Sigingo 23:6 - Mbeti ti Nzapa - Tënë so amu fini

⁶ “Na le ti ngbanga, ala sara si fango ngbanga ti zo ti mawa ague kirikiri pepe.

Sigingo 23:6 ပူးပေါင်းရင်းမြစ်များ

2 Mbai 19:7

Fadeso, ala kpe mbeto ti KOTA GBIA; ala sara hange na ye so kue ala yeke sara, ngbanga ti so KOTA GBIA, Nzapa ti e aye ye ti kirikiri pepe, lo yeke mu mbage ti mbeni zo pepe, lo ye tënë ti petengo goro pepe.”

Mbeti ti Job 31:13

Tongana zo ti kua ti mbi ti koli wala ti wali awara tënë na mbi, mbi yeke baa tënë ti ala na legeni lakue.

Amato 18:5

Tongana zo ake ti fâ ya ti ngbanga ti zo ti mbirimbiri si lo mu gi mbage ti zo ti sioni, so ayeke nzoni pepe.

Amato 22:22

Mo mu aye ti wayere na ngangu pepe, ngbanga ti so lo yeke na ngangu pepe. Na le ti ngbanga, mo sara ngangu na zo ti mawa pepe.

Amato 31:5

Tongana ala nyon samba ahon ndö ti ala, fade ala yeke girisa tënë ti ndia si ala yeke fâ ngbanga ti asenge zo na legeni pepe.

Zo ti bongbingo azo 5:8

Sese ayeke mu ye na azo kue. Ataa gbia ti kodro ayeke wara ye ti lo gi na lege ti fango yaka.

Ésaïe 5:23

Tongana a pete goro na ala, ala yeke zi zo so tënë ayeke na li ti lo, zo so tënë ayeke na li ti lo pepe, ala yeke ke titene a fâ ngbanga ti lo na legeni.

Jérémie 5:28

Ala kono mingi si tere ti ala ayeke za zango. Ala hon azo kue na sarango sioni. Ala yeke fâ ngbanga na legeni pepe; ala yeke baa tënë ti nyindu na legeni pepe; tongaso pepe, ka nyindu ni abaa nzoni. Ala yeke baa tënë ti awayere na legeni pepe.

Jérémie 6:28

Ala kue ayeke azo ti ngangu li, li ti ala akpengba ahon ndoni; li ti ala akpengba tongana bengba wen nga na wen. Ala yeke du mvene na li ti azo, ala kue ayeke azo ti bubango ye.

Jérémie 7:6

tongana mbeni wande, wala nyindu, wala wali-mua ayeke na popo ti ala, ala sara ngangu na ala pepe; azo so tënë ayeke na li ti ala pepe, ala tuku mene ti ala na ndo so pepe; ala mu peko ti anzapa nde pepe, ngbanga ti ala wara kpale.

Awayango-sandaga 19:15

“Na le ti ngbanga, ala fâ ngbanga na legeni: ala mu mbage ti zo ti mawa pepe, ala mu nga mbage ti kota zo pepe; me ala fâ ngbanga ti amba ti ala mbirimbiri.

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Ndia ti fani use ni 16:19

Ala buba ya ti ngbanga pepe! Tongana ala yeke fâ ngbanga, alingbi ala mu mbage ti mbeni zo pepe; ala yeda titene azo apete na ala goro pepe, ngbanga ti so goro ayeke vuko le ti zo ti ndara si ayeke buba ya ti tënë ti zo ti mbirimbiri.

Ndia ti fani use ni 27:19

‘Deba aga na ndö ti zo so afâ ngbanga ti wande, ti nyindu na ti wali-mua na legeni pepe!’ Fade azo kue ayeke kiri tënë, atene: ‘Amen!’

1 Samuel 8:3

Me amolenge ni amu peko ti sarango ye ti lo pepe. Ala ye nginza mingi; azo ayeke pete goro na ala si ala yeke fâ ngbanga ti azo na legeni pepe.