Sigingo 25:11 - Mbeti ti Nzapa - Tënë so amu fini

¹¹ Fade ala yeke zia lôro ti nzoni ni na tere ti sanduku ni, na ya ni nga na mbage ti gigi ni kue. Ala yeke mu lôro, ala leke na mbeni pendere ye, ala zia na tere ti yanga ti sanduku ni, angoro ni kue.

Sigingo 25:11 ပူးပေါင်းရင်းမြစ်များ

1 Agbia 6:20

Yongo ti kubu ni ayeke metere baleoko, nduru ni ayeke metere baleoko, yongo ni na nduzu ayeke nga metere baleoko. A zia lôro ti nzoni ni na tere ti dere ti kubu so ayeke na ngbonda ni kâ nga na ya ti kota da ni kue. Na dawa ti ndo so ayeke nde si ayeke nzoni kue ahon atanga ni, a kanga mbeni zingiri so ayeke na lôro; a zia nga na dawa ti ndo ni mbeni gbalaka so a sara na keke ti sedre si a zia lôro na tere ni.

2 Mbai 3:4

Kubu so a yeke hon daa ti li na ya ti da ni ayo metere baleoko, alingbi na nduru ti kota da ni, yongo ni na nduzu ayeke metere baleomene. A zia lôro ti nzoni ni na tere ni na ya ti da ni kue.

Sigingo 25:12

Ala yeke kporo lôro na wâ, ala leke na *akati osio, ala zia na andangoro ni: use na mbage, use na mbage.

Sigingo 25:24

Fade ala yeke zia lôro ti nzoni ni na tere ni; ala yeke mu lôro, ala leke na mbeni pendere ye, ala zia na tere ti yanga ni, angoro ni kue.

Sigingo 28:23

Ala yeke mu lôro, ala sara na *akati use si ala yeke zia ni na andangoro use ti bozo ni na mbage ti nduzu.

Sigingo 30:3

Ala yeke zia lôro ti nzoni ni na tere ti gbalaka ni kue, na ndö ni, na tere ni mbage na mbage kue nga na tere ti adidi ni. Ala yeke mu lôro, ala leke na mbeni pendere ye, ala zia na tere ti yanga ti gbalaka ni, angoro ni kue.

Ahebro 9:4

Na ndo ni so, gbalaka ti zongo dukani ayeke daa so ala leke ni na lôro. Sanduku ti mbuki so ala leke tere ni kue na lôro ayeke nga daa. Ta ti lôro so *mane ayeke na ya ni, keke ti Aaron so akongo asigigi na tere ni nga na akpangbara têne so a su atënë ti mbuki na ndö ni ayeke na ya ti sanduku ni.