Sigingo 28:31 - Mbeti ti Nzapa - Tënë so amu fini

³¹ “Fade ala yeke mu bongo so nzoroko ni kue akpa le ti le ti nduzu, ala fu na kaba ti yu na gbe ti *efod ni.

Sigingo 28:31 ပူးပေါင်းရင်းမြစ်များ

Sigingo 28:28

Ala yeke tengbi akati ti bozo ni na akati ti efod ni na mbeni kamba so nzoroko ni akpa le ti nduzu. Tongaso si bozo ni alango na ndö ti kamba ti efod ni si bozo ni alingbi ti hon mbage na mbage pepe.

Sigingo 28:32

Titene a yu kaba ni, ala yeke koro go ni taa gi na be ti mapia-bongo ni. Ala yeke pika yanga ni kue na kpengbango kamba titene asuru pepe.

Sigingo 28:4

Abongo so ala yeke fu ayeke so: bozo, *efod, kaba, yongoro bongo ti gbeni so a sara apendere nzoroko na tere ni, bongo so a yeke kanga na li tongana kpoto nga na kamba ti ndö ti bongo. Ita ti mo Aaron na amolenge ti lo ayeke yu abongo ni titene ala sara kua na mbi tongana awayango-sandaga.

Sigingo 29:5

Mo yeke mu abongo ti awayango-sandaga, mo yu na Aaron: yongoro bongo ti gbeni, kaba na gbe ti *efod, efod nga na bozo so ayeke na ndö ti kate. Mo yeke kanga akamba ti efod na ndö ti abongo ni.

Awayango-sandaga 8:7

Lo yu na Aaron yongoro bongo ti gbeni, lo kanga kamba na ndö ni, lo yu na lo kaba si lo zia *efod na ndö ni; lo kanga akamba ti efod na ndö ni.

1 Samuel 2:19

Na ya ti ngu oko oko, mama ti Samuel ayeke fu mbeni kota bongo ti molenge ndali ti lo. Lo yeke gue na bongo ni na lo na ndembe so lo na koli ti lo ayeke gue ti mu *sandaga na *KOTA GBIA.