Sigingo 28:28 - Mbeti ti Nzapa - Tënë so amu fini

²⁸ Ala yeke tengbi akati ti bozo ni na akati ti efod ni na mbeni kamba so nzoroko ni akpa le ti nduzu. Tongaso si bozo ni alango na ndö ti kamba ti efod ni si bozo ni alingbi ti hon mbage na mbage pepe.

Sigingo 28:28 ပူးပေါင်းရင်းမြစ်များ

Sigingo 25:7

atêne ti kornaline na ambeni pendere têne nde nde ti ngangu ngere so a yeke zia na tere ti *efod nga na tere ti bozo so ayeke na ndö ti kate ti kota wayango-sandaga.

Sigingo 28:27

Ala yeke mu lôro, ala sara na ambeni kati use; ala yeke zia ni na yanga ti akamba ti ndö ti go ti efod ni, na mbage ti dawa, na ndo so a fu ni daa so. Fade ala yeke zia akati ni na ndö ti akamba ti efod ni.

Sigingo 28:29

“Tongaso, tongana Aaron ayeke li na ya ti da so ayeke nde si ayeke nzoni kue, fade lo yeke yu bozo ti fango ngbanga so na kate ti lo. A su iri ti amara baleoko na use ti Israel na ndö ti bozo ni. Na lege so, fade mbi KOTA GBIA, mbi yeke dabe ti mbi na ala lakue.

Sigingo 28:31

“Fade ala yeke mu bongo so nzoroko ni kue akpa le ti le ti nduzu, ala fu na kaba ti yu na gbe ti *efod ni.

Sigingo 28:37

Ala yeke mu kamba so nzoroko ni akpa le ti nduzu, ala kanga na palata ni na ndö ti bongo so a yeke kanga na li tongana kpoto, na dawa ni.

Sigingo 28:8

Ala yeke sara titene akamba ti efod ni na efod ni aga gi ye oko. Ala yeke sara nga ni na kamba ti len so akpengba kpengbango, ala yeke bongbi ni na bongo so nzoroko ni akpa le ti nduzu, bongo so abe bengo, bengba bongo so ayeke za zango. Ala yeke kpo apendere nzoroko na tere ni na kamba so a sara na lôro.

Sigingo 39:41

– abongo ti awayango-sandaga titene ala sara na kua na ndo so ayeke nde si ayeke nzoni kue; – abongo so a zia nde ndali ti wayango-sandaga Aaron, na abongo so amolenge ti lo ayeke yu ti sara na kua ti wayango-sandaga.

Wungo ti azo 15:38

“Tene na azo ti Israel, mo tene: Ala na *ahale ti ala, ala leke mbeni kamba na yanga ti bongo ti ala, ala zia nga kamba ti bongo so nzoroko ni akpa le ti nduzu daa.