Sigingo 28:20 - Mbeti ti Nzapa - Tënë so amu fini

²⁰ Na osio molongo ni, ala yeke zia krizolite, kornaline na zaspe. Ala yeke zia têne oko oko na ya ti kadere so a sara na lôro.

Sigingo 28:20 ပူးပေါင်းရင်းမြစ်များ

Sigingo 28:19

Na ota molongo ni, ala yeke zia yasente, agate na ametiste.

Sigingo 28:21

Ala yeke kpaka iri ti amolenge ti Jacob baleoko na use na ndö ti têne oko oko, tongana ti so a yeke kpaka iri ti zo na ndö ti *ye ti kpongo na nzoroko. Fade wungo ti atêne ni ayeke lingbi na wungo ti amara baleoko na use ti Israel.

B. ti abia 5:14

Maboko ti lo ayeke tongana aye ti maboko ti lôro so a zia topaze na tere ni. Tere ti lo ayeke tongana pembe ti doli so a zia safir na tere ni.

Ezekiel 1:16

Aruu ni osio kue akpa tere si tere ti ala ayeke za tongana têne ti krizolite. Na bango aruu ni, mo baa mo tene, ala li na ya ti amba ti ala si ala gbu tere.

Ezekiel 10:9

Mbi baa ndo: na tere ti asheruben ni, aruu osio ayeke daa; ruu oko na tere ti sheruben oko, ruu oko na tere ti sheruben oko. Aruu ni so ayeke za tongana têne ti krizolite.

Daniel 10:6

Tere ti lo ayeke tongana têne ti ngere ngangu so a iri ni krizolite; le ti lo aza tongana wâ ti bekpa; le so lo yeke baa na ndo ayeke tongana *tanda so aza wâ; maboko ti lo na gere ti lo aza mingi tongana bengba wen so akpaka tere ni. Tongana lo tene tënë, mo baa mo tene gba ti azo laa ayeke tene tënë.

Aye so Nzapa afa 21:11

Gonda ti Nzapa ayeke za na ya ni. Zango ti ya ti gbata ni akpa zango ti têne ti ngangu ngere si akpa nga mbeni pendere têne so iri ni zaspe so zo ayeke baa ndo na ya ni kue.

Aye so Nzapa afa 4:3

Tere ti lo ayeke za tongana atêne so iri ni zaspe na sardoane. Mbeni *kongö angoro tere ti mbata ti gbia ni. Zango ti kongö ni akpa zango ti mbeni têne so iri ni emerode.