Sigingo 25:9 - Mbeti ti Nzapa - Tënë so amu fini

⁹ Fade ala yeke sara da ni na akungba ti ya ni kue alingbi gi na kode nga na tapande so mbi yeke fa na mo.”

Sigingo 25:9 ပူးပေါင်းရင်းမြစ်များ

Sigingo 25:40

Moïse, mo baa ye ni nzoni, fade mo yeke sara kue ti sara ye ni alingbi gi na kode so mbi fa na mo na li ti hoto so.”

Sigingo 26:30

Moïse, fade mo yeke yo na nduzu da so Nzapa ayeke duti daa, alingbi gi na kode so mbi fa na mo ge na li ti hoto so.

Sigingo 39:32

Lege so akua kue ti sarango da so Nzapa ayeke duti daa, da ti bongo so Nzapa na azo ti lo ayeke wara tere daa ahunzi na ni laa. Azo ti Israel asara ye ni alingbi gi na yanga so KOTA GBIA amu lani na Moïse.

Sigingo 39:42

Azo ti Israel asara akua ni kue alingbi gi na yanga so KOTA GBIA amu lani na Moïse.

Sigingo 39:43

Moïse abaa kua so kue ala sara; ala sara ni alingbi gi na yanga so KOTA GBIA amu. Tongaso Moïse asara tufa na ndö ti azo ti Israel.

Wungo ti azo 4:12

Na pekoni, ala yeke mu aye kue ti vorongo na Nzapa so ala yeke sara na kua na ya ti da so a zia nde ndali ti KOTA GBIA, ala yeke zia ni na ya ti mbeni bongo so nzoroko ni akpa le ti nduzu, ala yeke kanga ndö ni na mbeni pendere poro ti nyama si ala yeke zia ni na ndö ti ye ti yongo na ni.

Wungo ti azo 8:4

Lege so a sara na gere ti alamba ni ayeke tongaso: a sara gere ti alamba ni kue na lôro so a pika tere ni pikango, ti londo na gere ni ngbii asi na akongo ti li ni. A sara gere ti alamba ni alingbi na kode so KOTA GBIA afa na Moïse.

Awatokua 7:44

“Na benyama, akotara ti e ayeke na da so a zia atêne na ya ni, atêne so a su atënë ti *mbuki na le ni. Nzapa amu yanga na Moïse ti leke da ni alingbi na kode so Moïse abaa.

Ahebro 8:2

Lo yeke sara kua ti lo ti kota wayango-sandaga ni na ndo so ayeke nde si ayeke nzoni kue, so ti tene, na ya ti taa da ti bongo so *Kota Gbia Nzapa asara ni; maboko ti zo laa asara ni pepe.

Ahebro 8:5

Kua so ala yeke sara ayeke gi tongana limo ti aye so ayeke na yayu. Ye ni ayeke legeoko tongana ye so asi na Moïse na ngoi so lo ye ti leke da ti bongo. Nzapa atene na lo: “Fade mo yeke sara kue ti sara ye ni alingbi gi na kode so mbi fa na mo na li ti hoto so.”

Ahebro 9:2

Ndali ni, azo aleke mbeni da ti bongo. Kozo ndo ti ya ti da ti bongo ni, a iri ni “ndo so ayeke nde si ayeke nzoni kue”. Na ndo ni so, ala zia gere ti alamba na meza daa, meza so mapa ti mungo na Nzapa ayeke na ndö ni.

Ahebro 9:9

Aye so kue ayeke fa na e ye na ndö ti ngoi so e yeke daa so: aye ni afa na e atene, aye so azo ayeke mu na Nzapa, wala asandaga ti anyama so ala yeke mu na lo, alingbi ti sara si be ti azo aga nzoni kue pepe, so ti tene be ti azo so ayeke voro Nzapa.