Sigingo 28:21 - Mbeti ti Nzapa - Tënë so amu fini

²¹ Ala yeke kpaka iri ti amolenge ti Jacob baleoko na use na ndö ti têne oko oko, tongana ti so a yeke kpaka iri ti zo na ndö ti *ye ti kpongo na nzoroko. Fade wungo ti atêne ni ayeke lingbi na wungo ti amara baleoko na use ti Israel.

Sigingo 28:21 ပူးပေါင်းရင်းမြစ်များ

1 Agbia 18:31

Lo mu têne baleoko na use alingbi na wungo ti amara baleoko na use ti Jacob. Ando tënë ti KOTA GBIA asi na Jacob, atene: “Fade iri ti mo ayeke duti Israel.”

Mbeti ti Job 19:24

Âdu fade a mu wen si a de na atënë ni na ndö ti têne, a kpaka plon daa si angba lakue lakue, ka ayeke nzoni mingi!

Sigingo 24:4

Moïse asu na mbeti atënë kue ti KOTA GBIA. Na pekoni, lo londo na kota ndaperere, lo leke mbeni gbalaka na gbe ti hoto ni; lo leke nga angbongboro têne baleoko na use aluti na nduzu ndali ti mara baleoko na use ti Israel.

Sigingo 28:11

Tongana ti so zo ti sarango ye na kode ayeke kpaka iri na ndö ti atêne, mo yeke kpaka iri ti amolenge ni na ndö ti atêne use so tongana ti so a yeke kpaka iri ti zo na ndö ti *ye ti kpongo na nzoroko. Na pekoni, mo yeke zia atêne ni na ya ti akadere use ti lôro.

Sigingo 28:20

Na osio molongo ni, ala yeke zia krizolite, kornaline na zaspe. Ala yeke zia têne oko oko na ya ti kadere so a sara na lôro.

Sigingo 28:22

“Ndali ti bozo ni, ala yeke sara akete zingiri use tongana ti so a yeke sara pete; ala yeke sara azingiri ni na lôro ti nzoni ni.

Zakarii 9:16

Na lango ni so, fade KOTA GBIA Nzapa ti ala ayeke soo ala, tongana ti so wabatango-taba ayeke soo ataba ti lo. Azo ti lo ni ayeke tongana atêne ti gbe ti sese so azo amu ni si aleke na kpoto ti gbia, ala yeke za zango na ya ti kodro ti ala.

Nzoni Tënë so Luc asu na mbeti 22:30

fade mbi na ala, e yeke te si e yeke nyon na ya ti Kodro-gbia ti mbi si ala yeke duti na ndö ti ambata ti gbia ti fâ ngbanga ti amara baleoko na use ti Israel.”

Jacques 1:1

Mbi Jacques, zo ti kua ti Nzapa na ti *Kota Gbia Jésus Christ; mbi tokua mbeti so na amara baleoko na use ti azuife so akangbi na ya ti akodro nde nde. Mbi bara ala kue.

Aye so Nzapa afa 21:12

Mbeni kota gbagba so ayo na nduzu mingi angoro gbata ni; ayanga ti gbagba ni ayeke baleoko na use. A-ange baleoko na use ayeke bata ayanga ti gbagba ni. A su iri ti amara baleoko na use ti Israel na ndö ti ayanga ti gbagba ni.