Sigingo 28:30 - Mbeti ti Nzapa - Tënë so amu fini

³⁰ Ti mo Moïse, fade mo yeke zia na ya ti bozo ti fango ngbanga ni Urim na Tumim. Tongaso aye ni ayeke duti na kate ti Aaron na ndembe so lo yeke ga na dawa ti mbi. Biani, Aaron ayeke yu aye so lakue na kate ti lo na ndembe so lo yeke ga na dawa ti mbi, tongaso si lo lingbi ti hinga ye so be ti mbi aye na mbage ti azo ti Israel.”

Sigingo 28:30 ပူးပေါင်းရင်းမြစ်များ

Esdras 2:63

Govoronere agbanzi lege na ala ti te kobe so a zia ni nde gi ndali ti Nzapa. Ala yeke ku ngbii mbeni wayango-sandaga aga atene tënë na ndö ti ala na lege ti Urim na Tumim si.

Néhémie 7:65

Govoronere agbanzi lege na ala ti te kobe so a zia ni nde gi ndali ti Nzapa. Ala yeke ku ngbii mbeni wayango-sandaga aga atene tënë na ndö ti ala na lege ti Urim na Tumim si.

Sigingo 28:29

“Tongaso, tongana Aaron ayeke li na ya ti da so ayeke nde si ayeke nzoni kue, fade lo yeke yu bozo ti fango ngbanga so na kate ti lo. A su iri ti amara baleoko na use ti Israel na ndö ti bozo ni. Na lege so, fade mbi KOTA GBIA, mbi yeke dabe ti mbi na ala lakue.

Awayango-sandaga 8:8

Lo zia na ndö ti kate ti Aaron bozo so lo zia Urim na Tumim daa.

Zakarii 6:13

Biani, lo laa lo yeke kiri ti leke kota da ni. Lo yeke yu abongo ti gbia, lo yeke duti na ndö ti mbata ti gbia ti sara komandema na ndö ti azo. Mbeni wayango-sandaga ayeke duti na tere ti lo. Ala use kue ayeke ma tere na popo ti ala nzoni.

Wungo ti azo 27:21

Josué, lo wani, lo yeke luti na dawa ti wayango-sandaga Elazar; Elazar ayeke ga ti hunda mbi KOTA GBIA na lege ti Urim. Na pekoni, lo yeke tene peko ti tënë ti mbi na Josué. Fade Josué na bongbi ti azo ti Israel ayeke gue ti tiri bira, ala yeke kiri na kodro alingbi gi na yanga so mbi, KOTA GBIA, mbi mu.”

2 Korente 12:15

Ti mbi, fade mbi yeke buba aye ti mbi kue si mbi yeke ka fini ti mbi ndali ti ala. Tongana mbi ye ala ahon ndoni, fade ala yeke ye mbi gi kete?

2 Korente 7:3

Mbi yeke tene tënë so ti fâ ngbanga na li ti ala pepe. Biani, mbi tene na ala kozoni, mbi tene: ataa e ngba na fini wala e kui, e ye ala mingi.

Ndia ti fani use ni 33:8

Ndali ti mara ti Lévi, Moïse atene: “KOTA GBIA, lani Urim na Tumim ayeke ti azo ti mara ti Lévi so ayeke taa azo ti kua ti mo; azo ti mo so mo tara be ti ala lani na Masa si mo gi tënë na ala na ngu ti Meriba so.

Ahebro 2:17

Ndani laa, alingbi fade lo ga tongana a-ita ti lo na ya ti aye kue. Tongaso, lo ga kota wayango-sandaga so ayeke baa mawa ti azo si lo yeke sara kua ti Nzapa na legeni, titene lo zi asiokpari ti azo.

Ahebro 4:15

E yeke na kota wayango-sandaga so alingbi ti baa mawa ti e na ndo so ngangu atia e daa. Biani, aye ti tarango be kue asi na lo tongana ti so ayeke si na e, me lo sara ti lo siokpari oko pepe.

Ahebro 9:12

So Christ ali na ya ti da ti bongo ni, lo li fani oko biani biani na ndo so ayeke nde si ayeke nzoni kue ahon atanga ni. So lo li, lo ya mene ti angasa wala mene ti akete bagara pepe, me lo ya mene ti lo wani si lo zi e biani biani na ya ti asiokpari awe.

Ahebro 9:24

Da ti Nzapa so azo aleke ni lani na maboko ti ala so, ayeke gi limo ti taa ndo ti nzoni kue. Da so azo aleke ni, ni laa Christ ali lani na ya ni pepe, me lo li na yayu si lo luti na le ti Nzapa ndali ti nzoni ti e.

Awafango-ngbanga 1:1

Na peko ti kuâ ti Josué, azo ti Israel ahunda *KOTA GBIA, atene: “Mara wa laa na popo ti e ayeke gue kozo ti sara bira na azo ti Kanaan?”

Awafango-ngbanga 20:18

Azo ti Israel ague na Betel ti hunda Nzapa: “Mara wa na popo ti e ayeke londo kozoni ti tiri na azo ti Benjamin?” KOTA GBIA akiri tënë na ala: “Mara ti Juda laa ayeke londo kozo!”

1 Samuel 28:6

Lo hunda *KOTA GBIA, me KOTA GBIA akiri tënë na lo pepe, ataa na lege ti bango-li, wala na lege ti ye so a iri ni Urim wala na lege ti awayanga-Nzapa.