Sigingo 29:13 - Mbeti ti Nzapa - Tënë so amu fini

¹³ Mo yeke mu mafuta so kue ayeke na tere ti akamba ti ya ti nyama ni, na mafuta so ayeke na tere ti be ni nga na aronyon use na mafuta so ayeke na tere ni, mo gbi kue na wâ na ndö ti gbalaka ni.

Sigingo 29:13 ပူးပေါင်းရင်းမြစ်များ

Abia (Psaumes) 22:14

Ala yeke tongana abamara so ayeke toto, ala zi yanga ti ala na tere ti mbi si ala ye ti suru ya ti mbi surungo.

Sigingo 12:9

Ala yeke te kasa ni na fini ni pepe, wala ala to ni tongo pepe. Me ala yeke zö nyama ni zongo, ala yeke te li ni, na agere ni nga na ya ni kue.

Sigingo 29:18

Mo yeke gbi koli-taba ni kue na wâ na ndö ti gbalaka. So ayeke *sandaga so a gbi ni kue na wâ ndali ti mbi KOTA GBIA, sandaga so a gbi ni kue na wâ si fion ni anzere na mbi KOTA GBIA.

Sigingo 29:22

Sandaga ti koli-taba so laa ayeke fa atene, amolenge ti Aaron ali na kua ti awayango-sandaga awe. Mo yeke mu damba ti nyama ni, mafuta so ayeke na tere ti akamba ti ya ti lo, mafuta so ayeke na tere ti be ni, aronyon use na mafuta so ayeke na tere ni nga na gere ti nyama ni ti mbage ti koli.

Sigingo 29:25

Na pekoni, mo yeke kiri ti mu aye ni na maboko ti ala si mo yeke gbi ni na wâ na ndö ti gbalaka; mo yeke bongbi ni na sandaga so a yeke gbi ni kue na wâ. So ayeke sandaga so fion ni anzere na mbi KOTA GBIA, sandaga so a gbi ni kue na wâ ndali ti mbi KOTA GBIA.

Ésaïe 1:11

KOTA GBIA atene: “Gba ti *asandaga ti ala so, mbi yeke sara na ni nyen? Akoli-taba so ala mu na sandaga so a yeke gbi ni kue na wâ nga na mafuta ti akete bagara afun sen awe. Mene ti akoli-bagara, ti ataba na ti akoli-ngasa anzere na be ti mbi oko pepe.

Ésaïe 34:6

Mene amu tere ti yongoro zeme ti KOTA GBIA kue, mafuta amu tere ni kue, mo baa mo tene, mene ti akete taba na ti akoli-ngasa, mo baa mo tene, mafuta ti ya ti akoli-taba. Na Bosra, li-kodro ni, a mu *sandaga na KOTA GBIA. Na kodro ti Edom, a fâ azo kue.

Ésaïe 43:24

Ndali ti mbi laa mo vo pere ti yombo ti kota ngere so pepe, ndali ti mbi laa mo zö mafuta ti anyama ti mo titene ya ti mbi asi na ni pepe. Me na lege ti siokpari ti mo, mo gbu mbi ti ga ngbaa ti mo; mo woko mbi na lege ti asioni ti mo.

Awayango-sandaga 1:15

Wayango-sandaga ayeke ga na ndeke ni na dawa ti gbalaka; lo yeke zi li ti ndeke ni si lo yeke zö ni na ndö ti gbalaka. Na pekoni, lo yeke yuru mene ni na tere ti gbalaka ni.

Awayango-sandaga 1:9

Zo ni ayeke sukula akamba ti ya ti nyama ni na agere ti nyama ni. Na pekoni, wayango-sandaga ayeke zö aye ni kue na ndö ti gbalaka. So ayeke sandaga so a gbi ni kue na wâ titene fion ni anzere na KOTA GBIA.

Awayango-sandaga 16:25

Lo yeke mu kasa ti mafuta ti anyama so azo aga na ni, lo yeke gbi ni na ndö ti gbalaka ndali ti siokpari ti azo ni.

Awayango-sandaga 17:6

Wayango-sandaga ayeke fi mene ni na tere ti gbalaka so ayeke na yanga ti da ti bongo so KOTA GBIA na azo ti lo ayeke wara tere daa. Na pekoni, lo yeke gbi akasa ti mafuta ni na ndö ti gbalaka titene fion ni anzere na KOTA GBIA.

Awayango-sandaga 4:26

Lo yeke zi akasa so kue mafuta ayeke daa mingi si lo yeke zö ni na ndö ti gbalaka tongana ti so a yeke sara ndali ti sandaga ti beoko. Tongana wayango-sandaga asara aye ni so kue na tere ti makonzi ni titene Nzapa azi siokpari na li ti lo, Nzapa azi siokpari ni awe.”

Awayango-sandaga 4:31

Lo yeke zi akasa so kue mafuta ayeke daa mingi tongana ti so a yeke sara ndali ti sandaga ti beoko. Wayango-sandaga ayeke zö aye ni so na ndö ti gbalaka titene fion ni anzere na KOTA GBIA. Tongana wayango-sandaga asara aye ni so kue na tere ti senge zo ti kodro ni titene Nzapa azi siokpari na li ti lo, Nzapa azi siokpari ni awe.

Awayango-sandaga 4:35

Lo yeke zi akasa so kue mafuta ayeke daa mingi tongana ti so a yeke sara ndali ti taba ti sandaga ti beoko. Wayango-sandaga ayeke zö aye ni so na ndö ti gbalaka titene fion ni anzere na KOTA GBIA. Tongana wayango-sandaga asara aye ni so kue na tere ti senge zo ti kodro ni titene Nzapa azi siokpari na li ti lo, Nzapa azi siokpari ni awe.”

Awayango-sandaga 6:12

KOTA GBIA atene na Moïse:

Awayango-sandaga 7:3

Wayango-sandaga ayeke mu na KOTA GBIA akasa so mafuta ayeke daa mingi: damba ni, mafuta so ayeke na tere ti akamba ti ya ti nyama ni,

Awayango-sandaga 7:31

Wayango-sandaga ayeke zö akasa so mafuta ayeke daa mingi so na ndö ti gbalaka. Ti kate ti nyama ni ayeke ga ti Aaron na amolenge ti lo.

Awayango-sandaga 7:4

aronyon use na mafuta so ayeke na tere ti aronyon ni, na mafuta so ayeke na tere ti ngbonda ti nyama ni nga na mafuta so ayeke na tere ti be ni na aye so ayeke na tere ni; lo yeke zi ni na aronyon ni.

Awayango-sandaga 8:16

Moïse amu mafuta so kue ayeke na tere ti akamba ti ya ti nyama ni, na mafuta so ayeke na tere ti be ni nga na aronyon use na mafuta so ayeke na tere ni, lo zö ni kue na wâ na ndö ti gbalaka ni.

Awayango-sandaga 8:25

Moïse amu akasa ti koli-taba ni so mafuta ayeke daa mingi: damba ni, mafuta so ayeke na tere ti ya ti nyama ni, na mafuta so ayeke na tere ti be ni, aronyon use na mafuta so ayeke na tere ni nga na gere ti nyama ni ti mbage ti koli.

Awayango-sandaga 9:10

Mafuta ti nyama ni, na aronyon ni nga na mafuta so ayeke na tere ti be ni, lo zia na ndö ti gbalaka si lo zö ni kue na wâ, alingbi na yanga so KOTA GBIA amu na Moïse.

Awayango-sandaga 9:19

Ala mu nga na lo akasa ti koli-ngasa na ti koli-taba so mafuta ayeke daa mingi, so ti tene damba ni, mafuta so ayeke na tere ti akamba ti ya ti anyama ni, aronyon ni nga na mafuta so ayeke na tere ti be ni.

Wungo ti azo 18:17

Me ti akozo molenge ti bagara, ti taba na ti ngasa, fade mo yeke yeda titene a futa mbeni ye ndali ti ala pepe, ngbanga ti so a zia ala nde ndali ti mbi awe. Ala yeke fi mene ti ala na ndö ti gbalaka, ala yeke gbi na wâ mafuta ti ala titene fion ni anzere na mbi.

1 Samuel 2:16

Tongana zo ti mungo sandaga ni atene na lo: “Mo ku a gbi mafuta ni na ndö ti gbalaka kozoni si. Na pekoni, fade mo yeke mu ye so kue be ti mo aye.” Zo ti kua ti wayango-sandaga ni atene: “Mbi ke awe! Mu na mbi kasa ni fafadeso. Tongaso pepe, mbi yeke mu ni na ngangu.”