Sigingo 25:16 - Mbeti ti Nzapa - Tënë so amu fini

¹⁶ Fade mo yeke zia na ya ti sanduku ni atêne so a su atënë ti mbuki na le ni si mbi yeke mu na mo so.

Sigingo 25:16 ပူးပေါင်းရင်းမြစ်များ

1 Agbia 8:9

Mbeni ye nde ayeke na ya ti sanduku ni pepe, gi akpangbara têne use so Moïse awara lani na ndö ti hoto ti Horeb. Lo zia atêne ni na ya ti sanduku ni na ndembe so KOTA GBIA asara mbuki na azo ti Israel, na peko ti so lo sara si ala sigigi na sese ti Ezipte.

2 Agbia 11:12

Tongaso Yoyada amu molenge ti gbia asigigi na lo. Lo zia kpoto ti gbia na li ti molenge ni si lo mu na lo mbeti ti mbuki. A tuku mafuta na li ti lo titene a zia lo gbia. Azo ni apika maboko si ala dekongo, atene: “Gbia na nduzu!”

2 Mbai 23:11

Tongaso Yoyada na amolenge ti lo asigigi na Yoas. Ala zia kpoto ti gbia na li ti lo si ala mu na lo mbeti ti mbuki. Ala tuku mafuta na li ti lo titene ala zia lo gbia. Biaku tongaso, azo ato nda ti dekongo atene: “Gbia na nduzu!”

Sigingo 16:34

Aaron asara ye alingbi na yanga so KOTA GBIA amu lani na Moïse: lo zia ta ni na dawa ti atêne so a su atënë ti mbuki na le ni.

Sigingo 25:21

Na ya ti sanduku ni, mo yeke zia atêne so a su atënë ti mbuki na le ni si mbi yeke mu na mo so. Na pekoni, mo yeke zia ye ti kangango na yanga ti sanduku ni na ndö ni.

Sigingo 26:33

Ala yeke kanga ridoo ni na nduzu na gbe ti akongi ni. “Na peko ti ridoo ni kâ, ala yeke zia sanduku so a zia na ya ni atêne so a su atënë ti mbuki na le ni. Ridoo ni ayeke kangbi popo ti ndo so ayeke nde si ayeke nzoni kue na ndo so ayeke nde si ayeke nzoni kue ahon atanga ni.

Sigingo 27:21

Fade Aaron na amolenge ti lo ti koli ayeke zia gere ti alamba ni na ya ti da ti bongo so Nzapa na azo ti lo ayeke wara tere daa. Ala yeke zia ni na dawa ti ridoo so ahonde sanduku ti mbuki. Fade alamba ni ayeke za na dawa ti mbi, KOTA GBIA na lakui ngbii asi na ndaperere. Ndia so ayeke ngba ngu na ngu ndali ti *ahale ti ala ti angoi kue.”

Sigingo 30:36

Mo yeke nika mbage ti yombo ni titene aga fuku, mo yeke tuku ni na dawa ti sanduku so a zia na ya ni atêne so a su atënë ti mbuki na le ni si ayeke na ya ti da ti bongo so mbi na azo ti mbi e yeke wara tere daa. Na ndo so laa mbi na mo, e yeke wara tere. Ti ala, ala lingbi ti baa yombo ni tongana ye so ayeke nde si ayeke nzoni kue ahon atanga ni.

Sigingo 30:6

Ala yeke zia gbalaka ni na dawa ti ridoo so ahonde sanduku so a zia na ya ni atêne so a su atënë ti mbuki na le ni; so ti tene ridoo so ayeke na dawa ti ye ti kangango na yanga ti sanduku ni. Na ndo so laa, Moïse, mbi na mo, e yeke wara tere.

Sigingo 31:18

So KOTA GBIA ahunzi ti tene tënë na Moïse na li ti hoto ti Sinai, lo mu na lo atêne use so lo wani, lo su atënë ti ndia na le ni.

Sigingo 32:15

Moïse alondo na li ti hoto ni, lo zu. Lo gbu na maboko ti lo atêne use so a su atënë ti mbuki na le ni, mbage na mbage; a su atënë ti ndia na le ni.

Sigingo 34:29

Moïse alondo na li ti hoto ti Sinai ti zu; atêne use so a su atënë ti ndia na le ni ayeke na maboko ti lo. So lo yeke zu, ndö ti le ti lo ayeke za zango, ngbanga ti so lo na KOTA GBIA atene tënë. So ndö ti le ti lo ayeke za so, lo hinga ye oko daa pepe.

Sigingo 38:21

So ayeke wungo ti aye so azo aga na ni ti sara na da so Nzapa ayeke duti daa; da so a yeke bata atêne so a su atënë ti mbuki na le ni. Azo ti mara ti Lévi adiko wungo ti aye ni alingbi na yanga so Moïse amu; ala diko ni na gbe ti Itamar, molenge ti wayango-sandaga Aaron.

Sigingo 40:20

Na pekoni, lo mu atêne so a su atënë ti ndia na le ni, lo zia na ya ti sanduku. Lo yoro ayongoro keke na ya ti *akati so ayeke na tere ti sanduku ni si lo zia ye ti kangango na yanga ni na ndö ni.

Wungo ti azo 17:4

Wayango-sandaga Elazar amu akete ta ti bengba wen ti zongo na dukani ti azo so wâ agbi ala so, a pika ni titene a leke na akpangbara le ti wen ti kanga na ndö ti gbalaka.

Awatokua 7:44

“Na benyama, akotara ti e ayeke na da so a zia atêne na ya ni, atêne so a su atënë ti *mbuki na le ni. Nzapa amu yanga na Moïse ti leke da ni alingbi na kode so Moïse abaa.

Rome 3:2

Biani, ye ti nzoni ni ayeke kota na ya ti aye mingi. Kozo ye ni ayeke so Nzapa azia atënë ti lo na maboko ti azuife.

Ndia ti fani use ni 31:26

“Ala mu buku ti Ndia so, ala zia ni na tere ti sanduku ti mbuki ti KOTA GBIA Nzapa ti ala. Buku ni ayeke ngba na ndo so tongana mbeni ye so ayeke fa asioni ti azo ti Israel na le ti ala.

Ahebro 9:4

Na ndo ni so, gbalaka ti zongo dukani ayeke daa so ala leke ni na lôro. Sanduku ti mbuki so ala leke tere ni kue na lôro ayeke nga daa. Ta ti lôro so *mane ayeke na ya ni, keke ti Aaron so akongo asigigi na tere ni nga na akpangbara têne so a su atënë ti mbuki na ndö ni ayeke na ya ti sanduku ni.

Josué 4:16

“Mu yanga na awayango-sandaga so ayeke yo sanduku so mbuki ni ayeke daa so titene ala sigigi na ya ti ngu ti Jourdain.”