Sigingo 28:34 - Mbeti ti Nzapa - Tënë so amu fini

³⁴ Na yanga ti kaba ni, ye so ayeke toto ngrengre si a sara na lôro so, ala yeke zia ni oko, ala yeke zia le ti grenade oko, ala yeke zia ye ti lôro oko, ala yeke zia le ti grenade oko. Ala yeke zia aye ni tongaso angoro yanga ni kue.

Sigingo 28:34 ပူးပေါင်းရင်းမြစ်များ

Abia (Psaumes) 89:15

Gere ti mbata ti mo ti gbia aluti na ndö ti ye ti mbirimbiri na fango ngbanga ti mbirimbiri. Na ndo so kue mo yeke gue daa, nzoni be na taa-tënë laa amu dawa ti mo.

Sigingo 28:33

Na yanga ti kaba ni, na mbage ti gbeni, ala yeke zia ambeni ye ti pendere daa, angoro ni kue: ambeni le ti keke so a iri grenade si nzoroko ni akpa le ti nduzu, abe bengo na mbeni so abe si ayeke za zango. Na popo ti ale ti grenade ni, ala yeke zia nga ambeni ye so ayeke toto ngrengre so a sara na lôro.

Sigingo 28:35

Fade Aaron ayeke yu bongo ni so na ndembe so lo yeke sara kua ti wayango-sandaga. Tongana lo yeke li na ya ti da so ayeke nde si ayeke nzoni kue na le ti mbi KOTA GBIA, fade azo ayeke ma toto ti aye so atoto ngrengre so, wala tongana lo yeke sigigi na ya ti da ni, fade azo ayeke ma nga toto ni. Tongaso si lo kui pepe.

Sigingo 39:22

Na pekoni, ala mu bongo so nzoroko ni kue akpa le ti le ti nduzu, ala fu na kaba ti yu na gbe ti *efod ni.

Sigingo 39:26

Na yanga ti kaba ni, ye so ayeke toto ngrengre so, ala zia ni oko, ala zia nga le ti grenade oko; ala zia aye ni tongaso angoro yanga ni kue, alingbi na yanga so KOTA GBIA amu lani na Moïse.

B. ti abia 2:3

Tongana keke ti pome na popo ti akeke ti gbako, kamba ti be ti mbi ayeke tongaso na popo ti amaseka-koli. Mbi ye ti duti na gbe ti de ti lo; le ti keke ti lo anzere nzerengo na yanga ti mbi.

B. ti abia 4:13

Mo yeke tongana yaka ti *paradi so ade pendere mingi. Anzoni lengo ti keke ayeke daa; akongo so afun nzoni mingi nga na yombo ti nare;

B. ti abia 4:3

Poro ti yanga ti mo ayeke tongana kamba ti bengba bongo si yanga ti mo apendere. Na gbe ti mapia-bongo so mo bi na li ti mo, ngbangba ti mo ayeke tongana ndambo ti grenade.

B. ti abia 6:11

Mbi gue na yaka so a lu akeke so a yeke te ale ni, ti baa akeke so asigigi na tere ti ngu, ti baa wala afini kugbe asigigi daa awe, ti baa wala afini maboko asigigi na tere ti keke ti vinye awe, wala akeke ti grenade asara kongo awe.

B. ti abia 6:7

Na gbe ti mapia-bongo so mo bi na li ti mo, ngbangba ti mo akpa ndambo ti grenade.

B. ti abia 8:2

ka mbi fa lege na mo, mbi gue na mo na ya ti da ti mama ti mbi si mo fa na mbi lege ti yengo tere. Ka mbi mu na mo vin so a tuku yombo daa mo nyon, ka mbi mu na mo ngu ti le ti grenade ti mbi, mo nyon.

Jean 15:16

Ala laa asoro mbi pepe, me mbi laa mbi soro ala; mbi zia ala titene ala gue ti le mingi si lengo ti ala angba lakue. Tongaso, fade Babâ ayeke mu na ala ye so kue ala hunda na lo na iri ti mbi.

Kolose 1:10

Tongaso, fade dutingo ti ala ayeke lingbi na ti so be ti *Kota Gbia aye si ala sara ye so anzere na be ti lo. Ye ti peko ni ayeke so ala yeke sara mara ti anzoni ye nde nde si hingango so ala hinga na Nzapa ayeke gue lakue na nduzu.