Sigingo 25:8 - Mbeti ti Nzapa - Tënë so amu fini

⁸ Fade azo ti Israel ayeke sara mbeni da so ayeke nde si ayeke nzoni kue ndali ti mbi titene mbi duti na popo ti ala.

Sigingo 25:8 ပူးပေါင်းရင်းမြစ်များ

1 Agbia 6:13

Fade mbi yeke duti na ya ti kota da so na popo ti azo ti Israel si mbi yeke zia azo ti Israel pepe so ayeke azo ti mbi.”

1 Mbai 22:19

Tongaso, ala mu be ti ala na fini ti ala kue ti gi KOTA GBIA Nzapa ti ala. Ala londo, ala sara da so a zia ni nde ndali ti KOTA GBIA Nzapa; fade ala yeke mu sanduku ti *mbuki ti KOTA GBIA na aye so a zia nde ndali ti Nzapa ti zia na ya ti da so ala sara ndali ti lo.”

Sigingo 15:17

KOTA GBIA, fadeso mo sara si ala li kâ, mo zia ala na ndö ti hoto so ayeke ti mo; ndo so mo leke ti duti daa laa, ndo ni ayeke nde si ayeke nzoni kue, maboko ti mo wani laa aleke ni.

Sigingo 15:2

KOTA GBIA ayeke ngangu ti mbi, mbi yeke he bia na lo. Lo laa lo soo mbi! Lo yeke Nzapa ti mbi, mbi yeke sepela lo! Lo yeke Nzapa ti babâ ti mbi, mbi ye ti he bia ti fa kota ti lo.

Sigingo 29:45

Fade mbi yeke duti na popo ti azo ti Israel si mbi yeke duti Nzapa ti ala.

Sigingo 29:46

Fade ala yeke hinga atene, mbi laa mbi yeke KOTA GBIA, Nzapa ti ala; mbi laa mbi mu ala na kodro ti Ezipte mbi sigigi na ala titene mbi duti na popo ti ala. “Mbi laa mbi yeke KOTA GBIA, Nzapa ti ala.”

Ésaïe 12:6

Ala, azo so alango na *Sion, ala dekongo na ngia, ala dodo na ngia, ngbanga ti so Nzapa ti Israel so ayeke na popo ti ala, lo yeke kota, lo yeke nde si lo yeke nzoni kue.

Ezekiel 37:26

Mbi yeke sara *mbuki ti siriri na ala; mbuki ni ayeke ngba lakue lakue na popo ti mbi na ala. Mbi yeke zia ala na ndö ti sese so, mbi yeke sara si ala wu mingi. Mbi yeke zia da ti mbi so ayeke nde si ayeke nzoni kue na popo ti ala kpu na kpu.

Ezekiel 37:28

Na ndembe so mbi yeke zia da ti mbi na popo ti ala kpu na kpu, fade amara nde ayeke hinga atene, mbi laa mbi yeke KOTA GBIA, mbi laa mbi zia Israel nde ndali ti mbi.”

Ezekiel 43:7

Go ni atene na mbi: “*Molenge ti zo, ndo so ge so ayeke ndo ti mbata ti mbi ti gbia, ndo so mbi yeke zia gere ti mbi daa. Mbi yeke duti na ndo so lakue lakue na popo ti azo ti Israel. Iri ti mbi so ayeke nde si ayeke nzoni kue so, fade azo ti mara ti Israel na agbia ti ala ayeke kiri ti buba ni pepe na lege ti sarango ye ti ndumba ti ala wala na lege ti lungo akuâ ti agbia ti ala so akui so.

Awayango-sandaga 10:4

Moïse airi Mishael na Elisafan, amolenge ti Uziel, ita ti babâ ti Aaron. Moïse atene na ala: “Ala gue, amu kuâ ti a-ita ti ala so ayeke lango na yanga ti da so ayeke nde si ayeke nzoni kue, ala sigigi na ni na ya ti bâbâ.”

Awayango-sandaga 21:12

Ndo so a zia ndali ti mbi, alingbi lo sigigi na ya ni pepe; tongaso pepe, ndo ni ayeke ga *sioni. Biani, a tuku mafuta na li ti lo si a zia lo nde ti sara kua ti mbi. Mbi laa mbi yeke KOTA GBIA.

Awayango-sandaga 26:11

Fade mbi yeke zia da ti mbi na popo ti ala; mbi yeke ke ala pepe.

Awayango-sandaga 4:6

lo yeke yoro li ti maboko ti lo na ya ti mene ni si lo yeke fi ni fani mbarambara na tere ti ridoo so a kanga na yanga ti ndo so ayeke nde si ayeke nzoni kue, na dawa ti KOTA GBIA.

Zakarii 2:10

So tënë ti yanga ti *KOTA GBIA laa: “Ala londo, ala londo ahon! Ala so mbi kangbi ala na ndangoro osio ti sese kue so, ala londo hio na sese ti Banga, ala hon! So tënë ti yanga ti KOTA GBIA laa.

Zakarii 8:3

Tënë so KOTA GBIA atene ayeke so: Fade mbi yeke kiri ti ga na Sion, mbi yeke kiri ti duti taa na Jérusalem. Fade a yeke mu mbeni iri na Jérusalem, atene: ‘Gbata so abata tënë ti yanga ti Nzapa’ si a yeke mu nga iri na hoto ti KOTA GBIA so ayeke na ndö ti dunia kue, atene: ‘Hoto so ayeke nde si ayeke nzoni kue’.

Wungo ti azo 5:3

Ataa koli, ataa wali, fade ala yeke tumba ala kue; ala yeke tumba ala ti sigigi na ya ti bâbâ ni, tongaso si ala sara titene bâbâ ni aga *sioni pepe, na ndo so mbi yeke duti daa na popo ti azo ti Israel.”

Awatokua 7:44

“Na benyama, akotara ti e ayeke na da so a zia atêne na ya ni, atêne so a su atënë ti *mbuki na le ni. Nzapa amu yanga na Moïse ti leke da ni alingbi na kode so Moïse abaa.

2 Korente 6:16

Nyen laa abongbi da ti Nzapa na anzapa nde, nyen? E yeke tongana da ti Nzapa, lo so lo yeke na fini. Nzapa wani atene: “Fade mbi yeke duti na popo ti azo ni si mbi yeke tambula na popo ti ala; mbi yeke duti Nzapa ti ala si ala yeke duti azo ti mbi.”

Ndia ti fani use ni 12:11

Tongaso, na ndo so KOTA GBIA Nzapa ti ala asoro titene iri ti lo aduti daa si azo ayeke gue ti voro lo daa laa ala yeke ga na lo aye so mbi mu yanga daa na ala: asandaga ti ala so a yeke gbi ni kue na wâ, asandaga ti ala ti beoko, adime ti ala, amatabisi ti ala na aye so kue ala deba yanga ti ala ti mungo ni na KOTA GBIA.

Ahebro 3:6

Ti Christ, lo sara kua ni na legeni tongana Molenge ti Nzapa, lo yeke na komandema na ndö ti da ti Babâ ti lo. E laa e yeke da ni tongana e ngba ti zia be ti e na ndö ti ye so e yeke ku ni si e gonda tere ti e daa.

Josué 22:31

Pinas, molenge ti wayango-sandaga Elazar atene na azo ti mara ti Ruben, ti Gad na ti Manase, atene: “Laso, e hinga, e tene, KOTA GBIA ayeke na popo ti e, ngbanga ti so ala sara ye so ayeke sioni mingi ti kengo lo pepe. Ye so ala sara so, ala zi azo ti Israel na gbe ti ngbanga ti KOTA GBIA awe.”

Aye so Nzapa afa 21:3

Mbi ma mbeni kota go so alondo na mbage ti mbata ti gbia ni, atene: “Fadeso, da so Nzapa aduti daa asi na popo ti azo awe! Lo yeke sara kodro na ala, ala yeke duti amara ti lo. Lo wani, lo yeke duti na ala, lo yeke duti Nzapa ti ala.