Sigingo 26:29 - Mbeti ti Nzapa - Tënë so amu fini

²⁹ Ala yeke zia lôro na tere ti amabaya ni nga na tere ti alate ni. Ala yeke mu lôro asara na akati so alate ni ayeke hon na ya ni.

Sigingo 26:29 ပူးပေါင်းရင်းမြစ်များ

1 Agbia 6:20

Yongo ti kubu ni ayeke metere baleoko, nduru ni ayeke metere baleoko, yongo ni na nduzu ayeke nga metere baleoko. A zia lôro ti nzoni ni na tere ti dere ti kubu so ayeke na ngbonda ni kâ nga na ya ti kota da ni kue. Na dawa ti ndo so ayeke nde si ayeke nzoni kue ahon atanga ni, a kanga mbeni zingiri so ayeke na lôro; a zia nga na dawa ti ndo ni mbeni gbalaka so a sara na keke ti sedre si a zia lôro na tere ni.

1 Agbia 6:22

Tongaso a zia lôro na tere ti kota da ni kue kue kue; a zia nga lôro na tere ti gbalaka ni kue, gbalaka so ayeke na yanga ti kubu so ayeke na ngbonda ti kota da ni kâ so.

Sigingo 25:27

Ala yeke zia akati ni nduru na tere ti kadere ni titene a yeke yoro ayongoro keke ni daa ti yo na meza ni.

Sigingo 26:28

Late so ahon na be ti amabaya ni, fade ayeke hon na ndo so ndambo ti amabaya ni ayeke daa, tongana a haka ni; late ni ayeke londo na kozo mabaya ni asi na ndangba mabaya ti da ni.

Sigingo 26:30

Moïse, fade mo yeke yo na nduzu da so Nzapa ayeke duti daa, alingbi gi na kode so mbi fa na mo ge na li ti hoto so.