Sigingo 25:30 - Mbeti ti Nzapa - Tënë so amu fini

³⁰ Fade ala yeke mu mapa so a leke si a yeke zia na dawa ti mbi, ala zia na ndö ti meza ni si angba na dawa ti mbi lakue lakue.”

Sigingo 25:30 ပူးပေါင်းရင်းမြစ်များ

1 Agbia 7:48

Salomon akiri amu lôro si aleke na ambeni ye ndali ti kota da ti *KOTA GBIA. Aye ni ayeke tongana: gbalaka so a yeke zö dukani na ndö ni, ayeke na lôro; meza so a yeke zia mapa ti Nzapa na ndö ni, ayeke na lôro;

1 Mbai 23:29

amapa so a leke si a zia na dawa ti Nzapa, nzoni farini ndali ti asandaga ti ale ti kobe, amakara so a sara na mama ni pepe, agatoo so a zö ni na ya ti kpangbara sembe na agatoo nde nde; ala yeke baa lege ti asembe na ametere ti hakango na ye.

1 Mbai 9:32

Kua ti ambeni zo ti mara ti Kehat ayeke ti lekengo amapa so a yeke mu na Nzapa lakue na *lango ti wungo tere.

2 Mbai 13:11

Lakue na ndaperere nga na lakui, ala yeke ya na KOTA GBIA *asandaga so a yeke gbi ni kue na wâ, ala yeke zö na lo dukani so fion ni anzere na lo, ala yeke zia mapa so a mu na Nzapa na ndö ti meza so ayeke *nzoni si lakue na lakui, ala yeke za wâ na ya ti alamba so ayeke na ndö ti gere so a sara na lôro. Ti e, e yeke sara kua na KOTA GBIA, Nzapa ti e. Me ti ala, ala zia lo awe.

2 Mbai 2:3

Mbi ye ti sara da ndali ti KOTA GBIA, Nzapa ti mbi, ti zia ni nde ndali ti lo. Na ya ti da ni, fade a yeke zö na dawa ti lo dukani so fion ni afun nzoni, a yeke leke mapa si a yeke zia na dawa ti lo lakue lakue, a yeke mu na lo *asandaga so a yeke gbi ni kue na wâ, na ndaperere nga na lakui, a yeke mu nga na lo asandaga ti *lango ti wungo tere, ti alango ti fini nze na ti alango ti amatanga ti KOTA GBIA Nzapa ti e; ye so a diko ndali ti azo ti Israel kpu na kpu laa.

2 Mbai 2:4

Da so mbi ye ti sara so ayeke duti kota da, ngbanga ti so Nzapa ti e ayeke kota ahon anzapa kue.

Sigingo 35:13

meza na ayongoro keke ti yongo na ni, na agbakuru ni kue nga na mapa so a yeke zia na dawa ti mbi;

Sigingo 39:36

– meza na agbakuru ni kue nga na mapa so a yeke zia na dawa ti Nzapa;

Sigingo 40:23

Lo leke na ndö ti meza ni mapa so a yeke zia na dawa ti KOTA GBIA, alingbi na yanga so KOTA GBIA amu lani na Moïse.

Sigingo 40:4

Mo yeke ga na meza ni si mo yeke zia na ndö ni mapa so a yeke zia na dawa ti KOTA GBIA. Mo yeke ga na gere ti alamba ni si mo yeke zia wâ na ya ti alamba ni.

Ezekiel 41:22

gbalaka so a leke na keke. Gbalaka ni ayo na nduzu kudee ota, kudee use na mbage. Andangoro ni, agere ni nga na atere ni ayeke na keke. Koli ni atene na mbi: “Meza so a zia na dawa ti KOTA GBIA laa.”

Malashii 1:12

Me ala, awayango-sandaga, ala baa iri ti mbi tongana senge ye si ala tene: ‘Meza ti KOTA GBIA aga *sioni awe. Kobe so ayeke na ndö ni so akpa pepe.’

Malashii 1:7

Ala mu kobe so ayeke *sioni, ala zia na ndö ti gbalaka ti mbi. Ala hunda mbi, atene: ‘Nyen laa e sara si abuba nengo ti mo?’ Na lege so ala tene: ‘Meza ti KOTA GBIA ayeke senge ye.’

Wungo ti azo 4:7

Ala yeke bi na ndö ti meza so a yeke zia mapa na ndö ni bongo so nzoroko ni akpa le ti nduzu si ala yeke zia na ndö ni aye tongana: akpangbara sembe, akete kopo, adu ti sembe nga na akopo ti samba. Ala yeke zia na ndö ti meza ni mapa so ala lingbi ti zia na dawa ti mbi KOTA GBIA lakue lakue.

Matthieu 12:4

Lo li na ya ti da ti Nzapa si lo na azo so amu peko ti lo ate mapa so a mu na *sandaga na Nzapa. Andaa a mu lege na ala pepe ti te mapa ni, me gi awayango-sandaga laa alingbi fade ti te ni!

Ahebro 9:2

Ndali ni, azo aleke mbeni da ti bongo. Kozo ndo ti ya ti da ti bongo ni, a iri ni “ndo so ayeke nde si ayeke nzoni kue”. Na ndo ni so, ala zia gere ti alamba na meza daa, meza so mapa ti mungo na Nzapa ayeke na ndö ni.

1 Samuel 21:4

Me nyen laa ayeke na maboko ti mo so? Mu na mbi mapa oku wala mbeni ye so ayeke na maboko ti mo so.”

1 Samuel 21:5

Wayango-sandaga ni akiri tënë na David, atene: “Mapa so ayeke na maboko ti mbi so, ayeke senge mapa pepe. Me gi mapa so a zia ni nde ndali ti Nzapa. Tongana azo ti kua ti mo alango fade na wali pepe, ka mbi mu na mo senge.”

1 Samuel 21:6

David akiri tënë na wayango-sandaga, atene: “Biani, lakue tongana e londo ka ti gue na bira, a yeke ke na e ti lango na awali. Na ndö ni, tongana mbi londo ti gue na bira, a yeke zia aye ti bira ti azo ti mbi nde ndali ti Nzapa. Tongana lege ti e ti laso ayeke senge lege laa, fade aye ti bira ni ayeke sara si aga *nzoni, ngbanga ti so a mu ni na Nzapa awe.”