Sigingo 28:15 - Mbeti ti Nzapa - Tënë so amu fini

¹⁵ “Fade azo ti sarango ye na kode ayeke sara bozo ti fango ngbanga. Ala yeke sara ni tongana ti so a sara na *efod so. Ala yeke sara ni na kamba ti *len so akpengba kpengbango, ala yeke bongbi ni na bongo so nzoroko ni akpa le ti nduzu, bongo so abe bengo, bengba bongo so ayeke za zango. Ala yeke kpo apendere nzoroko na tere ni na kamba so a sara na lôro.

Sigingo 28:15 ပူးပေါင်းရင်းမြစ်များ

Sigingo 25:7

atêne ti kornaline na ambeni pendere têne nde nde ti ngangu ngere so a yeke zia na tere ti *efod nga na tere ti bozo so ayeke na ndö ti kate ti kota wayango-sandaga.

Sigingo 26:1

Ti da so Nzapa ayeke duti daa, fade azo ti sarango ye na kode ayeke sara ni na amapia-bongo baleoko so ayeke na kamba ti *len so akpengba kpengbango, so a bongbi ni na kua ti tere ti taba so nzoroko ni akpa le ti nduzu, na mbeni so abe bengo si mbeni abe si ayeke za zango. Fade ala yeke kpo alimo ti *asheruben na tere ni.

Sigingo 26:36

“Ti ridoo ti yanga ti da ni, fade azo ti kpongo bongo na apendere nzoroko ayeke sara mbeni ridoo nde na kamba ti len so akpengba kpengbango, ala bongbi ni na bongo so nzoroko ni akpa le ti nduzu, bongo so abe bengo na bengba bongo so ayeke za zango.

Sigingo 28:14

a yeke kanga na tere ni akete zingiri use ti lôro ti nzoni ni. Ala yeke sara akamba ni tongana pete.”

Sigingo 28:16

Tongana a kungbi ya ni use, fade yongoro ti bozo ni ayeke duti santimetere baleuse na oku alingbi tere mbage na mbage kue.

Sigingo 28:30

Ti mo Moïse, fade mo yeke zia na ya ti bozo ti fango ngbanga ni Urim na Tumim. Tongaso aye ni ayeke duti na kate ti Aaron na ndembe so lo yeke ga na dawa ti mbi. Biani, Aaron ayeke yu aye so lakue na kate ti lo na ndembe so lo yeke ga na dawa ti mbi, tongaso si lo lingbi ti hinga ye so be ti mbi aye na mbage ti azo ti Israel.”

Sigingo 28:4

Abongo so ala yeke fu ayeke so: bozo, *efod, kaba, yongoro bongo ti gbeni so a sara apendere nzoroko na tere ni, bongo so a yeke kanga na li tongana kpoto nga na kamba ti ndö ti bongo. Ita ti mo Aaron na amolenge ti lo ayeke yu abongo ni titene ala sara kua na mbi tongana awayango-sandaga.

Sigingo 28:6

“Fade azo ti sarango ye na kode ayeke fu *efod ni na kamba ti *len so akpengba kpengbango, ala yeke bongbi ni na bongo so nzoroko ni akpa le ti nduzu, bongo so abe bengo, bengba bongo so ayeke za zango. Ala yeke kpo apendere nzoroko na tere ti efod ni na kamba so a sara na lôro.

Sigingo 29:5

Mo yeke mu abongo ti awayango-sandaga, mo yu na Aaron: yongoro bongo ti gbeni, kaba na gbe ti *efod, efod nga na bozo so ayeke na ndö ti kate. Mo yeke kanga akamba ti efod na ndö ti abongo ni.

Awayango-sandaga 8:8

Lo zia na ndö ti kate ti Aaron bozo so lo zia Urim na Tumim daa.