Sigingo 25:22 - Mbeti ti Nzapa - Tënë so amu fini

²² Na ndo so laa mbi yeke wara tere na mo, na ndö ti ye ti kangango na yanga ti sanduku ni, na popo ti asheruben use so. Na ndo so laa mbi yeke mu yanga na mo ndali ti azo ti Israel.”

Sigingo 25:22 ပူးပေါင်းရင်းမြစ်များ

Tongo nda ti aye 18:33

So KOTA GBIA ahunzi ti tene tënë na Abraham awe, lo hon si Abraham akiri na ndo ti lo.

2 Samuel 6:2

David na aturugu so kue ayeke na tere ti lo ague na gbata ti Baala, na sese ti Juda. Ala gue kâ ti mu sanduku ti *mbuki ti Nzapa; iri ti *KOTA GBIA so ngangu ti lo ahon angangu kue ayeke na ndö ti sanduku ni, KOTA GBIA so ayeke duti na ndö ti *asheruben so ayeke na ndö ti sanduku ni.

2 Agbia 19:15

Na pekoni, lo sambela KOTA GBIA, lo tene: “KOTA GBIA, Nzapa ti Israel, mo so mo yeke duti na ndö ti *asheruben, gi mo oko mo yeke Nzapa na ndö ti akodro-gbia ti sese kue, ngbanga ti so mo laa mo sara yayu na sese.

1 Mbai 13:6

David na azo ti Israel kue ague na Baala, so ti tene na Kiriat-Yearim, na sese ti Juda. Ala gue ti mu sanduku ti mbuki ti Nzapa; a iri ni “sanduku ti KOTA GBIA, lo so lo yeke duti na ndö ti *asheruben”.

Abia (Psaumes) 80:1

Bia ti Asaf; bia so ayeke ndali ti makonzi-bia. A he ni na kundi.

Abia (Psaumes) 80:2

Mo so mo yeke bata Israel tongana wabatango-taba so, ma si! Mo so mo yeke fa lege na azo ti mara ti Joseph tongana ti so wabatango-taba ayeke fa lege na ataba ti lo so, mo so mo yeke duti na ndö ti *asheruben so, fa gonda ti mo na le ti azo;

Abia (Psaumes) 90:1

Sambela ti Moïse, zo ti Nzapa. Kota Gbia, ngu na ngu, mo yeke ndo so e yeke kpe daa ti bata tere ti e.

Abia (Psaumes) 99:1

*KOTA GBIA ayeke gbia, tere ti azo ayeke do! Lo duti na ndö ti *asheruben, sese ayeke yingi!

Sigingo 20:24

Ala mu sese asara na mbi gbalaka. Na ndö ni, fade ala yeke ya na mbi *asandaga ti ala so a yeke gbi ni kue na wâ, asandaga ti ala ti beoko, ataba ti ala, angasa ti ala nga na abagara ti ala. Na ndo so kue mbi yeke sara titene azo adabe ti ala na iri ti mbi, mbi yeke ga na mbage ti ala si mbi yeke sara tufa na ndö ti ala.

Sigingo 27:21

Fade Aaron na amolenge ti lo ti koli ayeke zia gere ti alamba ni na ya ti da ti bongo so Nzapa na azo ti lo ayeke wara tere daa. Ala yeke zia ni na dawa ti ridoo so ahonde sanduku ti mbuki. Fade alamba ni ayeke za na dawa ti mbi, KOTA GBIA na lakui ngbii asi na ndaperere. Ndia so ayeke ngba ngu na ngu ndali ti *ahale ti ala ti angoi kue.”

Sigingo 30:36

Mo yeke nika mbage ti yombo ni titene aga fuku, mo yeke tuku ni na dawa ti sanduku so a zia na ya ni atêne so a su atënë ti mbuki na le ni si ayeke na ya ti da ti bongo so mbi na azo ti mbi e yeke wara tere daa. Na ndo so laa mbi na mo, e yeke wara tere. Ti ala, ala lingbi ti baa yombo ni tongana ye so ayeke nde si ayeke nzoni kue ahon atanga ni.

Sigingo 30:6

Ala yeke zia gbalaka ni na dawa ti ridoo so ahonde sanduku so a zia na ya ni atêne so a su atënë ti mbuki na le ni; so ti tene ridoo so ayeke na dawa ti ye ti kangango na yanga ti sanduku ni. Na ndo so laa, Moïse, mbi na mo, e yeke wara tere.

Sigingo 31:18

So KOTA GBIA ahunzi ti tene tënë na Moïse na li ti hoto ti Sinai, lo mu na lo atêne use so lo wani, lo su atënë ti ndia na le ni.

Sigingo 31:6

Na ndö ni kue, mbi zia Oholiab, molenge ti Ahisamak na tere ti lo ti mu maboko na lo. Ahisamak ayeke zo ti mara ti Dan. Mbi mu nga ndara mingi na azo oko oko so kue ayeke sara ye na kode titene ala sara aye so kue mbi mu yanga na mo ti sara:

Ésaïe 37:16

“KOTA GBIA, mo so mo yeke na ndö ti dunia kue, Nzapa ti Israel, mo so mo yeke duti na ndö ti *asheruben, gi mo oko mo yeke Nzapa na ndö ti akodro-gbia ti sese kue, ngbanga ti so mo laa mo sara yayu na sese.

Ezekiel 43:6

Mbi ma mbeni go ayeke tene tënë na mbi na ya ti da ni kâ. Andaa na ngoi ni so, koli so ague na mbi kâ so angba na tere ti mbi.

Awayango-sandaga 1:1

KOTA GBIA airi Moïse; kâ na ya ti da ti bongo so lo na azo ti lo ayeke wara tere daa, lo mu yanga na lo

Awayango-sandaga 16:2

“Mo tene na ita ti mo Aaron, mo tene: Alingbi lo li na ngoi kue pepe na ndo so ayeke nde si ayeke nzoni kue ahon atanga ni si ayeke na peko ti ridoo so; ndo ni ayeke baa le na *ye ti kangango na yanga ti sanduku ti mbuki. Tongana lo li kâ, lo lingbi ti kui na ndembe so mbi yeke ga ande na ya ti mbinda na ndö ti ye ti kangango na yanga ti sanduku ti mbuki ni.

Wungo ti azo 17:4

Wayango-sandaga Elazar amu akete ta ti bengba wen ti zongo na dukani ti azo so wâ agbi ala so, a pika ni titene a leke na akpangbara le ti wen ti kanga na ndö ti gbalaka.

Wungo ti azo 7:89

Na ndembe so Moïse ali na ya ti da ti bongo so KOTA GBIA na azo ti lo ayeke wara tere daa, ti tene tënë na KOTA GBIA, Moïse ama mbeni go so ayeke tene tënë na lo. Go ni alondo na nduzu, na popo ti *asheruben use, na ndö ti *ye ti kangango na yanga ti sanduku ti mbuki. Asheruben ni ayeke na ndö ti sanduku so a zia na ya ni atêne so a su atënë ti mbuki na le ni. Tongaso lo yeke tene tënë na lo.

Awafango-ngbanga 20:27

Na pekoni azo ti Israel ahunda KOTA GBIA. Andaa na ngoi ni so, sanduku ti *mbuki ti Nzapa ayeke na Betel.

1 Samuel 4:4

Aturugu ni atokua ambeni zo na Silo. Ala gue, aga na sanduku ti mbuki ti KOTA GBIA, lo so lo yeke na ndö ti dunia kue si lo yeke duti na ndö ti *asheruben. Andaa amolenge ti Heli use, Hofni na Pinas ayeke na tere ti sanduku ti mbuki ni.