Sigingo 29:11 - Mbeti ti Nzapa - Tënë so amu fini

¹¹ Mo yeke fâ go ti koli-bagara ni na dawa ti mbi KOTA GBIA, na yanga ti da ti bongo so mbi na azo ti mbi e yeke wara tere daa.

Sigingo 29:11 ပူးပေါင်းရင်းမြစ်များ

Sigingo 29:10

“Fade mo yeke ga na koli-bagara ni na yanga ti da ti bongo so Nzapa na azo ti lo ayeke wara tere daa. Aaron na amolenge ti lo ayeke zia maboko ti ala na li ti koli-bagara ni.

Sigingo 29:12

Mo yeke mu mene ti koli-bagara ni, na li ti maboko ti mo, mo yeke zia ni na ndö ti adidi ti gbalaka. Na pekoni, mo yeke tuku tanga ti mene ni kue na gere ti gbalaka ni.

Sigingo 29:4

“Fade mo yeke mu Aaron na amolenge ti lo, mo ga na ala na yanga ti da ti bongo so Nzapa na azo ti lo ayeke wara tere daa si mo yeke sukula ala na ngu.

Awayango-sandaga 14:13

Wayango-sandaga ayeke fâ go ti kete taba ni na ndo so a yeke fâ ka go ti anyama so a yeke mu na sandaga ndali ti siokpari nga na sandaga so a yeke gbi ni kue na wâ; lo yeke fâ go ti nyama ni na ndo so a zia nde. Biani, sandaga ndali ti lekengo tënë na sandaga ndali ti siokpari ayeke ga ti wayango-sandaga; so ayeke ye so ayeke nde si ayeke nzoni kue ahon atanga ni.

Awayango-sandaga 3:2

Zo ni ayeke zia maboko ti lo na li ti nyama ni si lo yeke fâ go ti lo na yanga ti da ti bongo so KOTA GBIA na azo ti lo ayeke wara tere daa. Awayango-sandaga, amolenge ti Aaron ayeke fi mene ni na tere ti gbalaka, angoro ni kue.

Awayango-sandaga 4:4

Kota wayango-sandaga ni ayeke gue na nyama ni na dawa ti KOTA GBIA, na yanga ti da ti bongo so KOTA GBIA na azo ti lo ayeke wara tere daa. Lo yeke zia maboko ti lo na li ti nyama ni si lo yeke fâ go ti nyama ni na ndo so.

Awayango-sandaga 8:15

Moïse afâ go ti koli-bagara ni, lo yoro li ti maboko ti lo na ya ti mene ni si lo sara na tere ti adidi so ayeke na andangoro ti gbalaka titene aga *nzoni. Na pekoni, lo tuku tanga ti mene ni na gere ti gbalaka ni ti zia ni nde ndali ti Nzapa; tongaso si aga ye so Nzapa ayeke mu ti zi na siokpari na li ti azo.

Awayango-sandaga 9:12

Aaron afâ go ti koli-taba so a mu na sandaga so a yeke gbi ni kue na wâ. Amolenge ti lo amu na lo mene ni, lo fi na tere ti gbalaka ni, angoro ni kue.

Awayango-sandaga 9:8

Aaron aga nduru na tere ti gbalaka si lo fâ go ti kete bagara so lo mu na sandaga ndali ti zingo siokpari na li ti lo wani.