Sigingo 24:10 - Mbeti ti Nzapa - Tënë so amu fini

¹⁰ Ala baa Nzapa ti Israel. Mbeni ye so ayeke tongana kpangbara têne so iri ni safir si ayeke za zango tongana ti le ti nduzu, ayeke na gbe ti gere ti lo.

Sigingo 24:10 ပူးပေါင်းရင်းမြစ်များ

Tongo nda ti aye 32:30

Jacob ahunda lo, atene: “Mbi gbu gere ti mo, fa na mbi iri ti mo.” Zo ni akiri tënë, atene: “Mo hunda iri ti mbi ngbanga ti nyen?” Na pekoni, lo sara tufa na ndö ti Jacob na ndo ni so.

Tongo nda ti aye 32:31

Jacob adi iri ti ndo so Penuel, ngbanga ti so lo tene: “Mbi baa Nzapa le na le si mbi ngba na fini.”

1 Agbia 22:19

Mishe atene: “Mo ma tënë so KOTA GBIA atene! Mbi baa KOTA GBIA aduti na ndö ti mbata ti lo ti gbia; ala so kue ayeke na yayu aluti na tere ti lo, ambeni na mbage ti maboko ti lo ti koli, ambeni na mbage ti maboko ti lo ti wali.

2 Mbai 6:17

Fadeso KOTA GBIA, Nzapa ti Israel, tënë so mo tene na David, zo ti kua ti mo so, mo sara ye alingbi na ni!

Sigingo 24:11

Nzapa asara sioni na akota zo ti Israel so pepe. Ala baa lo, na pekoni, ala te, ala nyon.

Sigingo 3:6

Mbi yeke Nzapa ti babâ ti mo, Nzapa ti Abraham, Nzapa ti Isaac na Nzapa ti Jacob.” Tongaso Moïse ahonde le ti lo, ngbanga ti so lo yeke na mbeto ti baa Nzapa.

Sigingo 33:20

KOTA GBIA atene: “Mo lingbi ti baa le ti mbi pepe. Biani, zo so abaa le ti mbi, lo yeke ngba na fini pepe.”

Sigingo 33:23

Na pekoni, mbi yeke zi maboko ti mbi si mo lingbi ti baa gi peko ti mbi. Me le ti mbi, zo alingbi ti baa ni pepe.”

B. ti abia 5:14

Maboko ti lo ayeke tongana aye ti maboko ti lôro so a zia topaze na tere ni. Tere ti lo ayeke tongana pembe ti doli so a zia safir na tere ni.

B. ti abia 6:10

“Wali wa laa ayeke sigigi na ngia tongana lâ ti ndaperere so, lo pendere tongana nze so? Wali wa laa tere ti lo ayeke za zango tongana lâ, lo so songo tongana aturugu so ayeke tiri bira so?”

Abia ti demango tere 4:7

Ando tere ti amolenge ti agbia ti Sion avuru tarara tongana tukia; avuru ahon ngu ti me ti bagara; tere ti ala abe pendere ahon têne ti korayi; tere ti ala avuru aza tongana têne ti safir.

Ezekiel 1:1

Na lango oku ti nze osio ti ngu baleota ni, mbi yeke na tere ti *bale ti Kebar na popo ti azuife so a gbu ala si a gue na ala na kodro wande. Yayu azi si na ya ti ambeni ye tongana bango-li, Nzapa afa na mbi ambeni ye.

Ezekiel 10:1

Mbi baa ndo: na ndö ti ye so akpa le ti nduzu si ayeke na li ti *asheruben, mbeni ye ayeke daa tongana têne ti safir, ye ni akpa mbata ti gbia.

Daniel 10:17

Mbi yeke gi senge zo ti kua ti babâ. Mbi lingbi ti tene tënë na zo tongana mo so tongana nyen? Baa fadeso, mbi yeke na ngangu pepe si pupu ti ya ti mbi ayeke nga daa pepe!’

Wungo ti azo 12:8

Mbi yeke tene tënë na lo le na le, na hondengo ni pepe. Mbi yeke fa tere ti mbi na lo si lo yeke baa limo ti mbi. Ngbanga ti nyen laa ala kasa Moïse, zo ti kua ti mbi so?”

Matthieu 17:2

Tere ti Jésus akiri aga nde na le ti ala: ndö ti le ti lo aza tongana lâ, abongo ti lo avuru si ayeke za zango.

Jean 1:18

Zo ade ti baa Nzapa laoko pepe; me gi oko Molenge ni so ayeke Nzapa si lo yeke nduru na tere ti Nzapa Babâ, lo laa lo fa Nzapa na azo titene ala hinga lo.

Jean 14:9

Jésus akiri tënë, atene: “Aninga mingi so mbi yeke na popo ti ala. Philippe, ade mo hinga mbi pepe? Zo so abaa mbi, andaa lo baa Babâ awe. Ngbanga ti nyen laa mo kiri mo hunda mbi, mo tene: ‘Fa na e Babâ’ so?

Jean 6:46

so ti tene pepe mbeni zo abaa Babâ awe. Gi zo so alondo na Nzapa aga, lo laa lo baa Babâ.”

1 Timothée 6:16

Lo yeke gi oko Nzapa so ayeke na fini lakue lakue, lo yeke duti na ndo so aza zango, zo alingbi ti si na ndo ni so pepe. Mbeni zo ade ti baa lo pepe, zo alingbi ti baa nga lo pepe. Gonda na ngangu so ayeke ngba kpu na kpu ayeke ti lo! Amen.

1 Jean 4:12

Zo oko ade ti baa Nzapa pepe. Tongana e ye tere na popo ti e, Nzapa ayeke na e; so afa nga atene, na be ti e ndoye ti lo alingbi kue.

Aye so Nzapa afa 1:16

Lo gbu atongoro mbarambara na maboko ti lo ti koli; mbeni yongoro zeme so yanga ni aza mbage na mbage alondo na yanga ti lo si ayeke sigigi. Le ti lo ayeke za zango tongana lâ so ayeke za na ngangu ti lo kue.

Aye so Nzapa afa 21:11

Gonda ti Nzapa ayeke za na ya ni. Zango ti ya ti gbata ni akpa zango ti têne ti ngangu ngere si akpa nga mbeni pendere têne so iri ni zaspe so zo ayeke baa ndo na ya ni kue.

Aye so Nzapa afa 4:3

Tere ti lo ayeke za tongana atêne so iri ni zaspe na sardoane. Mbeni *kongö angoro tere ti mbata ti gbia ni. Zango ti kongö ni akpa zango ti mbeni têne so iri ni emerode.