Sigingo 28:40 - Mbeti ti Nzapa - Tënë so amu fini

⁴⁰ “Ti amolenge ti Aaron, fade ala yeke fu abongo, akamba ti ndö ti bongo nga na akpoto na ala; abongo ni ayeke lingbi na gonda ti ala nga na nengo ti ala.

Sigingo 28:40 ပူးပေါင်းရင်းမြစ်များ

Sigingo 28:2

Fade mo yeke mu yanga titene a fu abongo ti awayango-sandaga ndali ita ti mo Aaron. Ayeke nzoni abongo ni alingbi na gonda ti lo nga na nengo ti lo.

Sigingo 28:4

Abongo so ala yeke fu ayeke so: bozo, *efod, kaba, yongoro bongo ti gbeni so a sara apendere nzoroko na tere ni, bongo so a yeke kanga na li tongana kpoto nga na kamba ti ndö ti bongo. Ita ti mo Aaron na amolenge ti lo ayeke yu abongo ni titene ala sara kua na mbi tongana awayango-sandaga.

Sigingo 29:8

Fade mo yeke mu amolenge ti Aaron, mo ga na ala si mo yeke yu ti ala abongo ni na ala.

Sigingo 29:9

Mo yeke kanga kamba na ndö ti bongo ti Aaron na amolenge ti lo. Mo yeke zia kpoto na li ti ala ti fa atene, kua ti wayango-sandaga aga ti ala kpu na kpu. “Lege so mo yeke zia Aaron na amolenge ti lo ti to nda ti kua ti ala laa.

Sigingo 39:41

– abongo ti awayango-sandaga titene ala sara na kua na ndo so ayeke nde si ayeke nzoni kue; – abongo so a zia nde ndali ti wayango-sandaga Aaron, na abongo so amolenge ti lo ayeke yu ti sara na kua ti wayango-sandaga.

Ésaïe 52:1

*Sion, zingo, zingo hio si! Mo fa ngangu ti mo! Jérusalem, gbata so ayeke nde si ayeke nzoni kue, yu apendere bongo ti mo! Biani, azo so afâ *ganza pepe nga na azo so aga *sioni awe ayeke kiri ti si na ndo ti mo pepe.

Awayango-sandaga 16:24

Lo yeke sukula ngu na mbeni ndo so ayeke nde si ayeke nzoni kue, lo yeke yu ambeni bongo nde. Lo yeke sigigi si lo yeke ya na KOTA GBIA sandaga so a yeke gbi ni kue na wâ ndali ti lo wani nga ndali ti azo ni kue. Na pekoni, lo yeke sara titene a zi siokpari na li ti lo wani nga na li ti azo ni.

Awayango-sandaga 8:13

Na pekoni, Moïse aga na amolenge ti Aaron; lo yu na ala akota bongo, lo kanga kamba na ndö ti abongo ni, lo zia kpoto na li ti ala alingbi na yanga so KOTA GBIA amu.

Tite 2:10

ala nzi nga ye ti awa ti ala ni pepe. Lakue ala sara ye titene awa ti ala alingbi ti zia be ti ala na ndö ti ala. So laa ayeke sara titene azo ane tënë so e yeke fa si alondo na Nzapa, Wasongo e.

Tite 2:7

ala sara tongaso na ya ti aye kue. Mo nga, mo duti tapande na lege ti sarango anzoni ye: mo fa ye na azo na legeni mbirimbiri, mo ne tere ti mo.

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”