Sigingo 26:31 - Mbeti ti Nzapa - Tënë so amu fini

³¹ “Fade azo ti sarango ye na kode ayeke mu kamba ti len so akpengba kpengbango, ala bongbi ni na bongo so nzoroko ni akpa le ti nduzu, bongo so abe bengo, bengba bongo so ayeke za zango, ala sara na ridoo. Fade ala yeke kpo limo ti *asheruben na tere ti ridoo ni.

Sigingo 26:31 ပူးပေါင်းရင်းမြစ်များ

2 Mbai 3:14

A sara ridoo na *len, a zia na tere ni nzoroko so akpa le ti nduzu, nzoroko so abe bengo na nzoroko so abe si aza zango. A kpo nga limo ti asheruben na tere ti ridoo ni.

Abia (Psaumes) 137:5

Jérusalem, tongana mbi girisa mo, ayeke nzoni maboko ti mbi ti koli akui!

Sigingo 25:18

Ala yeke sara *asheruben use na lôro so a pika tere ni pikango, ala yeke zia ala na ndö ti ye ti kangango na yanga ti sanduku ni, oko na yanga ni, oko na mbeni yanga ni.

Sigingo 25:4

bongo so nzoroko ni akpa le ti nduzu na bongo so abe bengo, bengba bongo so ayeke za zango, bongo so a sara na *len nga na bongo so a sara na kua ti tere ti ngasa,

Sigingo 26:1

Ti da so Nzapa ayeke duti daa, fade azo ti sarango ye na kode ayeke sara ni na amapia-bongo baleoko so ayeke na kamba ti *len so akpengba kpengbango, so a bongbi ni na kua ti tere ti taba so nzoroko ni akpa le ti nduzu, na mbeni so abe bengo si mbeni abe si ayeke za zango. Fade ala yeke kpo alimo ti *asheruben na tere ni.

Sigingo 26:32

Ala yeke kanga ridoo ni na nduzu na akongi so a sara na lôro; akongi ni ayeke duti na tere ti angbongboro keke osio ti akasia so a zia lôro na tere ni. Ala yeke zia angbongboro keke ni aluti na ndö ti gere ni osio so a sara na wen ti nginza.

Sigingo 27:16

Na yanga ti gbagba ni, ala yeke zia mbeni ridoo so ayo metere baleoko. Zo ti kpongo bongo na apendere nzoroko ayeke kpo nzoroko na tere ni na kamba ti len so akpengba kpengbango, ala bongbi ni na bongo so nzoroko ni akpa le ti nduzu, bongo so abe bengo na bengba bongo so ayeke za zango. Ala yeke kanga ridoo ni na tere ti angbongboro wen osio so aluti na ndö ti gere ni osio.

Sigingo 27:21

Fade Aaron na amolenge ti lo ti koli ayeke zia gere ti alamba ni na ya ti da ti bongo so Nzapa na azo ti lo ayeke wara tere daa. Ala yeke zia ni na dawa ti ridoo so ahonde sanduku ti mbuki. Fade alamba ni ayeke za na dawa ti mbi, KOTA GBIA na lakui ngbii asi na ndaperere. Ndia so ayeke ngba ngu na ngu ndali ti *ahale ti ala ti angoi kue.”

Sigingo 28:15

“Fade azo ti sarango ye na kode ayeke sara bozo ti fango ngbanga. Ala yeke sara ni tongana ti so a sara na *efod so. Ala yeke sara ni na kamba ti *len so akpengba kpengbango, ala yeke bongbi ni na bongo so nzoroko ni akpa le ti nduzu, bongo so abe bengo, bengba bongo so ayeke za zango. Ala yeke kpo apendere nzoroko na tere ni na kamba so a sara na lôro.

Sigingo 35:12

sanduku ti mbuki na ayongoro keke ti yongo na ni, na ye ti kangango na yanga ti sanduku ni; na ridoo so akangbi ya ti da ni;

Sigingo 35:25

Awali so kue ayeke na ndara mingi afu na maboko, bongo so nzoroko ni akpa le ti nduzu, bongo so abe bengo, bengba bongo so ayeke za zango, bongo so a sara na len; ala mu abongo ni aga na ni.

Sigingo 35:35

KOTA GBIA asara si ala wara ndara mingi ti sara na akua nde nde: kua ti sarango ye na kode na tere ti atêne ti ngangu ngere, kua ti sarango ye ti kode, kua ti kpongo apendere nzoroko na kamba ti *len so akpengba kpengbango na tere ti bongo so nzoroko ni akpa le ti nduzu, bongo so abe bengo na bengba bongo so ayeke za zango. Ala hinga ti sara akua nde nde, ala hinga ti gbu li ti sigigi na kode ti akua nde nde.

Sigingo 35:6

bongo so nzoroko ni akpa le ti nduzu na bongo so abe bengo, bengba bongo so ayeke za zango, bongo so a sara na *len nga na bongo so a sara na kua ti tere ti ngasa,

Sigingo 36:35

Na pekoni, azo ti sarango ye na kode amu kamba ti len so akpengba kpengbango, ala bongbi ni na bongo so nzoroko ni akpa le ti nduzu, bongo so abe bengo, bengba bongo so ayeke za zango, ala sara na ridoo. Ala kpo limo ti asheruben na tere ti ridoo ni.

Sigingo 36:36

Ala kanga ridoo ni na nduzu na akongi so a sara na lôro; akongi ni ayeke na tere ti angbongboro keke osio ti akasia so a zia lôro na tere ni. Ala kporo wen ti nginza, ala sara na agere ni osio si angbongboro keke ni aluti na ndö ni.

Sigingo 36:8

Azo so ahinga ti sara kua nzoni asara da so Nzapa ayeke duti daa; ala sara ni na amapia-bongo baleoko so ayeke na kamba ti *len so akpengba kpengbango, so a bongbi ni na kua ti tere ti taba so nzoroko ni akpa le ti nduzu, na mbeni so abe bengo si mbeni abe si ayeke za zango. Ala kpo limo ti *asheruben na tere ni.

Sigingo 38:23

Zo so amu maboko na lo ayeke Oholiab, molenge ti Ahisamak ti koli, zo ti mara ti Dan. Oholiab ayeke zo ti sarango ye na kode na tere ti atêne ti ngangu ngere, zo ti sarango ye ti kode, zo ti kpongo apendere nzoroko na kamba ti *len so akpengba kpengbango na tere ti bongo so nzoroko ni akpa le ti nduzu, bongo so abe bengo na bengba bongo so ayeke za zango.

Sigingo 40:21

Moïse ague na sanduku ni na ya ti da so Nzapa ayeke duti daa. Na pekoni, a kanga ridoo so akangbi ya ti da ni titene ahonde sanduku ni. Moïse asara ye ni alingbi na yanga so KOTA GBIA amu lani na lo.

Sigingo 40:3

Mo yeke zia na ya ti da ni sanduku so a zia na ya ni atêne so a su atënë ti mbuki na le ni; mo yeke honde ni na peko ti ridoo so akangbi ya ti da ni.

B. ti abia 7:1

Sulamite, mo kiri, mo kiri, mo kiri si e lingbi ti baa mo. Ngbanga ti nyen ala ye ti baa Sulamite na ngoi so lo yeke dodo si bongbi use ti azo ayeke baa lo so?

Awayango-sandaga 16:15

Koli-ngasa so a ga na lo ndali ti zingo siokpari na li ti azo ni, lo yeke fâ go ti lo, lo mu mene ni ti gue na ni na peko ti ridoo so akangbi ya ti da ni. Gi oko ye so lo sara na mene ti koli-bagara ni, ni laa lo yeke sara na mene ti koli-ngasa ni. Lo yeke fi mene ni na tere ti ye ti kangango na yanga ti sanduku ti mbuki ni nga na dawa ti ye ti kangango na yanga ti sanduku ti mbuki ni.

Awayango-sandaga 16:2

“Mo tene na ita ti mo Aaron, mo tene: Alingbi lo li na ngoi kue pepe na ndo so ayeke nde si ayeke nzoni kue ahon atanga ni si ayeke na peko ti ridoo so; ndo ni ayeke baa le na *ye ti kangango na yanga ti sanduku ti mbuki. Tongana lo li kâ, lo lingbi ti kui na ndembe so mbi yeke ga ande na ya ti mbinda na ndö ti ye ti kangango na yanga ti sanduku ti mbuki ni.

Wungo ti azo 4:5

Na ndembe so tambula ni ayeke londo, fade Aaron na amolenge ti lo ayeke ga ti zi ridoo so akangbi ya ti da ni ti kanga na ndö ti sanduku so a zia na ya ni atêne so a su atënë ti mbuki na le ni.

Matthieu 27:51

Gi na ndembe ni so, ya ti ridoo so a kanga na ya ti kota da ti Nzapa asuru use, alondo na nduzu ngbii asi na gbeni. Sese ayingi, ya ti akota têne asuru,

Marc 15:38

Ya ti ridoo so a kanga na ya ti kota da ti Nzapa asuru use, alondo na nduzu ngbii asi na gbeni.

Nzoni Tënë so Luc asu na mbeti 23:45

Le ti lâ avuko vukongo; ridoo so a kanga na ya ti kota da ti Nzapa, ya ni asuru use, taa na be ni.

Efeze 2:14

Biani, Christ wani laa ayeke mu na e siriri, lo laa lo sara titene azuife na azo ti amara nde aga oko. Ando, kengo tere na popo ti e aga tongana mbeni gbagba so akangbi e, me na lege so lo ka tere ti lo na kuâ, gbagba ni akungbi awe.