Sigingo 25:37 - Mbeti ti Nzapa - Tënë so amu fini

³⁷ Fade ala yeke sara lamba mbarambara; ala yeke zia ni na ndö ti gere ti alamba ni titene alamba ni aza wâ na tere ti gere ti alamba ni.

Sigingo 25:37 ပူးပေါင်းရင်းမြစ်များ

2 Mbai 13:11

Lakue na ndaperere nga na lakui, ala yeke ya na KOTA GBIA *asandaga so a yeke gbi ni kue na wâ, ala yeke zö na lo dukani so fion ni anzere na lo, ala yeke zia mapa so a mu na Nzapa na ndö ti meza so ayeke *nzoni si lakue na lakui, ala yeke za wâ na ya ti alamba so ayeke na ndö ti gere so a sara na lôro. Ti e, e yeke sara kua na KOTA GBIA, Nzapa ti e. Me ti ala, ala zia lo awe.

2 Mbai 4:20

agere ti lamba na alamba ti ala so a yeke zia wâ daa na dawa ti da so ayeke nde si ayeke nzoni kue ahon atanga ni; a sara ni kue na lôro ti nzoni ni, alingbi na kode ni.

Abia (Psaumes) 119:105

Tënë ti mo ayeke tongana lamba ndali ti gere ti mbi, lumiere so ayeke za na ndö ti lege so mbi yeke hon daa.

Sigingo 25:38

Aye ti zingo na zende na tere ti ameshe ti lamba ni nga na akete sembe so a yeke tuku amburu ti wâ daa, fade ala yeke sara ni na lôro ti nzoni ni.

Sigingo 27:21

Fade Aaron na amolenge ti lo ti koli ayeke zia gere ti alamba ni na ya ti da ti bongo so Nzapa na azo ti lo ayeke wara tere daa. Ala yeke zia ni na dawa ti ridoo so ahonde sanduku ti mbuki. Fade alamba ni ayeke za na dawa ti mbi, KOTA GBIA na lakui ngbii asi na ndaperere. Ndia so ayeke ngba ngu na ngu ndali ti *ahale ti ala ti angoi kue.”

Sigingo 30:8

Lakue na lakui, lo yeke zö dukani na ndö ti gbalaka ni, na ndembe so lo yeke gue ti zia wâ na ya ti alamba. Fade ala yeke ngba ti zö dukani ni na dawa ti mbi KOTA GBIA ngu na ngu, kpu na kpu.

Sigingo 37:23

Lo mu lôro ti nzoni ni, lo sara na lamba mbarambara, aye ti zingo na zende na tere ti ameshe ti lamba ni nga na akete sembe so a yeke tuku amburu ti wâ daa.

Sigingo 40:24

Lo zia gere ti alamba ni na ya ti da ti bongo so Nzapa na azo ti lo ayeke wara tere daa. Lo zia ni na mbage ti Mbongo ti da ni, abaa ndo le na le na meza ni.

Sigingo 40:25

Lo zia wâ na ya ti alamba ni na dawa ti KOTA GBIA alingbi na yanga so KOTA GBIA amu lani na Moïse.

Amato 6:23

Biani, andia ayeke tongana lamba, fango ye ayeke tongana lumiere. Tongana zo agboto mê ti mo ti mu na mo wango, andaa lo ye ti zia mo na lege ti fini.

Ésaïe 8:20

fade ala yeke kiri tënë na ala, atene: “E yeke kiri gi na ndö ti wango ti KOTA GBIA na tënë so lo tene.” Zo so atene tënë tongaso pepe, fade lo yeke baa lumiere ti ndaperere pepe.

Zakarii 4:2

Lo hunda mbi, lo tene: “Nyen laa mo baa, nyen?” Mbi kiri tënë: “Mbi baa na ya ti mbeni ye tongana bango-li, mbeni gere ti alamba so a sara ni kue na lôro. Na mbage ti li ni, mbeni ta ti ziango mafuta na ya ni ayeke daa. Alamba mbarambara ayeke na ndö ti gere ti alamba ni; lamba oko oko ayeke na kamba mbarambara so mafuta ayeke hon na ya ni ti gue na ya ti alamba ni.

Wungo ti azo 4:9

Ala yeke mu mbeni bongo so nzoroko ni akpa le ti nduzu, ala bi na ndö ti gere ti alamba, alamba ni na aye ti tere ni kue, aye ti zingo na zende na tere ti ameshe ti lamba ni, akete sembe so a yeke tuku amburu ti wâ daa nga na akete ngbenda ti mafuta.

Wungo ti azo 8:2

“Tene na Aaron, mo tene: Tongana mo zia wâ na ya ti alamba, ayeke nzoni alamba mbarambara ni aza gi na mbage ti dawa ti gere ti alamba ni.”

Matthieu 5:14

“Ala laa ayeke lumiere ti dunia so. Gbata so a sara ni na li ti hoto alingbi ti honde tere ti lo pepe.

Nzoni Tënë so Luc asu na mbeti 1:79

Fade lâ ni ayeke su na ndö ti azo so aduti na ya ti vukongo ndo ti kuâ, ti fa na e lege ti siriri si e tambula daa.”

Jean 1:9

Tënë ni ayeke taa lumiere so aga na ndö ti dunia so; lo za si zo oko oko abaa ndo polele.

Jean 12:5

“Ngbanga ti nyen si a ka yombo so na ale ti nginza ngbangbo ota si amu nginza ni na azo ti mawa pepe?”

Jean 8:12

Jésus akiri atene na gba ti azo ni, atene: “Mbi yeke lumiere ti dunia so. Zo so amu peko ti mbi, fade lo yeke tambula na ya ti vukongo ndo pepe, me lo yeke wara lumiere so ayeke mu fini na zo.”

Awatokua 26:18

Mbi tokua mo ti zi le ti ala, ti mu ala na ya ti vukongo ndo ti sigigi na ala na ya ti lumiere; mo yeke zi ala na gbe ti ngangu ti Satan ti gue na ala na Nzapa. Tongana ala ma na be na mbi, fade a yeke zi siokpari na li ti ala si ala yeke wara ndo na popo ti azo ti Nzapa.’ ”

Aye so Nzapa afa 1:12

Mbi baa ndo na peko ti mbi ti baa zo so ayeke tene tënë na mbi so. So mbi baa ndo na peko ti mbi, mbi baa agere ti lamba mbarambara so a sara ni na lôro.

Aye so Nzapa afa 1:20

Atongoro mbarambara so mo baa na maboko ti mbi ti koli si nda ni angba na hondengo ni so, na agere ti lamba mbarambara so a sara ni na lôro so, nda ni ayeke tongaso: atongoro mbarambara so ayeke *a-ange ti a-Eglize mbarambara ni; agere ti lamba mbarambara so ayeke a-Eglize mbarambara ni.”

Aye so Nzapa afa 1:4

Jean laa atokua mbeti so na *a-Eglize mbarambara so ayeke na sese ti Azii. Ayeke nzoni Nzapa, lo so lo yeke laso, lo yeke ando si lo yeke ga, asara nzoni be na ala si amu na ala siriri! Ayeke nzoni ayingo mbarambara so ayeke luti na dawa ti mbata ti lo ti gbia amu ye so na ala!

Aye so Nzapa afa 22:5

Ndo ayeke kiri ti vuko na ndo ni so pepe, azo ayeke ku zango ti lamba wala sungo ti lâ ti baa ndo na ni pepe, ngbanga ti so *Kota Gbia Nzapa ayeke su na ndö ti ala. Ala yeke le-gbia kpu na kpu.

Aye so Nzapa afa 4:5

Zango ti bekpa, na ambeni go so atoto ngangu, nga na toto ti bekpa alondo na tere ti mbata ti gbia ni si ayeke sigigi. Akota wâ ti lamba mbarambara ayeke za na dawa ti mbata ti gbia ni; alamba ni ayeke ayingo mbarambara ti Nzapa.