke tuku tanga ti mene ni na gere ti gbalaka ni.

Awayango-sandaga 4:29

Lo yeke zia maboko ti lo na li ti nyama ni si lo yeke fâ go ti nyama ni na ndo so a yeke fâ ka go ti anyama ti *asandaga so a yeke gbi ni kue na wâ daa.

Awayango-sandaga 4:3

“Tongana kota wayango-sandaga laa asara siokpari si ndali ti siokpari ti lo tënë aga na li ti azo, alingbi lo ya na KOTA GBIA *sandaga ti koli-bagara so mbeni mbage ti tere ti lo abuba pepe ndali ti zingo siokpari na li ti lo.

Awayango-sandaga 4:32

“Tongana taba laa lo ye ti mu na sandaga ndali ti siokpari ti lo, alingbi lo gue na mama ti taba so mbeni mbage ti tere ti lo abuba pepe.

Awayango-sandaga 5:6

Na pekoni, zo ni ayeke ga na mama ti taba wala mama ti ngasa ti mu na *sandaga na KOTA GBIA ndali ti siokpari ti lo ni. Tongaso wayango-sandaga ayeke ya nyama ni na sandaga titene Nzapa azi siokpari na li ti zo ni.”

Awayango-sandaga 5:8

Zo ni ayeke mu andeke ni na wayango-sandaga. Kozoni, wayango-sandaga ayeke ya na KOTA GBIA ndeke so zo ni aga na ni ndali ti zingo siokpari na ti lo so. Wayango-sandaga ayeke kungbi go ti ndeke ni, me lo yeke zi li ti ndeke ni zingo daa pepe.

Awayango-sandaga 8:17

Me tanga ti nyama ni, poro ni, na puru ni, lo gbi ni yongoro na tere ti bâbâ, alingbi na yanga so KOTA GBIA amu na Moïse.

Awayango-sandaga 9:2

Lo tene na Aaron: “Mu mbeni kete bagara so mo yeke ya na *sandaga ndali ti zingo siokpari na li ti azo; mo mu nga mbeni koli-taba ti ya na sandaga so a yeke gbi ni kue na wâ. Alingbi anyama ni use kue, mbeni mbage ti tere ti ala abuba pepe. Fade mo yeke ya ala na KOTA GBIA.

Malashii 2:3

Baa, mbi yeke suku na *ahale ti ala. Me ti ala awayango-sandaga, mbi yeke tuku puru na le ti ala, puru ti anyama so ala fâ ti mu na mbi na *sandaga so. Fade a yeke mu ala na puru ni kue ti hon na ala.

Wungo ti azo 19:5

Gi na dawa ti Elazar, a yeke gbi bagara ni kue; a yeke gbi poro ni, kasa ni, mene ni nga na puru ti ya ti bagara ni kue.

Wungo ti azo 7:16

Lo mu koli-ngasa oko ndali ti sandaga ti zingo siokpari na li ti zo.