Sigingo 28:36 - Mbeti ti Nzapa - Tënë so amu fini

³⁶ “Fade ala yeke mu lôro ti nzoni ni, ala leke na mbeni palata so akpa kongo, ala yeke kpaka na ndö ni mbeni tënë tongaso: ‘Ye so a zia nde ndali ti KOTA GBIA.’

Sigingo 28:36 ပူးပေါင်းရင်းမြစ်များ

1 Mbai 23:13

Amolenge ti Amram ayeke Aaron na Moïse. A zia Aaron nde, lo na *ahale ti lo titene ala sara kua na ndo so ayeke nde si ayeke nzoni kue ahon atanga ni kpu na kpu. Kua ti ala ayeke ti zö dukani na dawa ti KOTA GBIA, ti sara kua ti Nzapa na ti sara tufa na ndö ti azo na iri ti KOTA GBIA kpu na kpu.

Abia (Psaumes) 93:5

Ambela ti mo ayeke taa-tënë biani. KOTA GBIA, ayeke nzoni kota da ti mo aduti da so ayeke nde si ayeke nzoni kue kpu na kpu!

Sigingo 19:6

Me ti ala, ala yeke duti ande kodro-gbia ti awayango-sandaga ndali ti mbi; ala yeke ga mara so ayeke nde si ayeke nzoni kue.’ Baa, tënë so fade mo yeke tene na azo ti Israel laa.”

Sigingo 28:11

Tongana ti so zo ti sarango ye na kode ayeke kpaka iri na ndö ti atêne, mo yeke kpaka iri ti amolenge ni na ndö ti atêne use so tongana ti so a yeke kpaka iri ti zo na ndö ti *ye ti kpongo na nzoroko. Na pekoni, mo yeke zia atêne ni na ya ti akadere use ti lôro.

Sigingo 28:35

Fade Aaron ayeke yu bongo ni so na ndembe so lo yeke sara kua ti wayango-sandaga. Tongana lo yeke li na ya ti da so ayeke nde si ayeke nzoni kue na le ti mbi KOTA GBIA, fade azo ayeke ma toto ti aye so atoto ngrengre so, wala tongana lo yeke sigigi na ya ti da ni, fade azo ayeke ma nga toto ni. Tongaso si lo kui pepe.

Sigingo 28:37

Ala yeke mu kamba so nzoroko ni akpa le ti nduzu, ala kanga na palata ni na ndö ti bongo so a yeke kanga na li tongana kpoto, na dawa ni.

Sigingo 28:9

Fade mo yeke mu atêne ti kornaline use si mo yeke kpaka iri ti amolenge ti Jacob na ndö ni.

Sigingo 29:6

Mo yeke zia na li ti lo bongo so a yeke kanga na li tongana kpoto, mo yeke zia palata na ndö ti kpoto ni ti fa atene, a zia lo nde ndali ti Nzapa.

Sigingo 39:27

Na pekoni, zo ti kpongo bongo na apendere nzoroko afu na Aaron nga na amolenge ti lo ti koli mbeni yongoro bongo so a sara na len,

Sigingo 39:30

Na pekoni, ala mu lôro ti nzoni ni, ala sara na mbeni palata so akpa kongo; ala kpaka na ndö ni mbeni tënë tongaso: “Ye so a zia nde ndali ti KOTA GBIA.” Ala kpaka ni tongana ti so a yeke kpaka iri na ndö ti têne.

Sigingo 39:31

Ala mu kamba so nzoroko ni akpa le ti nduzu, ala kanga na palata ni na ndö ti bongo so a yeke kanga na li tongana kpoto, alingbi na yanga so KOTA GBIA amu lani na Moïse.

Ésaïe 23:18

Me aye so gbata ni ayeke wara nga na futa ti lo, a yeke zia ni nde ndali ti KOTA GBIA. A yeke bongbi ni pepe, a yeke bata ni pepe. Aye so lo wara so, a yeke vo na kobe na azo so ayeke duti na dawa ti KOTA GBIA, ala te ya ti ala asi; a yeke vo nga na apendere bongo na ala.

Ezekiel 43:12

So ndia ti kota da ni laa: sese so kue ayeke na tere ti da ni, na ndö ti hoto, ayeke nde si ayeke nzoni kue ahon atanga ni. Baa, so ndia ti kota da ni laa.”

Awayango-sandaga 10:3

Moïse atene na Aaron: “KOTA GBIA atene lani tongaso: ‘Azo so ayeke ga nduru na mbi, mbi ye si ala hinga atene, mbi yeke nde si mbi yeke nzoni kue; mbi ye si ala gonda mbi na le ti azo kue.’ ” Aaron aduti gi kpoo, lo zi yanga oko pepe.

Awayango-sandaga 19:2

Mo tene na bongbi ti azo ti Israel kue, mo tene: “Ayeke nzoni ala duti nde si ala duti nzoni kue, ngbanga ti so mbi KOTA GBIA Nzapa ti ala, mbi yeke nde si mbi yeke nzoni kue.

Awayango-sandaga 8:9

Moïse azia na li ti lo bongo so a yeke kanga na li tongana kpoto. Na dawa ti kpoto ni, lo zia palata so a sara na lôro si akpa kongo ti fa atene, zo so a zia lo nde ndali ti Nzapa, alingbi na yanga so KOTA GBIA amu na Moïse.

Zakarii 14:20

Na lango ni so, ye so a kanga na go ti ambarata si ayeke toto so, fade a yeke su mbeti na ndö ni, atene: “Ye so a zia nde ndali ti KOTA GBIA”. Atawa ti ya ti kota da ti KOTA GBIA, fade ayeke ga tongana kopo na dawa ti gbalaka, kopo so a yeke zia mene daa ti fi na tere ti aye.

Ahebro 12:14

Ala gi lege ngangu ti duti na siriri na azo kue, ala gi nga lege ngangu titene fini ti ala aduti nde si aduti nzoni kue. Tongaso pepe, fade zo oko alingbi ti baa *Kota Gbia pepe.

Ahebro 7:26

Mara ti kota wayango-sandaga so alingbi fade na e laa. Lo yeke nde si lo yeke nzoni kue, tënë ayeke na li ti lo oko pepe, lo sara siokpari oko pepe; lo kangbi na azo ti siokpari, Nzapa amu lo si azia lo na yayu kâ na ndö ti aye kue.

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.

Aye so Nzapa afa 21:27

Mbeni ye ti *sioni oko ayeke li na ya ti gbata so pepe, ataa zo ti sarango aye ti sioni so zo alingbi ti baa na le ti lo fani use pepe, ataa zo ti mvene, ayeke li daa pepe. Me gi azo so iri ti ala ayeke na ya ti mbeti ti Molenge ti Taba, mbeti so a su iri ti azo so ayeke na taa fini daa, ala laa ayeke li na ya ti gbata ni.