Sigingo 24:7 - Mbeti ti Nzapa - Tënë so amu fini

⁷ Lo mu mbeti ti mbuki si lo diko na le ti azo ni. Azo ni atene: “Atënë so kue KOTA GBIA atene, fade e yeke sara ye alingbi na ni, fade e yeke ma yanga ti lo.”

Sigingo 24:7 ပူးပေါင်းရင်းမြစ်များ

1 Agbia 8:9

Mbeni ye nde ayeke na ya ti sanduku ni pepe, gi akpangbara têne use so Moïse awara lani na ndö ti hoto ti Horeb. Lo zia atêne ni na ya ti sanduku ni na ndembe so KOTA GBIA asara mbuki na azo ti Israel, na peko ti so lo sara si ala sigigi na sese ti Ezipte.

2 Mbai 15:14

Ala deba yanga ti ala na KOTA GBIA na dekongo na ngia, ala huru atatalita na adidi.

Abia (Psaumes) 50:5

Lo tene: “Ala bongbi azo ti mbi, azo ti mbi so mbi na ala e ga ambuki na lege ti *sandaga.”

Abia (Psaumes) 78:36

Me ala yeke handa lo na lege ti tënë ti yanga ti ala; ala yeke tene mvene na lo na lege ti menga ti ala.

Sigingo 19:8

Azo kue ayeda yanga oko, atene: “Atënë so kue KOTA GBIA atene so, fade e yeke sara ye alingbi na ni.” Moïse akiri na peko ti tënë ti azo ni na KOTA GBIA.

Jérémie 34:13

“Tënë so KOTA GBIA, Nzapa ti Israel atene ayeke so: Mbi nga, mbi na akotara ti ala, e sara mbuki na ndembe so mbi sara si ala sigigi na sese ti Ezipte, ndo so ala yeke lani angbaa daa. Mbi tene na akotara ti ala ni, mbi tene:

Jérémie 42:6

E tokua mo na KOTA GBIA, Nzapa ti e ti hunda lo na tënë ti e. Fade e yeke sara ye alingbi na yanga so KOTA GBIA ayeke mu na e, ataa tënë ni anzere na be ti e wala anzere na be ti e pepe. Tongaso, fade e yeke baa nzoni, ngbanga ti so e ma yanga ti KOTA GBIA, Nzapa ti e.”

Ezekiel 16:8

Mbeni lâ, mbi kiri mbi hon nduru na tere ti mo si mbi baa mo; andaa mo ga wali awe. Mbi gbara bongo ti mbi na ndö ti mo ti kanga na tere ti mo so ayeke ndumbu so. Mbi deba yanga ti mbi si mbi sara *mbuki na mo. Nilaa mo ga ti mbi. So tënë ti yanga ti Kota Gbia NZAPA laa.

Malashii 2:10

E kue, e yeke gi na babâ oko pepe? Gi Nzapa oko laa asara e kue pepe? Ngbanga ti nyen si e yeke ka amba ti e na popo ti e? Ngbanga ti nyen si e yeke buba lege ti *mbuki so Nzapa aleke ni na akotara ti e?

Awatokua 13:15

So a diko ambeti ti *Ndia na ti awayanga-Nzapa awe, amakonzi ti da ti sambelango Nzapa atokua na ala, atene: “A-ita, tongana ala yeke na mbeni tënë ti mu ngangu na be ti azo ni, ala tene tënë!”

Kolose 4:16

Tongana ala diko mbeti so awe, ala tokua ni na Eglize ti Laodise titene azo ni kâ adiko nga ni. Ti ala azo ti Kolose, ala diko nga mbeti so alondo na Laodise si asi na ala so.

1 Tesalonike 5:27

Mbi hunda na ala na ngangu na iri ti Kota Gbia titene ala diko mbeti so na a-ita, azo ti Christ kue.

Josué 24:24

Azo ni akiri tënë na Josué, atene: “Biani, e yeke sara kua na KOTA GBIA, Nzapa ti e; e yeke ma yanga ti lo!”