Sigingo 27:2 - Mbeti ti Nzapa - Tënë so amu fini

² Ala yeke sara adidi na andangoro osio ti gbalaka ni, adidi ni na gbalaka ni ayeke bongbi kue ti ga gi ye oko. Ala yeke zia bengba wen na tere ni kue.

Sigingo 27:2 ပူးပေါင်းရင်းမြစ်များ

1 Agbia 1:50

Mbeto ti Salomon agbu Adonia si lo gue, lo gbu adidi ti gbalaka.

1 Agbia 2:28

Yoab ama tënë ti ye so asi na Adonia nga na Abiatar. Tongaso lo kpe, lo honde tere ti lo na ya ti da ti *KOTA GBIA so a sara na bongo, lo gbu adidi ti gbalaka ni. Andaa Yoab amu lani peko ti Adonia, me lo mu peko ti Absalom pepe.

1 Agbia 8:64

Na lango ni so, gbia azia nde ndali ti Nzapa ya ti gbagba so ayeke na dawa ti kota da ti KOTA GBIA. Na ndo so laa lo mu asandaga so a yeke gbi ni kue na wâ, asandaga ti ale ti kobe, mafuta ti anyama so a yeke mu na sandaga ti beoko, ngbanga ti so gbalaka so a sara na bengba wen si ayeke dawa ti kota da ti KOTA GBIA so ayeke kete mingi, alingbi pepe titene a zia asandaga ni kue na ndö ni.

2 Agbia 16:14

Ti gbalaka so a sara na bengba wen si a zia ni nde ndali ti KOTA GBIA so, lo zi ni na ndo so ayeke daa kozoni; gbalaka ni ayeke ando na dawa ti kota da ti KOTA GBIA, na popo ti kota da ni na fini gbalaka. Lo zia gbalaka ni na peko ti fini gbalaka ni, na mbage ti Banga.

2 Mbai 4:1

A sara gbalaka na bengba wen; yongoro ti gbalaka ni ayeke metere baleoko, nduru ni ayeke metere baleoko, yongo ni na nduzu ayeke metere oku.

Abia (Psaumes) 118:27

– KOTA GBIA ayeke Nzapa, lo mu na e lumiere ti lo titene e baa ndo nzoni. Ala azo, ala mu maboko ti akeke, ala ga, ala sara molongo ngbii asi na ayanga ti gbalaka ti *sandaga ni.

Sigingo 27:3

Ala yeke sara agbakuru ti gbalaka ni kue na bengba wen: ata so a yeke tuku mburu ti wâ ti mafuta ti anyama daa, apao, adu ti sembe so a yeke zia mene ti anyama daa, afurshete nga na akete ta ti zongo na dukani.

Sigingo 29:12

Mo yeke mu mene ti koli-bagara ni, na li ti maboko ti mo, mo yeke zia ni na ndö ti adidi ti gbalaka. Na pekoni, mo yeke tuku tanga ti mene ni kue na gere ti gbalaka ni.

Sigingo 38:30

Azo ti sarango ye na kode amu ni si asara na agere ni so angbongboro keke ayeke luti na ndö ni; akeke ni ayeke na yanga ti da ti bongo so Nzapa na azo ti lo ayeke wara tere daa. Ala mu nga bengba wen ni asara na gbalaka, gbanda ni nga na agbakuru kue ti gbalaka ni;

Ezekiel 43:15

Na ndö ti a-etaze ni, gbalaka ayeke daa si yongo ni na nduzu ayeke kudee osio. Adidi ayeke na andangoro osio ti gbalaka ni.

Awayango-sandaga 16:18

Aaron ayeke londo kâ, lo gue na mbage ti gbalaka so ayeke na dawa ti KOTA GBIA; lo yeke sara titene a zi *sioni na tere ti gbalaka ni. Na pekoni, lo yeke mu mene ti koli-bagara ni na ti koli-ngasa ni si lo yeke zia na andangoro ti gbalaka ni.

Awayango-sandaga 4:18

Lo yeke zia nga mene ni na tere ti adidi ti gbalaka, na dawa ti KOTA GBIA na ya ti da ti bongo so KOTA GBIA na azo ti lo ayeke wara tere daa. Na pekoni, lo yeke tuku tanga ti mene ni na gere ti gbalaka so a yeke ya na ndö ni sandaga so a yeke gbi ni kue na wâ si ayeke na dawa ti da ti bongo so KOTA GBIA na azo ti lo ayeke wara tere daa.

Awayango-sandaga 4:25

Wayango-sandaga ayeke yoro li ti maboko ti lo na ya ti mene ti koli-ngasa ni si lo yeke zia na tere ti adidi ti gbalaka so a yeke ya na ndö ni sandaga so a yeke gbi ni kue na wâ. Na pekoni, lo yeke tuku tanga ti mene ni na gere ti gbalaka ni.

Awayango-sandaga 4:7

Lo yeke zia nga mene ni na tere ti adidi ti gbalaka, na ndo so a yeke zö dukani daa na dawa ti KOTA GBIA na ya ti da ti bongo so KOTA GBIA na azo ti lo ayeke wara tere daa. Na pekoni, lo yeke tuku tanga ti mene ni na gere ti gbalaka so a yeke ya na ndö ni sandaga so a yeke gbi ni kue na wâ si ayeke na dawa ti da ti bongo so KOTA GBIA na azo ti lo ayeke wara tere daa.

Awayango-sandaga 8:15

Moïse afâ go ti koli-bagara ni, lo yoro li ti maboko ti lo na ya ti mene ni si lo sara na tere ti adidi so ayeke na andangoro ti gbalaka titene aga *nzoni. Na pekoni, lo tuku tanga ti mene ni na gere ti gbalaka ni ti zia ni nde ndali ti Nzapa; tongaso si aga ye so Nzapa ayeke mu ti zi na siokpari na li ti azo.

Zakarii 9:15

Fade KOTA GBIA so ayeke na ndö ti dunia kue ayeke bata azo ti lo. Azo ti lo ni ayeke kinda awato ti ala tongana ti so zo ayeke zia têne na ya ti *mvingi ti bi ni; ala yeke nyon mene ti awato ti ala tongana ti so zo ayeke nyon vin; mene ni ayeke si ya ti ala tongana mene ti anyama so a tuku na ya ti kopo si a yeke fi na ndö ti adidi osio ti gbalaka.

Wungo ti azo 3:31

Kua ti ala ayeke ti batango sanduku ti *mbuki, meza, gere ti alamba, agbalaka na akungba nde nde ti sarango na kua na ya ti da so a zia nde ndali ti KOTA GBIA; ala yeke bata nga ridoo ti ya ti da ni. Aye so kue, ala laa ayeke baa lege ni.

Ahebro 6:18

Dengo ba so Nzapa ade na zendo so lo mu so ayeke ngba lakue; tënë ti mvene ayeke na ya ti aye use so oko pepe. Aye use so ayeke kpengba e mingi, e so e zia be ti e ti ku ti wara ye so Nzapa aye ti mu na e.